கர்நாடகா குழப்பம்: பார்லி.,யை உலுக்கும்| Dinamalar

கர்நாடகா குழப்பம்: பார்லி.,யை உலுக்கும்

Updated : ஜூலை 19, 2019 | Added : ஜூலை 19, 2019 | கருத்துகள் (3)

புதுடில்லி : கர்நாடகாவில் கடந்த சில நாட்களாக தொடர்ந்து வரும் அரசியல் குழப்பம், பார்லி.,யை உலுக்கி உள்ளது.





கர்நாடகாவில் காங்., கட்சியை சேர்ந்த அதிருப்தி எம்எல்ஏ.,க்கள் அடுத்தடுத்து ராஜினாமா செய்தது முதல் துவங்கிய அரசியல் குழப்பத்தில் நொடிக்கு நொடி திருப்பம் ஏற்பட்டு வருகிறது.
தற்போது முதல்வர் குமாரசாமி அரசு மீது நம்பிக்கை ஓட்டெடுப்பு நடத்துவதிலும் குழப்பம் தொடர்ந்து வருகிறது. நேற்று (ஜூன் 18) நடத்தப்படுவதாக அறிவிக்கப்பட்ட நம்பிக்கை ஓட்டெடுப்பு, கவர்னர் தலையிட்டு உத்தரவு பிறப்பித்த பிறகும் இதுவரை நடத்தப்படவில்லை. ஓட்டெடுப்பை தாமதப்படுத்த, காங்., கட்சிகளை பா.ஜ., கடத்தி வைத்திருப்பதாக, பிரச்னை திசை திருப்பப்பட்டது.




இந்நிலையில் கர்நாடகாவில் எம்எல்ஏ.,க்கள் கடத்தப்பட்ட விவகாரம் குறித்து விவாதிப்பதற்காக ஒத்திவைப்பு தீர்மானம் கொண்டு வர வேண்டும் என திரிணாமுல் காங்., எம்.பி., சவ்கதா ராய், லோக்சபாவில் நோட்டீஸ் அளித்துள்ளார்.
இதே போன்று, கர்நாடகாவில் தற்போது நிலவும் அரசியல் சூழல் குறித்து விவாதிப்பதற்காக ஒத்திவைப்பு தீர்மானம் கொண்டு வர வேண்டும் என காங்.,கும் நோட்டீஸ் அளித்துள்ளது. இருந்தும் இவற்றை ஏற்க மறுத்து, அவை நடத்தப்பட்டது. காங் மற்றும் திரிணாமுல் கட்சிகளின் கடும் அமளிக்கு இடையே அவையை நடத்தி வருகிறார் சபாநாயகர் ஓம் பிர்லா.

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X