சிறப்பு பகுதிகள்

பக்கவாத்தியம்

பெண்கள் இப்போது உஷார்!

Added : ஜூலை 13, 2019 | கருத்துகள் (1)
Advertisement
 பெண்கள் இப்போது உஷார்!

தி.மு.க., முன்னாள் தலைவர், கருணாநிதி பிறந்த நாள் விழாவை முன்னிட்டு, சென்னை, திருவொற்றியூரில், பொதுக் கூட்டம் மற்றும் நலத் திட்ட உதவிகள் வழங்கும் விழா, சமீபத்தில் நடந்தது. இதில், ராஜ்யசபா எம்.பி., - ஆர்.எஸ்.பாரதி பங்கேற்றார். இரவு, 7:00 மணிக்கு விழா துவங்கியது. கூட்டம் குறைவாகவே இருந்தது. 9:30 மணிக்குப் பின், கூட்டம் கூட்டமாக பெண்கள், பொதுக் கூட்டம் நடக்கும் இடத்தை நோக்கி வந்து கொண்டிருந்தனர்.
நிருபர் ஒருவர், 'என்ன பா... திடீர்னு கூட்டம் கூடுது...' என, அருகிலிருந்த மற்றொரு நிருபரிடம் கேட்டார்.

அவர், 'இப்பலாம் அரசியல்வாதியோட நலத்திட்ட உதவி வாங்குற விழான்னால, பெண்கள் உஷாரா இருக்காங்கப்பா... எப்படியும், கடைசியில் தான், பொருட்களை கொடுக்க போறாங்கன்னு, வீட்டு வேலையெல்லாம் முடிச்சுட்டு, சாவகாசமா வராங்க...' எனக் கூறி, சிரித்தார். பெண்களே... பெண்களை! திருப்பூர் மாவட்டம், அவிநாசி ஊராட்சி ஒன்றிய அலுவலகம் சார்பில், விவசாய தொழிலில், 100 நாள் வேலை உறுதித் திட்ட பணியாளர்களை ஈடுபடுத்துவது தொடர்பான கலந்துரையாடல் நிகழ்ச்சி, தனியார் மண்டபத்தில், சமீபத்தில் நடந்தது. இதில், பல்வேறு கிராமங்களில் இருந்து, விவசாயிகள் மற்றும், 100 நாள் வேலை உறுதித் திட்ட தொழிலாளர்கள் பங்கேற்றனர். முதல் வரிசை துவங்கி, அடுத்தடுத்த வரிசையில் போடப்பட்டிருந்த இருக்கைகளில், பெண் தொழிலாளர்கள் மற்றும் பெண் விவசாயிகள் பலர் அமர்ந்திருந்தனர். அவர்களில், பெண் ஊராட்சி செயலர்களும், இடம் பெற்றிருந்தனர்.

ஊராட்சி ஒன்றிய பெண் ஊழியர் ஒருவர், தொழிலாளர்களை பார்த்து, 'நீங்கள் எல்லாம், பின் வரிசையில் அமருங்கள். இங்கு ஆண்கள் தான், உட்கார வேண்டும்' என்றார்; பெண்களும், பின் இருக்கைக்கு சென்றனர். இதை கவனித்த பார்வையாளர்கள் சிலர், 'பெண்களை முன்னுக்கு கொண்டு வர, அனைவரும் குரல் கொடுக்கும் நிலையில், பெண் ஊழியரே, அவர்களை பின்னுக்கு தள்ளுகிறாரே... 1,000 பாரதியார் வந்தாலும், இந்த மாதிரி ஆளுங்க திருந்த போவதில்லை' என, வேதனைப்பட்டார்.



எஸ்.பி.,யின் மழலை தமிழ்!



தேசிய துப்புரவு பணியாளர் மறுவாழ்வு ஆணையத்தின் உறுப்பினர், ஜெகதீஷ் ஹிருமானி, சமீபத்தில், கோவையில் ஆய்வுக் கூட்டம் நடத்தினார். உள்ளாட்சி அமைப்புகளை நிர்வகிக்கும் அலுவலர்கள், வருவாய்த் துறை, போலீஸ், தீயணைப்புத் துறை, வீட்டு வசதி வாரியம், குடிசை மாற்று வாரிய அலுவலர்கள் பங்கேற்றனர். கூட்டத்தில் ஹிருமானி, ஹிந்தியில் பேசியதை, எஸ்.பி., சுஜித் குமார், தமிழில் மொழி பெயர்த்தார். பீஹார் மாநிலத்தைச் சேர்ந்த, சுஜித் குமார், தன் மழலை தமிழில், மொழிபெயர்த்துக் கொண்டிருந்தார். அலுவலர்கள் சிலர், 'இவர் என்ன சொல்லுறாருன்னு புரிஞ்சுக்க, இன்னொரு மொழி பெயர்ப்பாளர் தேவைப்படும் போலிருக்கே...' என, 'கமென்ட்' அடித்தனர்.

Advertisement


வாசகர் கருத்து (1)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
D.Ambujavalli - Bengaluru,இந்தியா
14-ஜூலை-201905:58:12 IST Report Abuse
D.Ambujavalli மொழி பெயர்க்கக்கூட உள்ளூரில் தமிழ் தெரிந்தவர்களே இல்லையென்று நினைத்துவிட்டார் போலும்
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X