அரசியல் செய்தி

தமிழ்நாடு

மாணவர்களிடம் அவநம்பிக்கையை ஏற்படுத்துவது சரியல்ல: தமிழிசை

Added : ஜூன் 07, 2019
Advertisement

சென்னை:'தமிழக அரசியல்வாதிகள், அரசியல் காரணங்களுக்காக, மாணவர்களுக்கு அவநம்பிக்கையை ஏற்படுத்துகின்றனர்,'' என, தமிழக, பா.ஜ., தலைவர், தமிழிசை தெரிவித்தார்.

சென்னையில், அவர் அளித்த பேட்டி:தமிழக, பா.ஜ., மையக்குழு கூட்டத்தில், தேர்தல் முடிவுகள் குறித்தும், வருங்கால திட்டம் குறித்தும் விவாதித்தோம். தமிழகத்தில், நேர்மறையான அரசியலை முன்னெடுத்து செல்வோம். புதிய நபர்கள், பா.ஜ.,வில் இணைந்துள்ளனர். தமிழகத்தில், பா.ஜ.,வை வலுப்படுத்தவும், உள்ளாட்சி மற்றும் சட்டசபை தேர்தலில், வலிமையான கட்சியாக வலம் வரவும் முயற்சிப்போம்.

தமிழகம் முழுவதும், இன்று முதல் சுற்றுப்பயணம் மேற்கொள்ள உள்ளேன். தமிழகத்தில் கிடைத்த பின்னடைவை சரி செய்யவும், தொண்டர்களை உற்சாகப்படுத்தவும், இந்த சுற்றுப் பயணம் உதவும். பிரதமரின் நல்ல திட்டங்களை, மக்களிடம் எடுத்து செல்வோம்.அனைத்து மாணவர்களுக்கும் பயன் தரும் வகையில், புதிய கல்விக் கொள்கை உருவாக்கப்பட்டது.

அறிமுக நிலையிலேயே, அதை அரசியலாக்கி, மிகப்பெரிய போராட்டமாக எடுத்துச் செல்லலாம் என்ற நப்பாசையில், தி.மு.க., கூட்டணி செயல்பட்டது.'விருப்பமானவர்கள் மூன்றாவது மொழியை படிக்கலாம்' என, மத்திய அரசு, தெளிவான விளக்கம் கொடுத்துள்ளது. ஒவ்வொரு மாநிலமும், எந்த மொழி வேண்டும் என, முடிவு செய்ய உரிமை உள்ளது.

இளம் வயதில், இன்னொரு மொழி கற்பது தான் நல்லது.தமிழகத்தில், எதை வேண்டுமானாலும் அரசியலாக்குகின்றனர். தேசிய கொடியின் மூவர்ணத்துடன், பாரதியார் படத்தை வரைந்ததை விமர்சிக்கின்றனர்.எதிர்மறையான விஷயங்களை பார்க்காமல், நேர்மறையான விஷயங்களை பார்க்க வேண்டும். 'நீட்' தேர்வில் தோல்வி அடைந்ததால், தற்கொலை செய்த, இரண்டு மாணவியரின் குடும்பத்திற்கு, இரங்கல் தெரிவித்து கொள்கிறேன்.
ஆனால், இதை ஊக்கப்படுத்தக் கூடாது. தமிழக அரசியல்வாதிகள், அரசியல் காரணங்களுக்காக, மாணவர்களுக்கு அவ நம்பிக்கையை ஏற்படுத்துகின்றனர்.நீட் தேர்வு, உச்ச நீதிமன்றத்தின் ஆணை; அதை நீக்கி விடுவோம் எனக்கூறி, ஸ்டாலின், மாணவர்களிடம் அவ நம்பிக்கை ஏற்படுத்துகிறார். நீட் தேர்வு பயிற்சி மையங்கள் வியாபாரமயமாவது தடுக்கப்பட வேண்டும்.இவ்வாறு, தமிழிசை கூறினார்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X