வழக்கை, வாபஸ் பெற அனில் அம்பானி முடிவு | Dinamalar

பொது செய்தி

இந்தியா

வழக்கை, 'வாபஸ்' பெற அனில் அம்பானி முடிவு

Added : மே 21, 2019 | கருத்துகள் (1)
வழக்கை, 'வாபஸ்' பெற அனில் அம்பானி முடிவு

ஆமதாபாத்,காங்கிரஸ் தலைவர்கள் மற்றும் நேஷனல் ஹெரால்டு பத்திரிகைக்கு எதிராக தொடர்ந்த அவதுாறு வழக்கை திரும்ப பெற, தொழில் அதிபர், அனில் அம்பானி முடிவு செய்துள்ளார்.ரிலையன்ஸ் நிறுவன அதிபர், அனில் அம்பானி, காங்கிரஸ் கட்சியின் மூத்த தலைவர்கள், சுனில் ஜாக்கர், ரண்தீப்சிங் சுர்ஜேவாலா, அசோக் சவான், உம்மன் சாண்டி மற்றும் நேஷனல் ஹெரால்டு பத்திரிகை ஆசிரியர் ஆகியோருக்கு எதிராக, குஜராத் மாநிலம், ஆமதாபாத் நீதிமன்றத்தில், அவதுாறு வழக்கு தொடர்ந்தார்.'ரபேல்' போர் விமான ஒப்பந்தம் தொடர்பாக, தன் மீதும், தங்கள் நிறுவனத்தின் மீதும், அவதுாறாக, நேஷனல் ஹெரால்டு பத்திரிகையில், காங்., தலைவர்கள், கட்டுரை எழுதியுள்ளதாகவும், பேட்டி அளித்திருப்பதாகவும் குறிப்பிட்ட அம்பானி, இதற்காக இவர்கள், 5,000 கோடி ரூபாய் இழப்பீடு தர வேண்டும் என்றும், மனுவில் கூறியிருந்தார்.இந்நிலையில், காங்கிரஸ் தலைவர்கள் மற்றும் நேஷனல் ஹெரால்டு பத்திரிகைக்கு எதிரான அவதுாறு வழக்கை திரும்பப் பெற, அனில் அம்பானி முடிவு செய்துள்ளார். வழக்கை வாபஸ் பெறுவதற்கான நடைமுறைகள் துவங்கியுள்ளதாக, அம்பானியின் வழக்கறிஞர் தெரிவித்துள்ளார்.

Advertisement


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X