மீண்டும் நிறுவப்பட்ட வித்யாசாகர் சிலை; மாலை அணிவித்து மம்தா மரியாதை

Updated : ஜூன் 12, 2019 | Added : ஜூன் 12, 2019 | கருத்துகள் (5)
Advertisement

கோல்கட்டா: மேற்கு வங்கத்தில், பா.ஜ., நடத்திய பேரணியின் போது சேதப்படுத்தப்படுத்தப்பட்ட, சமூக சீர்திருத்தவாதி, வித்யாசாகரின் சிலை, நேற்று, சரி செய்யப்பட்டு, மீண்டும் நிறுவப்பட்டது. சிலைக்கு, முதல்வர் மம்தா பானர்ஜி, மாலை அணிவித்து, மரியாதை செலுத்தினார்.






மேற்கு வங்கத்தில், கடந்த மாதம் நடந்த லோக்சபா தேர்தல் பிரசாரத்தின் போது, பா.ஜ., வினருக்கும், ஆளும் கட்சியான, திரிணமுல் காங்., கட்சியினருக்கும் இடையே, பல இடங்களில் மோதல் ஏற்பட்டது. கடைசி கட்ட பிரசாரத்தின் போது, பா.ஜ., தேசிய தலைவர் அமித் ஷா, கோல்கட்டாவில், பிரமாண்ட பேரணி நடத்தினர். அப்போது, பா.ஜ., - திரிணமுல் தொண்டர்கள் இடையே மோதல் ஏற்பட்டது. ஒருவரை ஒருவர் தாக்கினர்.

பேரணி சென்ற பகுதியில் இருந்த வித்யாசாகர் கல்லுாரிக்குள், ஒரு கும்பல் புகுந்தது. சமூக சீர்திருத்தவாதியான, மறைந்த, ஈஸ்வர் சந்திர வித்யாசாகரின் மார்பளவு சிலை, அங்கு நிறுவப்பட்டிருந்தது. அந்த வன்முறை கும்பல், சிலையை அடித்து, உதைத்து, சேதப்படுத்தியது. இந்த விவகாரம், பெரும் சர்ச்சையை ஏற்படுத்தியது. சிலை சேதப்படுத்தப் பட்டதற்கு, இரு கட்சியினரும், ஒருவர் மீது, ஒருவர் குற்றம் சாட்டினர். தேர்தல் பிரசாரத்திலும், இந்த விவகாரம் எதிரொலித்தது.

இந்நிலையில், அந்த சிலை, சரி செய்யப்பட்டு, மீண்டும் அதே இடத்தில், நேற்று நிறுவப்பட்டது. அதற்கு முன், பள்ளி ஒன்றில் வைக்கப்பட்டிருந்த அந்த சிலைக்கு, முதல்வர் மம்தா பானர்ஜி, மாலை அணிவித்து, மரியாதை செலுத்தினார்.





அப்போது அவர் பேசியதாவது: லோக்சபா தேர்தல் முடிவுகள் வெளியானதற்கு பின் நடந்த வன்முறையில், எங்கள் கட்சியை சேர்ந்த, எட்டு பேர் இறந்து விட்டனர். பா.ஜ.,வைச் சேர்ந்த இரண்டு பேரும் பலியாகியுள்ளனர். இறந்தவர்கள் எந்த கட்சியை சேர்ந்தவர்களாக இருந்தாலும், அது, பரிதாபத்துக்குரியது. இனியும், இதுபோன்ற வன்முறைகள் தொடரக் கூடாது.மேற்கு வங்கத்தை, குஜராத் போல், வன்முறை களமாக மாற்ற, பா.ஜ., வினர் திட்டமிட்டுள்ளனர். நான் சிறைக்கு சென்றாலும், அதுபோன்ற ஒரு நிலை ஏற்பட அனுமதிக்க மாட்டேன். இவ்வாறு, அவர் பேசினார்.

இதற்கிடையே, 24 பர்கானா மாவட்டத்தில் நேற்று நடந்த வன்முறையில், திரிணமுல் கட்சியினர் இருவர் உயிரிழந்தனர். பா.ஜ., வினர், கையெறி குண்டுகளை வீசி, இந்த உயிரிழப்புகளை ஏற்படுத்தியதாக, திரிணமுல் கட்சியினர் கூறினர். இந்த குற்றச்சாட்டை, பா.ஜ., தலைவர்கள் மறுத்துள்ளனர்.

Advertisement




வாசகர் கருத்து (5)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
GMM - KA,இந்தியா
12-ஜூன்-201908:43:11 IST Report Abuse
GMM வாழ்வு ஆதாரத்தை உயர்த்த மே. வங்க மக்களுக்கு தேவை சிறந்த ஊழல் இல்லாத அரசியல் நிர்வாகம். மாநில எல்லை பாதுகாப்பு. அந்நியர் வெளியேற்றம். முக்கிய தலைவர்களுக்கு சிலைகள். தொழில் சாலைகள். ஒழுக்கம் நிறைந்த கல்வி. 75 ல் கல்கத்தாவில் இந்தி தெரியாமல் பயணித்த போது சட்டம் ஒழுங்கு அறிய முடிந்தது.
Rate this:
Share this comment
Cancel
12-ஜூன்-201906:19:02 IST Report Abuse
pannadai pandian It is her last stint ad chief minister of eest bengal.....she echos her fear in every speech.
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X