பொது செய்தி

இந்தியா

பதிவு செய்த நாள் :
ரூ.71,500 கோடி!
தேசிய வங்கிகளில் ஓராண்டில் நடந்த முறைகேடு
முழு பட்டியல் வெளியிட்டு ரிசர்வ் வங்கி நடவடிக்கை

புதுடில்லி: 'இதுவரை இல்லாத வகையில், கடந்த நிதியாண்டில், 71 ஆயிரத்து, 500 கோடி ரூபாய்க்கு, வங்கிகளில் முறைகேடு நடந்துள்ளது. இது தொடர்பாக, 6,800 வழக்குகள் தொடரப்பட்டு, விசாரணை நடந்து வருகிறது' என, ரிசர்வ் வங்கி தெரிவித்துள்ளது.

சாமனியர்கள் ,வங்கிகள், முறைகேடு, ரிசர்வ் வங்கி,மத்திய ஊழல் கண்காணிப்பு அமைப்பு



சாமானியர்களுக்கு எளிதாக கடன் வழங்காத வங்கிகள், பெரிய தொழிலதிபர்களுக்கு, கோடி கோடியாக கொட்டி கொடுக்கின்றன. அவர்களில், விஜய் மல்லையா, நிரவ் மோடி போன்றவர்கள், பல ஆயிரம் கோடியை, 'ஏப்பம்' விட்டு, வெளிநாடுகளுக்கு தப்பியோடி, அங்கு தஞ்சமடைந்து விடுகின்றனர். அத்தகையோர் மீது, மத்திய அரசு கடும் நடவடிக்கை எடுத்து வருகிறது. எனினும், ஆண்டுக்கு ஆண்டு, நிதி முறைகேடு அளவும், வழக்குகளும் அதிகரித்தபடி உள்ளன.


இதுவரை இல்லாத வகையில், கடந்த நிதியாண்டில், 71 ஆயிரத்து, 500 கோடி ரூபாய்

அளவுக்கு, வங்கிகளில் முறைகேடுகள் நடந்துள்ளன. இது தொடர்பாக, 6,800 வழக்குகள் பதிவு செய்யப்பட்டு, விசாரணை நடந்து வருகிறது. முறைகேடுகள் தொடர்பாக, கடந்த, 11 நிதியாண்டுகளில், 53 ஆயிரத்து, 334 வழக்குகள், தொடரப்பட்டுள்ளன; 2.05 லட்சம் கோடி ரூபாயை, ஏராளமானோர் ஏப்பம் விட்டுஉள்ளனர்.


பெரிய அளவில் நடந்த வங்கி முறைகேடுகள், நிதி மோசடி வழக்குகளை, மத்திய அரசின், சி.பி.ஐ., மற்றும் அமலாக்க இயக்குனரகம் போன்ற அமைப்புகளும், விசாரித்து வருகின்றன. இந்த விபரத்தை, ரிசர்வ் வங்கி வெளியிட்டுள்ளது.


வங்கிகளை ஏமாற்றும் தொழில்கள் என்னென்ன?



சி.வி.சி., எனப்படும், மத்திய ஊழல் கண்காணிப்பு அமைப்பு, வங்கி முறைகேடுகள் தொடர்பாக ஆய்வு நடத்துகிறது. என்னென்ன துறைகள், எந்தெந்த காரணங்களுக்காக வங்கிகளில் பணம் பெற்று மோசடி செய்கின்றன; எந்தெந்த விதங்களில், வங்கிகள் ஏமாறுகின்றன என, சி.வி.சி., விரிவான அறிக்கை அளித்துள்ளது. அதில், எந்தெந்த துறைகளுக்காக வாங்கப்படும்

Advertisement

கடன்கள், திருப்பிச் செலுத்தப்படாமல், ஏமாற்றப்படுகின்றன எனவும் பட்டியலிட்டுள்ளது.


* ஆபரணக் கற்கள் மற்றும் நகைத் தொழில்

* உற்பத்தித்துறை

* விவசாயம்

* செய்தி ஊடகம்

* விமான போக்குவரத்து

* தகவல் தொழில்நுட்பம்

* ஏற்றுமதி

* வங்கிச் சேவைகளில் நடைபெறும் முறைகேடுகளான, நிரந்தர வைப்பு நிதியில் மோசடி, கடன் அளிப்பதாக கூறி மோசடி, போலியான ஆவணங்களைக் காட்டி பணம் மோசடி போன்ற பல.


சிவசங்கரன் வழக்கு:

தமிழகத்தை பூர்வீகமாக கொண்ட, வெளிநாட்டில் வசிக்கும் சிவசங்கரன் என்ற தொழிலதிபர், கடந்த நிதியாண்டில், ஐ.டி.பி.ஐ., பொதுத்துறை வங்கியில், 600 கோடி ரூபாய் முறைகேடு செய்துள்ளான். இது தொடர்பாக, அவன் மீது, வழக்கு பதிவு செய்து, சி.பி.ஐ., விசாரணை நடத்தி வருகிறது. முறைகேடுகளுக்கு துணையாக இருந்த, இந்தியன் வங்கி, சிண்டிகேட் வங்கி, ஐ.டி.பி.ஐ., ஆகிய பொதுத்துறை வங்கிகளின் நிர்வாக இயக்குனர்கள், சிவசங்கரன் மகன் ஆகியோர் மீதும், சி.பி.ஐ., வழக்குப்பதிவு செய்துள்ளது.




Advertisement

வாசகர் கருத்து (13)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
J.Isaac - bangalore,இந்தியா
04-ஜூன்-201914:58:07 IST Report Abuse

J.Isaacஅனில் அம்பானியின் ரிலையன்ஸ் கமூனிக்கேஷன்ஸ் 46000 கோடி கடன் இதில் சேருமோ? ஒரே முதலாளியின் ஒரு கம்பெனி நஷ்டம் ஆன பிறகு அவரே இன்னொரு கம்பெனி ரிலையன்ஸ் டிபன்ஸ் நடத்த முடியுமா?

Rate this:
Jayvee - chennai,இந்தியா
04-ஜூன்-201912:43:28 IST Report Abuse

Jayveeமோடி ஆட்சியின் மிகப்பெரிய தோல்வி இது..

Rate this:
Narayanan Sakthi - Nemathanpatti,இந்தியா
04-ஜூன்-201911:45:02 IST Report Abuse

Narayanan Sakthiஏன் சிவசங்கரனை மட்டும் குறிப்பிடுகிறீர்கள் ? பிற முதலைகள் இந்த தகவலை வெளியிடும் நிர்வாகியை கவனிக்கிறதா இல்லை இந்த நிர்வாகம் அவர்களை பார்த்து அஞ்சுகிறதா?

Rate this:
மேலும் 10 கருத்துக்கள்...

உங்கள் கருத்தைப் பதிவு செய்ய

Login via Dinamalar:
( OR )Login with

New to Dinamalar ? Create an account

(Press Ctrl+g or click this   to toggle between English and Tamil)

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X