மதுரையில் போலீசார் வசூல் கெடுபிடி | Dinamalar

சம்பவம் செய்தி

தமிழ்நாடு

மதுரையில் போலீசார் வசூல் கெடுபிடி

Added : ஜூன் 18, 2019 | கருத்துகள் (5)
மதுரை, போலீஸ், வசூல்,கெடுபிடி ,Madurai,மதுரை

மதுரை: மதுரையில் சோதனை என்ற பெயரில் வசூல் கொடிகட்டி பறக்கிறது. பகல் இரவு பாராது அயராது உழைப்பார்கள் என கேள்விப்பட்டிருக்கிறோம். ஆனால் 24 மணி நேரமும் வசூல் செய்வதையே மதுரை போலீசார் தொழிலாக செயல்பட்டு வருகின்றனர். குறிப்பாக வாகன சோதனை என்ற பெயரில் செக் அப் செய்து விட்டு பைன் போடுவோம், லைசென்சை ரத்து செய்வோம் என மிரட்டுகின்றனர். தொடர்ந்து பேரம் பேசப்படுகிறது. " இருப்பதை கொடுத்து விட்டு பைக்கை எடுத்து விட்டு போ என முடிக்கின்றனர் " .
இவ்வாறு மதுரை நகரம் மற்றும் புறநகர் என ஆங்காங்கே போலீசார் கைவரிசையை காட்டுகின்றனர். அதிலும் சட்டம் ஒழுங்கு போலீசார் தான் வாகனங்களை மறிப்பது , சோதிப்பது என நடக்கிறது. டூ வீலரை நிறுத்தும் போலீசார் கார் மற்றும் பெரிய வாகனங்களை சோதிப்பதில்லை. இது பெரிய இடத்து விவகாரம் பா என ஒதுங்கி கொள்கின்றனர். இரவு 10 மணிக்கு மேல் போலீசார் ரோந்து செல்வதாக வசூலை துவக்கி விடுவர். ஆங்காங்கே வாகனங்களை நிறுத்தி ஏதாவது சொல்லி மிரட்டி கிடைக்கும் அளவிற்கு வசூலை முடித்து விட்டு தங்களின் ஸ்டேஷனுக்கு சென்று விடுவர். இதுபோல் ஸ்டேஷன்களிலும் சிறிய சிறிய வழக்குகளில் சிக்குவோரிடம் பேரம் பேசி பைசல் செய்யப்படுகிறது.

சோதிக்கட்டும், ஆனால் வாகன சோதனை மட்டும்தான் இவர்களது பணியா ? இதற்கு உதாரணமாகத்தான் மதுரையில் நேற்று நடந்த டயர்ஸ் உரிமையாளர் விவேகானந்தகுமார் மரணத்தை கூறலாம். இன்னும் பலர் பாதிக்காமல் இருக்க உயர் அதிகாரிகள் ஏதேனும் உத்தரவு பிறப்பிப்பார்களா ?

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X