இந்திய கம்யூ., செயலராக டி.ராஜா பொறுப்பேற்பு| Dinamalar

இந்திய கம்யூ., செயலராக டி.ராஜா பொறுப்பேற்பு

Added : ஜூலை 21, 2019 | கருத்துகள் (5)
Share

புதுடில்லி:இந்திய கம்யூனிஸ்ட் கட்சி, பொதுச் செயலராக, தமிழகத்தை சேர்ந்த, டி.ராஜா தேர்வு செய்யப்பட்டுள்ளார்.

இந்திய கம்யூனிஸ்ட் கட்சி பொதுச் செயலராக, சுதாகர் ரெட்டி, 2012லிருந்து, பதவி வகித்து வந்தார். சமீபகாலமாக, அவருக்கு உடல் நலக் குறைவு ஏற்பட்டது. சமீபத்தில் நடந்த லோக்சபா தேர்தலிலும், இந்திய கம்யூனிஸ்ட் கட்சி படு தோல்வி அடைந்தது.

இந்நிலையில், சமீபத்தில், அக்கட்சியின் தேசிய செயற்குழு கூட்டம் நடந்தது. அதில், கட்சியின் புதிய பொதுச் செயலராக, தமிழகத்தைச் சேர்ந்தவரும், ராஜ்யசபா, எம்.பி.,யுமான, டி.ராஜா, 70, தேர்வு செய்யப்பட்டார்.

டில்லியில் உள்ள கட்சி அலுவலகத்தில், நேற்று நடந்த நிகழ்ச்சியில், டி.ராஜா, பொறுப்பேற்றார். இந்திய கம்யூ., பொதுச்செயலராக தேர்ந்தெடுக்கப்பட்ட, டி.ராஜாவுக்கு, தி.மு.க., தலைவர், ஸ்டாலின் வாழ்த்து தெரிவித்து உள்ளார்.

Advertisement


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X