அத்திவரதர் தரிசனத்திற்கு கூடுதல் ஏற்பாடுகள்: தலைமை செயலர்| Dinamalar

பொது செய்தி

தமிழ்நாடு

அத்திவரதர் தரிசனத்திற்கு கூடுதல் ஏற்பாடுகள்: தலைமை செயலர்

Updated : ஜூலை 21, 2019 | Added : ஜூலை 21, 2019 | கருத்துகள் (16)
athivaradhar, காஞ்சிபுரம், அத்திவரதர், பாதுகாப்பு ஏற்பாடுகள், தலைமை செயலர், சண்முகம், டிஜிபி,  திரிபாதி,

காஞ்சிபுரம்: காஞ்சிபுரம் வரதராஜர் கோவிலில் அத்திவரதர் தரிசனத்திற்கு, பொது மக்களுக்காக கூடுதல் வசதிகள் செய்யப்பட்டுள்ளதாக தலைமை செயலர் சண்முகம் கூறியுள்ளார்.

காஞ்சிபுரம் வரதராஜர் கோவிலில், நடக்கும் அத்திவரதர் வைபவத்தை முன்னிட்டு லட்சகணக்கான பக்தர்கள் தரிசனம் செய்து வருகின்றனர். இதனால், அங்கு கூட்ட நெரிசல் ஏற்பட்டுள்ளது. கோவிலில் செய்யப்பட்ட பாதுகாப்பு ஏற்பாடுகள் குறித்து, தலைமை செயலர் சண்முகம், டிஜிபி திரிபாதி ஆகியோர் ஆய்வு செய்தனர்.






பின்னர் தலைமை செயலர் சண்முகம் நிருபர்களிடம் கூறியதாவது: அத்திவரதர் உற்சவத்திற்கு பக்தர்களின் வருகை அதிகரிப்பால் கூடுதல் கூடாரம் அமைக்க நடவடிக்கை எடுத்துள்ளோம். மாவட்ட நிர்வாகம் சிறப்பாக செயல்படுகிறது. அத்திவரதரை, நோயாளிகள், முதியவர்கள், தரிசிக்க பேட்டரி கார்களை முறையாக பராமரிக்க வேண்டும் உத்தரவிட்டுள்ளோம். பக்தர்களின் வசதிக்காக கூடுதலாக கழிவறைகள் அமைக்க அறிவுறுத்தப்பட்டுள்ளது.
நன்கொடையாளர்கள் கூடுதலாக பிஸ்கட், தண்ணீர் வழங்க வேண்டும் என கோரிக்கை விடுத்துள்ளோம். வரிசையில் நிற்போர்கள் ஓய்வெடுக்க நாற்காலி வசதி ஏற்படுத்த வேண்டும் எனக்கூறியுள்ளோம். முக்கிய நாட்களில், அத்திவரதர் தரிசன நேரத்தை அதிகாலை 4 மணிக்கு துவங்குவது குறித்து பரிசீலனை நடக்கிறது. விஐபி தரிசனம் பொது மக்கள் பாதிக்காத வகையில் செய்யப்படும். வரதராஜ பெருமாள் கோயில் மேற்கு கோபுர பகுதியில், மருத்துவ முகாம் நடத்தப்படும். வெளிமாவட்ட துப்புரவு பணியாளர்கள் இரவு 10 மணி முதல் காலை 3 மணி வரை துப்புரவு பணியில் ஈடுபடுவார்கள் என்றார்.






டிஜிபி திரிபாதி கூறுகையில், அத்திவரதர் உற்சவத்தில் 5 ஆயிரத்திற்கும் மேற்பட்ட போலீசார் பாதுகாப்பு பணியில் ஈடுபட்டுள்ளனர். போக்குவரத்து நெரிசலைகுறைக்க நடவடிக்கை எடுக்கப்பட்டுள்ளது. உதவிக்கு கூடுதலாக தன்னார்வலர்களை அழைத்துள்ளோம் என்றார்.

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X