சபாநாயகருக்கு உத்தரவிட முடியாது: சுப்ரீம் கோர்ட்| Dinamalar

சபாநாயகருக்கு உத்தரவிட முடியாது: சுப்ரீம் கோர்ட்

Updated : ஜூலை 17, 2019 | Added : ஜூலை 17, 2019 | கருத்துகள் (23)
Share

புதுடில்லி : அதிருப்தி எம்எல்ஏ.,க்களின் ராஜினாமா குறித்து முடிவு எடுக்க கர்நாடக சபாநாயகருக்கு உத்தரவிட முடியாது என சுப்ரீம் கோர்ட் தீர்ப்பு வழங்கி உள்ளது.



latest tamil news


ராஜினாமா கடிதம் அளித்த அதிருப்தி எம்எல்ஏ.,க்கள் 15 பேர், தங்களின் ராஜினாமா மீது உடனடியாக முடிவெடுக்க சபாநாயகருக்கு உத்தரவிட வேண்டும் என சுப்ரீம் கோர்ட்டில் வழக்கு தொடர்ந்திருந்தனர்.
இந்த வழக்கில் இன்று (ஜூலை 17) தீர்ப்பு வழங்கிய சுப்ரீம் கோர்ட், எம்எல்ஏ.,க்களை விட சபாநாயகர் தான் முக்கியம். ராஜினாமா குறித்து முடிவு செய்ய சபாநாயகருக்கு உத்தரவிட முடியாது. அதிருப்தி எம்எல்ஏ.,க்களின் ராஜினாமா மீது சபாநாயகரே முடிவு எடுக்கலாம். ராஜினாமா குறித்து முடிவு செய்ய சபாநாயகருக்கு அவகாசம் அளிக்க வேண்டும். நாளை (ஜூலை 18) நடக்கும் நம்பிக்கை ஓட்டெடுப்பில் பங்கேற்க எம்எல்ஏ.,க்களுக்கு உத்தரவிட முடியாது. விருப்பப்பட்டால் அதிருப்தி எம்எல்ஏ.,க்கள் நம்பிக்கை ஓட்டெடுப்பில் பங்கேற்கலாம். இவ்வாறு தெரிவிக்கப்பட்டுள்ளது.


latest tamil news


இரு தரப்பு வாதங்களும் நிறைவடைந்த நிலையில் 30 நொடிகளில் தீர்ப்பு வாசிக்கப்பட்டுள்ளது. கர்நாடக சட்டசபையில் நாளை காலை 11 மணிக்கு முதல்வர் குமாரசாமி தலைமையிலான அரசு மீது நம்பிக்கை ஓட்டெடுப்பு நடத்தப்பட உள்ள நிலையில் சுப்ரீம் கோர்ட்டின் இந்த தீர்ப்பால், கர்நாடக அரசியலில் பரபரப்பு ஏற்பட்டுள்ளது. நாளை என்ன நடக்கும் என்ற எதிர்பார்ப்பு அதிகரித்துள்ளது.

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X