வெளிநாடு பயணம் முதல்வர் ஆலோசனை| Dinamalar

அரசியல் செய்தி

தமிழ்நாடு

வெளிநாடு பயணம் முதல்வர் ஆலோசனை

Updated : ஆக 23, 2019 | Added : ஆக 22, 2019 | கருத்துகள் (4)
 வெளிநாடு, பயணம், முதல்வர்,ஆலோசனை

முதல்வர், இ.பி.எஸ்., வெளிநாடு செல்வதற்கான ஆயத்தப் பணிகள் துவங்கி உள்ளன. இது தொடர்பாக, அமைச்சர்கள் மற்றும் அதிகாரிகளுடன், முதல்வர், இ.பி.எஸ்., நேற்று ஆலோசனை நடத்தினார்.

தமிழகத்தில், தொழில் வளர்ச்சியை ஏற்படுத்தவும், தொழில் முதலீடுகளை ஈர்க்கவும், 'யாதும் ஊரே' என்ற திட்டத்தை, தமிழக அரசு அறிவித்து உள்ளது.இதன் வழியே, உலகம் முழுவதும் உள்ள தமிழர்கள், தமிழ் சங்கங்கள், தொழில் அமைப்புகளுடன் தொடர்பு ஏற்படுத்தி, தமிழகத்தில் முதலீடு செய்வது தொடர்பாக, விழிப்புணர்வு ஏற்படுத்தப்பட உள்ளது.

அதன் ஒரு பகுதியாக, வெளிநாடு தொழில் முதலீடுகளை ஈர்ப்பதற்காக, அமெரிக்கா, இங்கிலாந்து போன்ற நாடுகளுக்கு, முதல்வர், இ.பி.எஸ்., செல்ல உள்ளார். வரும், 28ல், அவர் வெளிநாடு புறப்படுகிறார்; செப்., 9ல், சென்னை திரும்புகிறார். அவருடன், தொழில் துறை அமைச்சர், எம்.சி.சம்பத் உட்பட பல்வேறு துறை அமைச்சர்கள் செல்ல உள்ளனர்.

இந்நிலையில் நேற்று, சென்னை, தலைமைச் செயலகத்தில், முதல்வர், இ.பி.எஸ்., தலைமையில், ஆலோசனைக் கூட்டம் நடந்தது.துணை முதல்வர், பன்னீர்செல்வம், அமைச்சர்கள், செங்கோட்டையன், தங்கமணி, எம்.சி.சம்பத், காமராஜ், தலைமைச் செயலர், சண்முகம், அமெரிக்க துாதரக அதிகாரிகள் பங்கேற்றனர்.இக்கூட்டத்தில், அமெரிக்காவில் செல்ல வேண்டிய இடங்கள், சந்திக்க வேண்டிய முதலீட்டாளர்கள் போன்ற விபரங்கள் குறித்து ஆலோசிக்கப்பட்டதாக, தகவல் வெளியாகி உள்ளது.

அமைச்சர் ராஜு இன்றுமொரீஷியஸ் செல்கிறார்

மொரீஷியஸ் நாட்டின் ஜனாதிபதி, பரமசிவம் பிள்ளை இல்ல திருமண விழாவில் பங்கேற்க, தமிழக செய்தித் துறை அமைச்சர், ராஜுவிற்கு, அழைப்பு வந்துள்ளது. இவ்விழாவில் பங்கேற்க, அமைச்சர், ராஜு, இன்று, மொரீஷியஸ் செல்கிறார். அங்கு, 26ம் தேதி வரை, அமைச்சர், ராஜு பயணம் மேற்கொள்கிறார்.

- நமது நிருபர் -

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X