பொது செய்தி

தமிழ்நாடு

உலக பாரம்பரிய சின்னமாகுமா

Added : ஜூலை 15, 2019 | கருத்துகள் (7)
Advertisement
 உலக பாரம்பரிய சின்னமாகுமா

துாத்துக்குடி, : 'கோவில்பட்டி, கழுகுமலையிலுள்ள வெட்டுவான்கோவில் மற்றும் சமணச் சிற்பங்களை, உலகப் பாரம்பரியச் சின்னமாக அறிவிக்க வேண்டும்' என, வரலாற்று ஆர்வலர்கள் கோரிக்கை விடுத்து உள்ளனர்.

துாத்துக்குடி மாவட்டம், கோவில்பட்டி அருகே இருக்கிறது, கழுகுமலை.இங்கு, வரலாற்று சிறப்பு மிக்க வெட்டுவான்கோவில், கழுகாசமூர்த்தி முருகன் கோவில், சமணர் சிற்பத் தொகுப்பு ஆகியவை உள்ளன. இவை, முற்காலப் பாண்டியரின் கலைப்பாணிக்கு ஆதாரமாக உள்ளன. இதில் வெட்டுவான் கோவில், கடினமான பாறை அடுக்குகளாலான, பெரிய மலையை, 7.50 மீ., ஆழத்திற்கு, சதுரமாக வெட்டியெடுத்து, அதன் நடுப்பகுதி பாறையில், கோவில் அமைத்துள்ளனர். சிற்ப வேலைப்பாடு நிறைந்த, ஒற்றைக் கற்கோவிலான இது, முழுமை பெறவில்லை.

இது, மஹாராஷ்டிர மாநிலத்தில் உள்ள, எல்லோரா கைலாசநாதர் கோவில் போன்ற வேலைப்பாடுடையது. இத்தகைய கோவில், தமிழகத்திலேயே இது ஒன்று தான் என்பது, இதன் மற்றொரு சிறப்பு.இந்தக் கோவிலில் தான், மிருதங்கம் வாசிக்கும், தட்சிணாமூர்த்தி சிலை செதுக்கப்பட்டுள்ளது. இங்குள்ள சிற்பங்கள் அனைத்தும், புன்னகை தவழும் முகத்துடன் காட்சிஅளிக்கின்றன. இந்த மலையின் கிழக்கு சரிவில், 100க்கும் மேற்பட்ட சமணத் தீர்த்தங்கரர்களின் புடைப்புச் சிற்பங்கள் உள்ளன.

இவை, பாண்டிய மன்னன், பராந்தக நெடுஞ்சடையன் காலத்தில் செதுக்கப்பட்டவை. சிலைகளின் கீழ், அவற்றை உருவாக்கியவரின் பெயர் விபரங்கள், வட்டெழுத்தில் பொறிக்கப்பட்டுள்ளன. இங்கு, சமணப் பள்ளியும் செயல்பட்டு வந்துள்ளன.முற்காலப் பாண்டியர்களின் கலைப் பாணியில் அமைந்த மரபுச் சின்னங்கள் இவை.மிகச் சிறந்து விளங்கும், கழுகுமலை வெட்டுவான்கோவில் மற்றும் சமணச் சிற்பங்களை, உலகப் பாரம்பரியச் சின்னங்களாக அங்கீகரிக்க, அரசு உரிய நடவடிக்கை எடுக்க வேண்டும் என, வரலாற்று ஆர்வலர்கள் கோரிக்கை விடுத்து வருகின்றனர்.

Advertisement


வாசகர் கருத்து (7)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
jagan - Chennai,இந்தியா
22-ஜூலை-201901:30:39 IST Report Abuse
jagan உதய நிதி சுடலையின் கோல்டன் ஜூபிலி க்ரானைட் கம்பெனி இந்த மலையில் குவாரி அமைத்து கல் ஏற்றுமதி செய்ய அனுமதி கேட்டுளாதாக தகவல். முதல்வர் மறுப்பாராக....
Rate this:
Share this comment
Cancel
Jayvee - chennai,இந்தியா
19-ஜூலை-201914:47:13 IST Report Abuse
Jayvee சமாதி தாஜ் மஹாலை போற்றும் மக்கள் இதையும் போற்ற வேண்டும்.. ஆனால் என்ன செய்வது. இது இந்திய கலையாயிற்றே ? ஆனாலும் நமது திராவிட குஞ்சுகள் ஹிந்துக்களை அவமதிப்பது எண்ணிக்கொண்டு இதற்கும் போராட்டம் நடத்துவார்கள்
Rate this:
Share this comment
Cancel
oce - tokyo,ஜப்பான்
19-ஜூலை-201905:54:27 IST Report Abuse
oce சிற்பக்கலை வல்லுநர்களை பயமுறுத்தி வேலை வாங்க முடியாது. அவர்களை அக்கால மன்னர்கள் அன்புடன் நடத்தி இருப்பதை அந்த சிற்பங்களிலுள்ள சிறப்பு அம்சங்கள் வெளிப்படுத்துகின்றன.
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X