அரசியல் செய்தி

தமிழ்நாடு

'சிதம்பரம் பூமிக்கு பாரம்' தி.மு.க., - காங்., கண்டனம்

Added : ஆக 13, 2019 | கருத்துகள் (10)
Advertisement

சமீபத்தில், சென்னை, சத்தியமூர்த்தி பவனில் நடந்த, 'காஷ்மீர் உரிமை பறிப்பு' கண்டன கூட்டத்தில், முன்னாள் மத்திய நிதி அமைச்சர், சிதம்பரம் பேசினார்.

அப்போது, 'மத்திய அரசு, தமிழக ஆட்சியை கலைத்தால் கூட, இங்குள்ள, அ.தி.மு.க., அரசு கைகட்டி வேடிக்கை பார்க்கும்; எதிர்த்துப் பேசாது' என்றார். சேலம் மாவட்டம், மேட்டூர் அணை திறப்பு விழாவில் பங்கேற்ற, முதல்வர், இ.பி.எஸ்.,சிடம், சிதம்பரம் பேச்சு குறித்து, நிருபர்கள் நேற்று கருத்து கேட்டனர். கீழ்த்தரமாக பேச்சுஅதற்கு பதிலளித்த முதல்வர், ''சிதம்பரம், இவ்வளவு காலமாக, மத்திய அமைச்சராக இருந்திருக்கிறார்.

அவரால் நாட்டுக்கோ, தமிழகத்துக்கோ என்ன பயன் கிடைத்தது; அவரால் பூமிக்கு தான் பாரம்,'' என்றார்.சிதம்பரம், பூமிக்கு பாரமாக இருப்பதாக, முதல்வர் சொன்ன கருத்து, அரசியல் வட்டாரத்தில் சர்ச்சையை ஏற்படுத்தி உள்ளது. இதுகுறித்து, சென்னை, அறிவாலயத்தில், தி.மு.க., தலைவர், ஸ்டாலினிடம் நிருபர்கள் கேட்டனர்.அதற்கு, ஸ்டாலின் அளித்த பதில்: முதல்வர், அவரது தகுதிக்கு மீறி பேசியுள்ளார். மழையால் பாதிக்கப்பட்ட, நீலகிரிக்கு சென்று வந்த, என்னை பற்றியும், 'சீன்' காட்ட விளம்பரத்திற்காக போனதாக கூறினார். அவர், அமெரிக்காவுக்கும், லண்டனுக்கும் செல்வதாக செய்தி வந்திருக்கிறது.

எனவே, அவர் அமெரிக்கா, லண்டனுக்கு, சீன் காட்டத் தான் போகிறாரா என, கேட்பதற்கு, எனக்கு ரொம்ப நேரமாகாது. முதல்வர், இப்படி கீழ்த்தரமாக பேசக் கூடாது.இவ்வாறு, ஸ்டாலின் கூறினார்.சாதனைஇதற்கிடையில், சிதம்பரம் ஆதரவாளர்களும், முன்னாள், எம்.எல்.ஏ.,க்களுமான என்.சுந்தரம், எம்.என்.கந்தசாமி, வி.ராஜசேகரன், ராம.அருணகிரி, ராம.சுப்புராம், ஆர்.எம்.பழனிசாமி, பி.எஸ்.விஜயகுமார், எஸ்.ராஜ்குமார், எம்.தண்டபாணி, வேல்துரை ஆகியோர் வெளியிட்டுள்ள அறிக்கை: பூமிக்கு யார் பாரம் என்பதும், தமிழகத்திற்கு யார் பாரம் என்பதும், மக்களுக்கு நன்றாக தெரியும்.

முதல்வரின் ஆணவ பேச்சு, யாரையோ திருப்திப்படுத்தும் நோக்கத்திற்காகவும், தன் பதவியை தக்கவைக்கவும் பேசப்பட்டதாக தெரிகிறது.சிதம்பரம், என்ன திட்டங்கள் கொண்டு வந்தார்; என்னென்ன சாதனைகளை செய்தார் என்பது, நாட்டு மக்களுக்கு நன்றாக தெரியும். இதுபோன்ற ஆணவ பேச்சை, முதல்வர் நிறுத்த வேண்டும். இவ்வாறு, அவர்கள் கூறியுள்ளனர். தமிழக காங்கிரஸ் தலைவர், கே.எஸ்.அழகிரி அறிக்கை:சிதம்பரம் பேசிய பேச்சுக்கு, முதல்வர் உரிய பதிலைக் கூறாமல், பொறுப் பற்ற முறையில் விமர்சனம் செய்திருக்கிறார்.

நாட்டின் நிதியமைச்சராக இருந்து, ஒன்பது பட்ஜெட்டுகளை தாக்கல் செய்து, பொருளாதார சீர்திருத்தம் செய்தவர், சிதம்பரம்.தொடர்ந்து, மூன்றாண்டுகள் நாட்டின் வளர்ச்சி விகிதத்தை, 9 சதவீதத்திற்கு மேல் உயர்த்தியதில், சிதம்பரம் பங்கை பாராட்டாமல், எவரும் இருக்க முடியாது. முதல்வர், இ.பி.எஸ்.,சுக்கு பாராட்ட மனம் இல்லை என்றாலும், சிறுமைப்படுத்தாமல் இருக்கலாமே.இவ்வாறு, அவர் கூறியுள்ளார்.

Advertisement


வாசகர் கருத்து (10)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Baskar - Paris,பிரான்ஸ்
14-ஆக-201915:53:38 IST Report Abuse
Baskar அவர் சொன்னதில் தவறு இல்லை. ப. சி.. சுடாலின் இன்னும் நிறைய பேர்கள் உள்ளனர் பூமிக்கு பாரமாய் இருந்து கொண்டு ஊரை அடித்து உலையில் போட்டு நாட்டில் வலம் வருகின்றனர்.இவர்கள் மற்றவர்களை பற்றி பேச கொஞ்சம் கூட அருகதை அற்றவர்கள்.
Rate this:
Share this comment
Cancel
Anjali - chennai,இந்தியா
14-ஆக-201912:51:35 IST Report Abuse
Anjali பழனிசாமி உண்மை சொல்லிட்டார் , DMK அண்ட் PC யால் தாங்க முடியலே , குடும்ப அரசியல் இன்னும் ஒரு வடிவம் தான் PC , தமிழக மக்கள் விழிப்போடு இருப்பது அவசியம் , DMK வெறும் எதிர்மறை அரசியல் முட்டுதான் பண்ணுது , அவர்கள் குடும்பம் நல்ல செழிப்பாய் வளர்கிறது
Rate this:
Share this comment
Cancel
Murugan - Dubai,இந்தியா
14-ஆக-201910:32:52 IST Report Abuse
Murugan நீங்க என்ன வேணும்னாலும் பேசுவீங்க.. திருப்பி கேட்ட கோபம் வருதுல்ல????? Mr. சிதம்பரம் பேசுன பேச்சுக்கு எடப்பாடி கொடுத்தது கொஞ்சம்தான்... ஜெயா அம்மா வாகயிருந்தா இன்னும் வேகம் இருந்திருக்கும்....
Rate this:
Share this comment
நாடோடி - chennai,இந்தியா
14-ஆக-201919:24:57 IST Report Abuse
நாடோடிஅவங்க இருந்தால் ப சி இப்படி பேசி இருக்க மாட்டார் - இல்லை பேசியே இருக்க மாட்டார்...
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X