பொது செய்தி

தமிழ்நாடு

போதை விருந்து விவகாரம் விடுதிகளில் அதிரடி ஆய்வு

Added : மே 08, 2019
Share
Advertisement

மாமல்லபுரம்:தனியார் விடுதியில் அரங்கேறிய, போதை விருந்து விவகாரத்தை தொடர்ந்து, வருவாய் துறையினர், மற்ற விடுதிகளில், நேற்று ஆய்வு நடத்தினர்.

மாமல்லபுரம் அடுத்த, இளந்தோப்பு பகுதி தனியார் விடுதியில், மது விருந்து நடந்தது.
அனுமதியின்றி இந்த கேளிக்கை விருந்து நடத்தப்பட்டதால், இது சம்பந்தமாக, 12 பேரை, போலீசார் கைது செய்தனர்.விருந்தில் பங்கேற்ற, 160 இளசுகளை மண்டபத்தில் அடைத்தனர். அவர்களின் பெற்றோர் உறுதியை அடுத்து, வாலிபர்கள் விடுவிக்கப்பட்டனர்.

பின், விருந்து நடந்த விடுதி, 'சீல்' வைக்கப்பட்டது.இவ்விவகாரத்தைத் தொடர்ந்து, திருக்கழுக்குன்றம், திருப்போரூர் தாலுகா பகுதிகளில் உள்ள விடுதிகளில் ஆய்வு நடத்தி, அறிக்கை அளிக்க வேண்டும் என, காஞ்சிபுரம் கலெக்டர், பொன்னையா உத்தரவிட்டார்.
இதையடுத்து, இரு தாலுகா பகுதிகளிலும், தாசில்தார் உள்ளிட்ட வருவாய் துறையினர், போலீசாருடன் சென்று, விடுதிகளில் ஆய்வு நடத்தினர்.விடுதி உரிமம், கட்டட அங்கீகாரம், மதுக்கூட உரிமம், போதைப் பொருட்கள் பதுக்கல் உள்ளிட்டவை குறித்து சோதனை நடத்தினர்.

எப்.ஐ.ஆரில் குறிப்பிட்டுள்ள விபரம்

விருந்தில் பயன்படுத்தியதாக, 300 கிராம் கஞ்சா; 195 மது பாட்டில்கள் மற்றும் போதை வஸ்துகள் சில கைப்பற்றப்பட்டதாக, போலீசாரின் முதல் தகவல் அறிக்கை எனும், எப்.ஐ.ஆரில் குறிப்பிடப்பட்டுள்ளது.இது தவிர, விடுதி மேலாளர், நெல்லை, கல்லிகுளத்தைச் சேர்ந்த மரிய நேவிஸ் மகன் ஜார்ஜ், 56, உட்பட, 12 பேர் மீது வழக்கு பதியப்பட்டுள்ளதாக தெரிவிக்கப்பட்டுள்ளது.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X