சென்னை : திருவள்ளூர், காஞ்சிபுரம், விழுப்புரம், சென்னை உள்ளிட்ட 12 மாவட்டங்களில் நாளை (ஜூன் 18 )தீவிர அனல் காற்று வீசக்கூடும் ; வெப்பத்தின் அளவு 6 டிகிரி செல்சியஸ் வரை உயரும் என்று வானிலை மையம் எச்சரித்துள்ளது.

இதுகுறித்த அறிவிப்பில், வெப்பச்சலனம் காரணமாகவும் தென்மேற்கு பருவ மழையின் தாக்கம் காரணமாகவும் தமிழகத்தில் ஓரிரு இடங்களில் லேசான முதல் மிதமான மழை பெய்யக்கூடும் வெப்ப நிலையைப் பொறுத்தவரை அடுத்த 24 மணி நேரத்திற்கு தமிழகத்தின் வட மாவட்டங் களான சென்னை, திருவள்ளூர், காஞ்சிபுரம் உள்ளிட்ட 12 மாவட்டங்களில் இயல்பை விட 4 முதல் 6 டிகிரி செல்சியஸ் வரை அதிகமாக இருக்கும் என்றும் அனல் காற்று வீசும்.
இதனால், பொதுமக்கள் காலை 11 மணி முதல் மாலை 3 மணி வரை வெளியே செல்வதை தவிர்க்கலாம்.கடந்த 24 மணி நேரத்தில் சிவகங்கை மாவட்டம் திருப்புவனத்தில் 2 சென்டிமீட்டர் மழை பதிவாகி உள்ளது.
சென்னையை பொருத்தவரை வானம் ஓரளவு மேகமூட்டத்துடன் காணப்படும் என்றும் அதிகபட்சமாக 41 டிகிரி செல்சியசும் குறைந்தபட்சமாக 31 டிகிரி செல்சியசும் பதிவாகும் எனவும் அதில் கூறப்பட்டுள்ளது.