உ.பி., வெயிலுக்கு தமிழகத்தை சேர்ந்த 5 பேர் பலி| Dinamalar

உ.பி., வெயிலுக்கு தமிழகத்தை சேர்ந்த 5 பேர் பலி

Updated : ஜூன் 11, 2019 | Added : ஜூன் 11, 2019 | கருத்துகள் (19)
உ.பி., வெயில் கொடுமை,  ரயில், தமிழகம்,

லக்னோ: உ.பி.,யில் கடும் வெப்பம் காரணமாக, ரயிலில் பயணித்த தமிழகத்தை சேர்ந்த 5 பேர் உயிரிழந்துள்ளதாக தகவல் வெளியாகியுள்ளது.

உ.பி.,யில் கடும் வெயில் வாட்டி வதைக்கிறது. பொது மக்கள் அவதிப்பட்டு வரும் நிலையில், ஜான்சியில் கேரள விரைவு ரயிலில் பயணித்த 5 பேர் வெயில் கொடுமை தாங்காமல் மயங்கி விழுந்து உயிரிழந்தனர்.






அவர்களில் 5 பேர் தமிழகத்தை சேர்ந்தவர்கள் எனவும் அதில், கோவையை சேர்ந்த பச்சையா (80), தனலட்சுமி (74), ஆகியோரும் , நீலகிரி மாவட்டம் குன்னூரை சேர்ந்த சுப்பையா(89) மற்றும் பாலகிருஷ்ணன்(79) ஆகியோரும் கேத்தி பகுதியைச் சேர்ந்த பச்சா கவுடர்(80) உயிரிழந்தது தெரியவந்துள்ளது. இவர்கள், சுற்றுலா சென்றுவிட்டு, திரும்பும்போது, வெயில் கொடுமை தாங்காமல் உயிரிழந்தனர்.

ஆக்ரா சென்றுவிட்டு, படுக்கை வசதி கொண்ட சாதாரண பெட்டியில், கோவை திரும்பும் போது உயிரிழந்துள்ளதாகவும் கூறப்படுகிறது. உயிரிழந்ததற்கான காரணம் பிரேத பரிசோதனைக்கு பிறகு தெரியும் என ரயில்வே அதிகாரிகள் தெரிவித்துள்ளனர்.

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X