பொது செய்தி

இந்தியா

பொருளாதாரத்தில் பின்தங்கியோருக்கு வயது சலுகை அளிக்க திட்டம்

Updated : ஜூலை 16, 2019 | Added : ஜூலை 16, 2019 | கருத்துகள் (38)
Advertisement
 பின்தங்கியோருக்கு சலுகை

புதுடில்லி: பொருளாதாரத்தில் பின்தங்கியோருக்கு, கல்வி மற்றும் வேலை வாய்ப்பில், 10 சதவீதம் இட ஒதுக்கீடு அளித்துள்ள நிலையில், மற்ற பிரிவினரைப் போல, இந்தப் பிரிவினருக்கும், வயது உச்ச வரம்பில் விலக்கு அளிக்க, மத்திய அரசு திட்டமிட்டுள்ளது.பொருளாதாரத்தில் பின்தங்கியோருக்கு, கல்வி மற்றும் வேலை வாய்ப்புகளில், 10 சதவீதம் இட ஒதுக்கீடு அளிக்கும் சட்டத்தை, பிரதமர் நரேந்திர மோடி தலைமையிலான அரசு கொண்டு வந்துள்ளது.




இந்நிலையில், எஸ்.சி., - எஸ்.டி., பிரிவினர் மற்றும் ஓ.பி.சி., எனப்படும் இதர பிற்படுத்தப்பட்ட பிரிவினருக்கு, அரசுப் பணியில் சேருவதற்கு, வயது உச்ச வரம்பில் விலக்கு அளிக்கப்படுகிறது. இந்த சலுகையை, பொருளாதாரத்தில் பின்தங்கியோருக்கும் அளிக்க, அரசு முடிவு செய்துள்ளது.இது தொடர்பாக, மத்திய பணியாளர் நலத் துறை அமைச்சர், ஜிதேந்திர சிங்குக்கு, சமூக நீதித் துறை அமைச்சர் தாவர்சந்த் கெலாட் கடிதம் எழுதியுள்ளார். அதில் கூறியுள்ளதாவது:அரசுப் பணிகளில், எஸ்.சி., - எஸ்.டி., பிரிவினர் மற்றும் இதர பிற்படுத்தப் பிரிவினருக்கு வயது உச்ச வரம்பில் சலுகை அளிக்கப்படுகிறது. பல்வேறு தரப்பினருடன் நடத்திய ஆலோசனையின்படி, பொருளாதாரத்தில் பின்தங்கியோருக்கும், இந்த சலுகை அளிக்க வேண்டும் என வலியுறுத்தப்பட்டுள்ளது. இதன் மூலம், பொருளாதாரத்தில் பின்தங்கியோருக்கு அதிக பலன் கிடைக்கும். இது குறித்து ஆராய்ந்து, தகுந்த உத்தரவுகளை பிறப்பிக்க வேண்டும்.இவ்வாறு, அந்த கடிதத்தில் கூறப்பட்டுள்ளது.தற்போதைய விதிகளின்படி, அரசுப் பணிகளில் சேருவதற்கு, ஓ.பி.சி., பிரிவினருக்கு, மூன்று ஆண்டுகளும், எஸ்.சி., - எஸ்.டி., பிரிவினருக்கு, ஐந்து ஆண்டுகளும் சலுகை அளிக்கப்படுகிறது.பொருளாதாரத்தில் பின்தங்கிய மாணவர்களுக்கு, மற்ற பிரிவினருக்கு வழங்குவதுபோல், மதிப்பெண் சலுகை வழங்கவும் திட்டமிடப்பட்டுள்ளது.

Advertisement




வாசகர் கருத்து (38)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
SIVA. THIYAGARAJAN - POLUR -TIRUVANNAMALAI,இந்தியா
16-ஜூலை-201919:58:22 IST Report Abuse
SIVA. THIYAGARAJAN நல்ல மனம். எல்லோருக்கும் அரசு பாராபட்சமின்றி செயல்படுவது வரவேற்க தக்கதே. இறைவன் படைப்பில் எல்லாம் சமம் அதென்ன அட்டவணை வக்குப்பு என்பது. நிர்வாகம் சிறப்பாக நடைபெறனும்னா திறமை மிக்க உயர்வான அறிவாற்றல் உள்ளவர்களால்தான் முடியும். ஜாதிக்கு முக்கியத்துவம் சாப்பாட்டில் கொடுக்கலாம். பசியார உண்டு வாழட்டும்.
Rate this:
Share this comment
Cancel
balakrishnan - Mangaf,குவைத்
16-ஜூலை-201918:24:18 IST Report Abuse
balakrishnan ரொம்ப நல்ல செய்தி .
Rate this:
Share this comment
Cancel
16-ஜூலை-201916:38:29 IST Report Abuse
ஆப்பு வயது வரம்பு ஏத்திட்டீங்க சரி. ஒரு 55 வயசுலேயாவது உத்தியோகம் கிடைக்ஜ வழி செய்யுங்க. இப்பவே 45 ஆவுது. கல்யாணத்துக்கு யாரும் பொண்ணு குடுக்க மாட்டேங்குறாங்க.
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X