போட்டி இல்லை, ஓட்டு இல்லை: 6 பேர் எம்பி| Dinamalar

அரசியல் செய்தி

தமிழ்நாடு

போட்டி இல்லை, ஓட்டு இல்லை: 6 பேர் எம்பி

Updated : ஜூலை 11, 2019 | Added : ஜூலை 11, 2019 | கருத்துகள் (35)

சென்னை : தமிழகத்தில் ராஜ்யசபாவில் 6 காலியிடங்கள் இருந்த நிலையில், அதிமுக மற்றும் திமுக கூட்டணி சார்பில் போட்டியிட்ட 6 வேட்பாளர்களும் போட்டியின்றி தேர்வு செய்யப்பட்டுள்ளனர்.






அதிமுக கூட்டணி :


தமிழகத்தில் காலியாக இருந்த 6 ராஜ்யசபா எம்.பி.,க்களுக்கான தேர்தல் வரும் ஜூலை 18ல் நடக்கும் என்று அறிவிக்கப்பட்டிருந்தது. இந்த நிலையில், அதிமுக சார்பில் முகமது ஜான், சந்திரசேகரன், பாமக சார்பில் அன்புமணி ஆகியோர் வேட்புமனு தாக்கல் செய்திருந்தனர்.





திமுக கூட்டணி :

திமுக சார்பில், சண்முகம் மற்றும் வில்சன் ஆகியோரும், மதிமுக பொதுச்செயலாளர் வைகோவும் வேட்புமனு தாக்கல் செய்திருந்தனர். பின்னர் திமுக சார்பில் 4 வது வேட்பாளராக வழக்கறிஞர் இளங்கோவும் மனுத்தாக்கல் செய்தார். சுயேட்சைகள் 4 பேர் உள்ளிட்டு மொத்தம் 11 பேர் வேட்புமனு தாக்கல் செய்தனர்.
அதில் சுயேட்சை வேட்பாளர் 4 பேரின் மனுக்கள் தள்ளுபடி செய்யப்பட்டன.





போட்டியின்றி தேர்வு

பின்னர் வைகோ மனு ஏற்றுக்கொள்ளப்பட்ட நிலையில் இளங்கோ தனது மனுவை வாபஸ் பெற்றார். இதனால் 6 ராஜ்யசபா காலியிடங்களுக்கு 6 பேர் போட்டி என்ற நிலை ஏற்பட்டது.எனவே, அதிமுக மற்றும் திமுக சார்பில் போட்டியிட்ட 6 பேரும் போட்டியின்றி தேர்ந்தெடுக்கப்பட்டதாக, சட்டமன்றத்தின் செயலாளர் சீனிவாசன் அறிவித்தார்.
தேர்வு செய்யப்பட்டதற்கான வெற்றி சான்றிதழ்களை 6 பேரும் தேர்தல் நடத்தும் அலுவலர் சீனிவாசனிடம் பெற்றுக்கொண்டனர்.

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X