நடுங்க வைக்கும் நிபா வைரஸ்| Dinamalar

பொது செய்தி

இந்தியா

நடுங்க வைக்கும் 'நிபா வைரஸ்'

Added : ஜூன் 05, 2019 | கருத்துகள் (2)
நிபா,வவ்வால்

கேரளாவை 'நிபா' வைரஸ், மீண்டும் அச்சுறுத்த தொடங்கியுள்ளது. இதனால் அம்மாநிலத்தில் சிலர் பாதிக்கப்பட்டுள்ளனர். இது 'என்.ஐ.வி. தொற்றுநோய்' என்றும் அழைக்கப்படுகிறது.


பழங்கள்:

பழந்தின்னி வவ்வால்கள் சாப்பிட்ட பழங்கள் மூலம் இந்த வைரஸ் மனிதர்களுக்கு பரவுகிறது.


பனை வகை:

ஈச்ச மரம், பேரீச்சை மரம், தென்னை மரம் உள்ளிட்ட பனை குடும்ப மரங்களில் கட்டப்படும் கள் பானை மற்றும் மரத்தின் பழங்களை வைரஸ் ஏந்திய வவ்வால்கள் நுகர்வதால், மரங்களின் காய்ப்புகளை சாப்பிடும் மனிதர்களுக்கு பரவுகிறது.


விலங்குகள்:

'நிபா வைரஸ்' தாக்கிய வவ்வால்கள் சாப்பிட்ட பழங்கள் மற்றும் அதன் கழிவுகள் மூலம் பன்றி, ஆடு,பூனை, குதிரை உள்ளிட்ட விலங்குகளிடம் பரவுகிறது. இவற்றிடமிருந்து மனிதர்களுக்கு பரவுகிறது.


மனிதர்கள்:

பாதிக்கப்பட்ட மனிதர்களின் எச்சில், பயன்படுத்திய தண்ணீர் உள்ளிட்ட உணவுகள் மூலம், மற்றொருவருக்கு பரவுகிறது.


அறிகுறி:

* காய்ச்சல்
* தலைவலி
* உடல் சோர்வு
* மூளையில் வீக்கம்
* வலிப்பு
* கோமா


தடுக்கும் முறை:

* வைரஸ் தாக்கிய பறவைகள் மற்றும் விலங்குகள் சாப்பிட்ட பழங்களை சாப்பிடக் கூடாது
.* பாதிக்கப்பட்டவர்களுடன் இருக்க நேர்ந்தால், கைகளை நன்றாக கழுவ வேண்டும்.
* முகத்தில் மாஸ்க் மற்றும் கையுறை அணிய வேண்டும்.


சிகிச்சை:

* இதற்கு தடுப்பூசி எதுவும் கண்டுபிடிக்கப்படவில்லை.
* பாதிக்கப்பட்டவர்களை தீவிர சிகிச்சை மையம் மூலம் தனிமைப்படுத்திய சிகிச்சை வழங்கப்படுகிறது.
* உடலில் நோய் எதிர்ப்பு சக்தியை அதிகரிப்பதற்கு சில ஆயுர்வேத மருந்துகள் பரிந்துரைக்கப்படுகின்றன. டாக்டர்களிடம் ஆலோசனை பெற்று, இந்த மருந்துகளை சாப்பிடலாம். சுற்றுச்சூழலை சுத்தமாக வைத்திருக்க வேண்டும்.


வரலாறு:

* முதன்முறையாக 1999ல் மலேஷியாவில் கம்பாங் சுங்காய் நிபா என்ற இடத்தில் கண்டு பிடிக்கப்பட்டது. வைரஸ் பாதிக்கப்பட்ட பன்றிகள் மூலம் மனிதர்களுக்கு பரவியது.
* இந்தியாவில் முதன்முதலில், 2001ல் மேற்கு வங்க மாநிலம், சிலிகுரியில் நிபா வைரசால் பாதிக்கப்பட்டனர்.
* பின் 2001-2007வரை வங்கதேசத்தின் பெரும்பாலான இடங்களிலும் பரவியது.

* கேரளாவில் 2018ல் 'நிபா' வைரசால் 17 பேர் பலியாகினர்.

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X