அரையிறுதியில் ஆஸி., : இங்கிலாந்து 'சரண்டர்'

Updated : ஜூன் 25, 2019 | Added : ஜூன் 25, 2019
Share
Advertisement
லண்டன்: உலக கோப்பை தொடரின் அரையிறுதிக்கு முதல் அணியாக முன்னேறியது ஆஸ்திரேலியா. நேற்று நடந்த லீக் போட்டியில் இங்கிலாந்தை 64 ரன்கள் வித்தியாசத்தில் வீழ்த்தியது. இங்கிலாந்தில் 12வது உலக கோப்பை கிரிக்கெட் தொடர் நடக்கிறது. லண்டன், லார்ட்ஸ் மைதானத்தில் நடந்த லீக் போட்டியில் நடப்பு சாம்பியன் ஆஸ்திரேலியா, இங்கிலாந்து அணிகள் மோதின. 'டாஸ்' வென்ற இங்கிலாந்து அணி

லண்டன்: உலக கோப்பை தொடரின் அரையிறுதிக்கு முதல் அணியாக முன்னேறியது ஆஸ்திரேலியா. நேற்று நடந்த லீக் போட்டியில் இங்கிலாந்தை 64 ரன்கள் வித்தியாசத்தில் வீழ்த்தியது.



latest tamil news




இங்கிலாந்தில் 12வது உலக கோப்பை கிரிக்கெட் தொடர் நடக்கிறது. லண்டன், லார்ட்ஸ் மைதானத்தில் நடந்த லீக் போட்டியில் நடப்பு சாம்பியன் ஆஸ்திரேலியா, இங்கிலாந்து அணிகள் மோதின. 'டாஸ்' வென்ற இங்கிலாந்து அணி கேப்டன் மார்கன் பீல்டிங் தேர்வு செய்தார்.


சூப்பர் துவக்கம்



ஆஸ்திரேலிய அணிக்கு கேப்டன் பின்ச், வார்னர் ஜோடி சூப்பர் துவக்கம் கொடுத்தது. வார்னர் 20வது அரைசதம் எட்டினர். மொயீன் அலி சுழலில் வார்னர் (53) சிக்கினார். கவாஜா 23 ரன்னுக்கு போல்டானார்.
சிறப்பான ஆட்டத்தை தொடர்ந்த பின்ச், ஒருநாள் அரங்கில் 15வது சதம் எட்டினார்.அடுத்த பந்தில் சிக்சருக்கு ஆசைப்பட்டபின்ச் (100), அவுட்டானார்.


மேக்ஸ்வெல் ஏமாற்றம்


மேக்ஸ்வெல் 12 ரன்னுக்கு உட் வீசிய 'ஷார்ட் பிட்ச்' பந்தில் அவுட்டானார். ஸ்டாய்னிஸ் (8) ரன் அவுட்டானார். தடுமாறிய ஸ்மித் 38 ரன்கள் எடுத்தார். கம்மின்ஸ் (1) கைவிட்டார். கடைசி ஓவரில் கேரி 11 ரன்கள் எடுத்து உதவினார்.ஆஸ்திரேலிய அணி 50 ஓவரில் 7 விக்கெட்டுக்கு 285 ரன்கள் எடுத்தது. கேரி (38), ஸ்டார்க் (4) அவுட்டாகாமல் இருந்தனர்.


விக்கெட் சரிவு



இங்கிலாந்து அணிக்கு பேர்ஸ்டோவ், வின்ஸ் ஜோடி துவக்கம் கொடுத்தது. ஆஸ்திரேலிய 'வேகங்கள்' மிரட்டினர். பெஹ்ரன்டர்ப் வீசிய முதல் ஓவரின் 2வது பந்தில் வின்ஸ் 'டக்' அவுட்டானார்.மறுபக்கம் தன் பங்கிற்கு மிரட்டிய ஸ்டார்க், ஜோ ரூட் (8),மார்கனை (4) வீழ்த்த, இங்கிலாந்து 26/3 ரன் என திணறியது. பேர்ஸ்டோவ் 27 ரன்னுக்கு திரும்பினார்.


ஸ்டோக்ஸ் ஆறுதல்



ஸ்டோக்ஸ் ஒருநாள் அரங்கில் 18வது அரைசதம் எட்டினார். இவர் 89 ரன்கள் எடுத்த போது ஸ்டார்க் வீசிய 145 கி.மீ., வேக 'யார்க்கரில்' போல்டானார். மொயீன் அலியும் 6 ரன்னுக்கு திரும்பினார். வோக்ஸ் (26), அடில் ரஷித் (25), ஆர்ச்சர் (1) சொதப்பினார்.


latest tamil news




இங்கிலாந்து அணி 44.4 ஓவரில் 221 ரன்னுக்கு ஆல் அவுட்டானது. ஆஸ்திரேலியா 64 ரன்கள் வித்தியாசத்தில் வெற்றி பெற்றது. 7 போட்டியில் 6 வெற்றி பெற்ற ஆஸ்திரேலியா, 12 புள்ளிகள் பெற்று, முதல் அணியாக அரையிறுதிக்கு முன்னேறியது. பெஹ்ரன்டர்ப் 5,ஸ்டார்க் 4 விக்கெட் வீழ்த்தினர்.


