மோடி தலைமையில் அமைச்சரவை கூட்டம்

Added : ஜூன் 11, 2019
Advertisement
 மோடி தலைமையில்  அமைச்சரவை கூட்டம்

புதுடில்லி : இரண்டாவது முறையாக, பிரதமர் மோடி பதவியேற்றபின், டில்லியில், இன்று முதல் முறையாக, மத்திய அமைச்சரவை கூட்டம் நடக்கிறது.சமீபத்தில் நடந்த லோக்சபா தேர்தலில், பா.ஜ., தலைமையிலான, தே.ஜ., கூட்டணி அமோக வெற்றி பெற்று, ஆட்சியை தக்க வைத்தது.இதையடுத்து, இரண்டாவது முறையாக, பிரதமராக மோடி, கடந்த, 30ல் பதவியேற்றார்; அவருடன், 57 அமைச்சர்களும் பதவியேற்றனர்.

இதன் பின், மத்திய கேபினட் அமைச்சர்கள் கூட்டம், மே, 31ல் நடந்தது. இந்த கூட்டத்தில், விவசாயிகள் அனைவருக்கும், ஆண்டுக்கு, 6,000 ரூபாய் வழங்கும் திட்டத்துக்கு, ஒப்புதல் அளிக்கப்பட்டது.இதற்கிடையே, பார்லிமென்ட் மழைக்கால கூட்டத்தொடர், வரும், 17ல் துவங்கி, ஜூலை, 26 வரை நடக்கிறது. ஜூலை, 5ம் தேதி, 2019 - 20ம் ஆண்டுக்கான முழுமையான பட்ஜெட்டை, நிதியமைச்சர் நிர்மலா சீதாராமன் தாக்கல் செய்கிறார்.இந்நிலையில், இரண்டாவது முறையாக, பிரதமராக மோடி பதவியேற்ற பின், மத்திய அமைச்சரவை கூட்டம், டில்லியில், இன்று நடக்கிறது.

அதற்கு முன், மத்திய கேபினட் கூட்டம் நடக்கிறது.இந்த கூட்டத்தில், 'பார்லி., கூட்டத் தொடர் பற்றியும், உறுப்பினர்கள் கேட்கும் கேள்விகளுக்கு, அமைச்சர்கள் பதில் அளிப்பது பற்றியும் விவாதிக்கப்படும்' என, மத்திய அரசு வட்டாரங்கள் தெரிவித்தன.மேலும், மத்திய அரசின், அடுத்த ஐந்தாண்டுகளுக்கான திட்டங்கள் பற்றி, அமைச்சரவை கூட்டத்தில், பிரதமர் மோடி தெரிவிப்பார் என, எதிர்பார்க்கப்படுகிறது.அமித் ஷாவுடன் கவர்னர்கள் சந்திப்புமத்திய உள்துறை அமைச்சர் அமித் ஷாவை, நான்கு மாநில கவர்னர்கள், நேற்று சந்தித்து பேசினர்.

ராஜஸ்தான் கவர்னர், கல்யாண் சிங், குஜராத்தின், ஓம் பிரகாஷ் கோஹ்லி, கர்நாடகாவின், வஜுபாய் வாலா, உத்தரகண்டின், பேபி ராணி மவுரியா ஆகியோர், டில்லியில், அமித் ஷாவை நேற்று தனித்தனியாக சந்தித்து, தங்கள் மாநில விவகாரங்கள் பற்றி விவாதித்ததாக, உள்துறை அமைச்சக வட்டாரங்கள் தெரிவித்தன.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X