பொது செய்தி

தமிழ்நாடு

குதிரை மசாலில் ரூ.4 லட்சம் லாபம்!

Added : ஆக 18, 2019
Share
Advertisement
குதிரை மசால் பயிரை சாகுபடி செய்து, வருமானம் ஈட்டி வரும், கோவை மாவட்டத்தைச் சேர்ந்த ரங்கசாமி:-சூலுாருக்கு அருகில் உள்ள, குளத்துார் கிராமம் தான், பூர்வீகம். கல்லுாரி, மருத்துவமனை, தொழிற்சாலைகள் என, எங்கள் பகுதியில் பெருகி வருகின்றன.இந்த ஏரியாவில், 1 ஏக்கர் நிலமே, 1 கோடி ரூபாய் அளவுக்கு விற்பனையாகிறது. என் நிலத்தையும் விலைக்கு கேட்க, விற்காமல் விவசாயம் செய்து வருகிறேன்.

குதிரை மசால் பயிரை சாகுபடி செய்து, வருமானம் ஈட்டி வரும், கோவை மாவட்டத்தைச் சேர்ந்த ரங்கசாமி:-சூலுாருக்கு அருகில் உள்ள, குளத்துார் கிராமம் தான், பூர்வீகம். கல்லுாரி, மருத்துவமனை, தொழிற்சாலைகள் என, எங்கள் பகுதியில் பெருகி வருகின்றன.இந்த ஏரியாவில், 1 ஏக்கர் நிலமே, 1 கோடி ரூபாய் அளவுக்கு விற்பனையாகிறது. என் நிலத்தையும் விலைக்கு கேட்க, விற்காமல் விவசாயம் செய்து வருகிறேன். மொத்தம், 3 ஏக்கர்உள்ளது. எங்கள் ஊரில் உள்ள ஆச்சான் குளம், நொய்யல் ஆற்றில், எப்போதும் தண்ணீர் நிறைந்து காணப்படும். அதனால், எங்கள் ஊர் கிணறுகளில் எப்போதும் தண்ணீர் இருக்கும் என்பதால், தடையில்லாமல் விவசாயம் நடந்து வருகிறது.கடந்த, 20 ஆண்டுகளுக்கு முன், நெல், கரும்பு, பருத்தி, வாழை என, விவசாயம் செய்தோம். ஆள் பற்றாக்குறையால் அதையெல்லாம் குறைத்து கொண்டேன். 1 ஏக்கரில் தென்னை உள்ளது. 2 ஏக்கரில், ஒப்பந்த அடிப்படையில், குதிரை மசால் விதைத்துள்ளேன்.சுப்பையன் என்பவர், குதிரை மசாலை வாங்கி, உலர் தீவனமாக மாற்றி, வெளிமாநிலங்களில் உள்ள குதிரைப் பண்ணைகளுக்கு அனுப்பி வருகிறார். 10 ஆண்டுகளாக அவருக்குத் தான், குதிரை மசாலை உற்பத்தி செய்து கொடுக்கிறேன்.குளம் வற்றும் சமயங்களில் வண்டல் மண்ணை எடுத்து வந்து, தோட்டத்தில் கொட்டுவேன். அதனால், நிலம் வளமாக உள்ளது. எந்த வெள்ளாமை செய்தாலும், மகசூல் கொடுக்கிறது. இயற்கை முறையில் தான், குதிரை மசால் சாகுபடி செய்து வருகிறேன். இது விதைத்த, 60-ம் நாள், அறுவடைக்கு வரும். அடுத்து, 22 நாளுக்கு ஒருமுறை, அறுவடை செய்யலாம்.இவ்வாறு, 25 முறை அறுவடை செய்யலாம். முதல், 15 அறுவடையில் நல்ல மகசூலும், பிறகு, படிப்படியாக குறைய ஆரம்பிக்கும். 25 அறுவடை முடிந்ததும், விதைக்காக விட்டு, அடுத்த போக விதைப்புக்கு எடுத்து கொள்வேன்.விதைத்தது முதல், 25 அறுப்பு முடியும் வரை, ஒருபோகம். இந்த போகம் முடிய, ஒன்றரை ஆண்டு ஆகும். ஒரு போகத்தில், 2 ஏக்கரிலும் சேர்த்து, 100 டன் வரை, மகசூல் கிடைக்கும். 1 கிலோவுக்கு, நான்கு ரூபாய் கொடுத்து ஒப்பந்தகாரரே ஆட்கள் மூலம், அறுவடை செய்து கொள்வார்.குதிரை மசால் மூலம், ஒரு போகத்துக்கு, 4 லட்சம் ரூபாயும், 140 கிலோ விதை மூலம், 1.40 லட்சம் ரூபாயும் வருமானம் கிடைக்கிறது. விதை விற்பனை பணம், சாகுபடி செலவுக்கு சரியாகி விடும் என்பதால், குதிரை மசால் வாயிலாக கிடைக்கும், 4 லட்சம் ரூபாய், லாபம் தான்.தொடர்புக்கு: 95666 50248.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X