காங்.,ஐ மன்னிக்காதீர்கள்: பிரதமர் பேச்சு| Dinamalar

காங்.,ஐ மன்னிக்காதீர்கள்: பிரதமர் பேச்சு

Updated : மே 17, 2019 | Added : மே 17, 2019 | கருத்துகள் (13)
பிரதமர் மோடி,  காங்கிரஸ், பா.ஜ., காங், பாஜ

கார்கோன்: காங்கிரசை மக்கள் மன்னிக்கக் கூடாது என பிரதமர் மோடி கூறியுள்ளார்.
ம.பி., மாநிலம் கார்கோன் நகரில் நடந்த கூட்டத்தில், பிரதமர் மோடி பேசியதாவது: மீண்டும் என்னை பிரதமராக தேர்வு செய்ய முடிவு செய்துள்ள மக்களுக்கு நன்றி. காஷ்மீர் முதல் கன்னியாகுமரி வரையிலும், கட்ச் முதல் காம்ரூப் வரையிலும் ஒட்டு மொத்த நாடும், பா.ஜ., கூட்டணி 300 இடங்களை தாண்டும் என சொல்கின்றனர். பா.ஜ., தலைமையிலான தே.ஜ., கூட்டணி அரசு 130 கோடி மக்களின் தேர்வு.
இந்த ஞாயிறு நீங்கள் ஓட்டளிக்கும்போது, மீண்டும் ஒரு வரலாற்றை படைக்க உள்ளீர்கள். பல ஆண்டுகளுக்கு பிறகு, இரண்டாவது முறையாக மெஜாரிட்டி அரசை தேர்வு செய்ய உள்ளீர்கள்.






எனது முதல் தேர்தல் பிரசாரம் உ.பி.,யின் மீரட் நகரில் துவங்கியது.ம.பி.,யின் கார்கோன் நகரில் நிறைவு பெறுகிறது. வரலாற்று ரீதியாக இரண்டு நகரங்களுக்கும் தொடர்பு உள்ளது. 2019 தேர்தல் முந்தைய தேர்தலை விட வித்தியாசமானது. இந்த தேர்தலில், மக்கள், நாட்டிற்காக ஓட்டளிக்க உள்ளனர். கட்சிக்கு ஓட்டளிக்க முடியவில்லை. புதிய இந்தியாவை கட்டமைக்க ஓட்டு போடுகின்றனர்.
சத்துணவு கிடைக்காதவர்கள் ராணுவத்தில் சேர்ந்து, வீரர்களாக மாறுகின்றனர் எனக்கூறிய கர்நாடக முதல்வர் குமாரசாமியை காங்கிரஸ் கண்டிக்கவில்லை. கூட்டணி கட்சியின் கருத்துக்கு கண்டனம் தெரிவிக்காத காங்கிரசை மக்கள் மன்னிக்கக் கூடாது. அடுத்த முறை, சுத்தமான குடிநீர் அனைவருக்கும் கிடைப்பதை உறுதி செய்வேன். இவ்வாறு பிரதமர் பேசினார்.

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X