பா.ஜ.,வின் தந்திரம் பலிக்குமா?| Dinamalar

பா.ஜ.,வின் தந்திரம் பலிக்குமா?

Updated : ஏப் 21, 2019 | Added : ஏப் 21, 2019 | கருத்துகள் (17)
ஹரியானா ,  பா.ஜ.,தந்திரம்

மஹாகவி பாரதியார் உயிரோடு இருந்துஇருந்தால், 'ஜாதிகள் இல்லையடி பாப்பா' என்று எழுதியதற்கு, வெட்கி தலைகுனிவார்.

தேர்தலில், வேட்பாளர் தேர்வில் இருந்து, வாக்காளர்கள் வரை, ஜாதி வேரூன்றி உள்ளது.ஹரியானாவில், ஜாட் சமுதாயத்தினர் அதிகம் உள்ள பகுதிகளில், அதே சமுதாயத்தை சேர்ந்த, முன்னாள் முதல்வர், புபேந்தர் சிங் ஹூடாவுக்கு, 'செக்' வைக்கும் வகையில், பிராமண வகுப்பைச் சேர்ந்தவர்களை, பா.ஜ., வேட்பாளர் களாக நிறுத்தியுள்ளது.

ஹரியானாவில் உள்ள, 10 தொகுதிகளுக்கு, மே, 12ல் தேர்தல் நடக்க உள்ளது. இதில், சோனிபட், ரோதக், ஜாஜிர் மாவட்டங்களில், ஜாட் சமுதாயத்தினர் அதிகம் உள்ளனர்.காங்.,கைச் சேர்ந்த முன்னாள் முதல்வர், புபேந்தர் சிங் ஹூடா, இந்தப் பகுதிகளில் செல்வாக்கு உள்ளவர்.கடந்த லோக்சபா தேர்தலில், தான் போட்டியிட்ட, எட்டு தொகுதிகளில் ஏழில், பா.ஜ., வென்றது. ரோதக் தொகுதியில், ஹூடாவின் மகன், தீபிந்தர் வென்றார். மீண்டும் அதே தொகுதியில், காங்., சார்பில் அவர் நிறுத்தப்பட்டு உள்ளார்.

இந்தத் தொகுதியில், காங்.,கில் இருந்து வந்த, அரவிந்த் சர்மாவை, பா.ஜ., நிறுத்தியுள்ளது; இவர், பிராமண வகுப்பைச் சேர்ந்தவர்.அதே போல, சோனிபட் தொகுதியில், கடந்த தேர்தலில் வென்ற, பிராமண வகுப்பைச் சேர்ந்த, ரமேஷ் கவுசிக்கை, பா.ஜ., மீண்டும் நிறுத்தியுள்ளது.ஜாட் மற்றும் ஜாட் அல்லாதவர்கள், இந்தத் தொகுதிகளில், பிராமண வேட்பாளர் களுக்கு ஓட்டுகள் அளித்து, வெற்றி பெற வைத்துள்ளனர். அதை மனதில் கொண்டே, பிராமண வகுப்பைச் சேர்ந்தவர்களை, பா.ஜ., நிறுத்தியுள்ளதாக கூறப்படுகிறது.






ஹரியானா மட்டுமின்றி, நாடு முழுதும் இதே நிலைமை தான். பெரும்பான்மை ஜாதியினர் தான் வேட்பாளராக நிறுத்தப்படுகின்றனர். அவர்களுக்குத் தான் கட்சிகளும், 'சீட்' வழங்குகின்றன.

-நமது நிருபர் -

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X