வார்னர் '500'



நேற்று 53 ரன்கள் எடுத்த ஆஸ்திரேலியாவின் வார்னர், இந்த உலக கோப்பை தொடரில் 500 ரன்கள் எடுத்த முதல் வீரர் ஆனார். அடுத்த இடங்களில் சக வீரர் பின்ச் (496 ரன்) வங்கதேசத்தின் சாகிப் அல் ஹசன் (476), ஜோ ரூட் (424) உள்ளனர்.

ஆஸ்திரேலியாவின் வார்னர், பின்ச் ஜோடி, அணிக்கு சூப்பர் துவக்கம் தருகிறது. இதுவரை களமிறங்கிய 7 போட்டிகளில் இந்த ஜோடி 96, 15, 61, 146, 80, 121, 123 என மொத்தம் 642 ரன்கள் குவித்துள்ளது.

இதையடுத்து உலக கோப்பை தொடரில் முதல் விக்கெட்டுக்கு ஒட்டுமொத்தம் அதிக ரன்கள் சேர்த்த ஜோடி வரிசையில் வார்னர், பின்ச் இணை, 3வது இடத்துக்கு முன்னேறியது. முதல் இரு இடங்களில் இலங்கையின் தில்ஷன், தரங்கா (9 போட்டி, 800 ரன், 2011), ஆஸ்திரேலியாவின் கில்கிறிஸ்ட், ஹைடன் (10ல் 699 ரன், 2007) ஜோடி உள்ளன.

வார்னர், பின்ச் இணைந்து உலக கோப்பை தொடரில் முதல் விக்கெட்டுக்கு அதிகமுறை 50 அல்லது அதற்கும் மேல் ரன்கள் சேர்த்த 'நம்பர்-1' ஜோடி என்ற பெருமை பெற்றனர். 2019 தொடரில் இதுவரை 5 முறை இது போல ரன்கள் எடுத்தனர். அடுத்த இடத்தில் கிரீம் பவுலெர்-தாவரே (இங்கிலாந்து, 1983), டேவிட் பூன், மார்ஷ் (ஆஸி., 1987, 92), அமீர் சோகைல், சயீத் அன்வர் (பாக்., 1996), கில்கிறிஸ், ஹைடன் (ஆஸி., 2003, 07) ஜோடி தலா 4 முறை இப்படி ரன்கள் சேர்த்தனர்.

நேற்று 100 ரன்கள் எடுத்த பின்ச், இங்கிலாந்துக்கு எதிராக 7வது சதம் (25 போட்டி அடித்தார். இங்கிலாந்துக்கு எதிராக எந்த ஒரு வீரரும் இவ்வளவு சதம் ஒருநாள் அரங்கில் அடித்தது இல்லை.

உலக கோப்பை அரங்கில் ஒரு தொடரில் அதிக விக்கெட் வீழ்த்திய இங்கிலாந்து பவுலர்களில் இயான் போத்தமுடன் (1992) இணைந்தார் ஜோப்ரா ஆர்ச்சர். இருவரும் தலா 16 விக்கெட் சாய்த்தனர். பிளின்டாப் (14 விக்.,, 2007), விக் மார்க்ஸ் (13, 1983) அடுத்த இடங்களில் உள்ளனர்.

நேற்று 44 ரன்கள் கொடுத்து, 5 விக்கெட் சாய்த்த ஆஸ்திரேலியாவின் பெஹ்ரன்டர்ப், ஒருநாள் மற்றும் உலக கோப்பை அரங்கில் தனது சிறந்த பந்து வீச்சை பதிவு செய்தார். இதற்கு முன் துபாய் போட்டியில் பாகிஸ்தானுக்கு எதிராக 63 ரன்னுக்கு 3 விக்கெட் வீழ்த்தி இருந்தார்.* லார்ட்சில் 5 விக்கெட் வீழ்த்திய ஐந்தாவது ஆஸ்திரேலிய பவுலர் ஆனார் பெஹ்ரன்டர்ப்.

உலக கோப்பை தொடரில் ஆஸ்திரேலிய அணிக்கு எதிராக ஒரு போட்டியில் அதிக ரன் எடுத்த இங்கிலாந்து வீரர்களில் மூன்றாவது இடம் பிடித்தார் ஸ்டோக்ஸ் (89 ரன்). முதல் இடங்களில் பீட்டர்சன் (104, 2007), ஜேம்ஸ் டெய்லர் (2015) உள்ளனர்.

Advertisement




வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X