'ராமர் கோவிலை இடித்து பாபர் மசூதி'

Added : ஆக 23, 2019 | கருத்துகள் (37)
Share
Advertisement

புதுடில்லி: ''அயோத்தியில், ராமர் கோவிலை இடித்து தான், பாபர் மசூதி கட்டப்பட்டது'' என, பக்தர் ஒருவர் சார்பில் ஆஜரான வழக்கறிஞர், ரஞ்சித் குமார் தெரிவித்தார்.



latest tamil news



உத்தர பிரதேசத்தின் அயோத்தியில் இருக்கும் சர்ச்சைக்குரிய நிலம் தொடர்பான வழக்கு, உச்ச நீதிமன்றத்தில், நடந்து வருகிறது. தலைமை நீதிபதி, ரஞ்சன் கோகோய் தலைமையிலான, ஐந்து நீதிபதிகள் இடம்பெற்ற, அரசியல் சாசன அமர்வு, இந்த வழக்கை, தினசரி விசாரித்து வருகிறது. அயோத்தியில், சர்ச்சைக்குரிய இடத்தில், வழிபட உரிமை கோரி, மாஜிஸ்திரேட் நீதிமன்றத்தில், 1950ம் ஆண்டு, கோபால் சிங் விஷாரத் என்பவர் மனு தாக்கல் செய்தார். 1986ல் அவர் இறந்தார். இதையடுத்து, இந்த வழக்கை, அவரது மகன் ராஜேந்திர சிங் நடத்தி வருகிறார்.

அயோத்தி பிரச்னையில், அலகாபாத் உயர் நீதிமன்றம் வழங்கிய தீர்ப்பை எதிர்த்து தாக்கல் செய்யப்பட்ட, 14 மேல் முறையீட்டு மனுக்களில், ராஜேந்திர சிங் தாக்கல் செய்த மனுவும் ஒன்று. இந்நிலையில், உச்ச நீதிமன்றத்தில், அயோத்தி வழக்கு தொடர்பாக, ராஜேந்திர சிங் சார்பில் ஆஜரான மூத்த வழக்கறிஞர், ரஞ்சித் குமார் கூறியதாவது: அயோத்தியில், ராமர் கோவிலை இடித்து தான், பாபர் மசூதி கட்டப்பட்டது. ஆனால், ராம ஜன்மபூமியில், தங்களின் வழிபாட்டு உரிமையை, ஹிந்துக்கள் விட்டுத் தரவில்லை. மேலும், அங்கு, முஸ்லிம்கள், ஒரு போதும் தொழுகை நடத்தியதில்லை.


latest tamil news



அயோத்தியில், 1949ல், கலவரம் ஏற்பட்டதையடுத்து, சர்ச்சைக்குரிய கட்டடம் தொடர்பான வழக்கில், மாஜிஸ்திரேட் மார்கண்டேய சிங், விசாரணையை துவக்கினார். இது தொடர்பாக, ஹிந்துக்கள் மற்றும் முஸ்லிம்களிடம் மனுதாக்கல் செய்யும்படி கூறினார். இதையடுத்து, 1950ல், ஹிந்துக்கள் மற்றும் முஸ்லிம்கள் சார்பில், 20 பேர் மனு தாக்கல் செய்தனர். அதில், அப்துல் கனி என்பவர் தாக்கல் செய்த மனுவில், ராமர் கோவிலை இடித்துவிட்டுதான் பாபர் மசூதி கட்டப்பட்டது. ஆனால், ஹிந்துக்கள், அங்கு வழிபாட்டு உரிமையை கைவிடவில்லை. மேலும், சர்ச்சைக்குரிய பகுதியில், 1935க்கு பிறகு, தொழுகை செய்வதை, முஸ்லிம்கள் கைவிட்டு விட்டனர். அதனால், அந்த இடத்தை, ஹிந்துக்களுக்கு வழங்க, அரசு முடிவு செய்தால், முஸ்லிம்களுக்கு எந்த ஆட்சேபனையும் இல்லை' என, கூறியுள்ளார்.

மேலும், 1858ல், இந்த பிரச்னை தொடர்பாக, பாபர் மசூதியின் நிர்வாகி, போலீசில் புகார் செயதுள்ளார். அதில், 'மசூதி ஜன்மஸ்தான்' என, குறிப்பிட்டுள்ளார். அந்தப்புகாரில், சுவற்றில், 'ராம் ராம்' என, ஹிந்துக்கள் எழுதியிருப்பதாக குற்றம்சாட்டியிருந்தார். அதனால், 1858லியே, அந்தப்பகுதி, ஜன்மஸ்தான் என்றே அழைக்கப்பட்டு வந்துள்ளது. அங்கு, ஹிந்துக்கள் தொடர்ந்து வழிபாடு செய்து வந்துள்ளனர். அதனால், அயோத்தி நிலத்தில், ஹிந்துகளுக்கு தான் உரிமை உள்ளது. இவ்வாறு, அவர் கூறினார். விசாரணை, இன்றும் தொடர்ந்து நடக்கிறது.

Advertisement




வாசகர் கருத்து (37)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Lion Drsekar - Chennai ,இந்தியா
23-ஆக-201917:52:20 IST Report Abuse
Lion Drsekar இந்த பூமி விஞ்ஞான பூர்வமாக ஒன்றரை கோடி ஆண்டுகளாக இருக்கிறது, ஆனால் நாம் கூறும் மதங்கள் அவர்களாலேயே அவர்களது காலண்டர்களில் பதிவு செய்யப்பட்டு இருக்கிறது, அதைக்கணக்கிட்டாலே எல்லாமே வெளிச்சத்துக்கு வருமே?? வந்தே மாதரம்
Rate this:
Cancel
த.இராஜகுமார் - tenkasi,இந்தியா
23-ஆக-201915:22:25 IST Report Abuse
த.இராஜகுமார் முஸ்லீம் மன்னர்கள் வந்தது நாடு பிடிக்கும் ஆசையில்தான். நமக்கு பொக்கிஷம் கோவில்கள்தான் நிறய முஸ்லீம் மன்னர்கள் கோவிலை இடித்து வளங்களை கொள்ளை அடித்திருக்கிறார்கள். இந்த படையெடுப்பில் வந்தவர்கள் அனைவரும் கொள்ளையர்களே.
Rate this:
??????? - Thiruvaiyaru,இந்தியா
23-ஆக-201923:17:04 IST Report Abuse
???????சேர சோழ பாண்டிய பல்லவ மராட்டிய மன்னர்களும் இதை செய்துள்ளனர், ஆக மன்னர்கள் மண்ணாசை கொண்டவர்கள், அவர்களுக்கு முன்னே கோவிலாவது பள்ளிவாசலாவது...
Rate this:
Cancel
A.George Alphonse - Visakhapatnam,இந்தியா
23-ஆக-201912:47:41 IST Report Abuse
A.George Alphonse உண்மையான பேரில் கருத்து எழுத தைரியம் இல்லாத மனிதர்கள் எல்லாம் அறிவுரை வழங்க ஆரம்பித்து விட்டார்கள்.எல்லாமே காலத்தின் கோலம்.
Rate this:
த.இராஜகுமார் - tenkasi,இந்தியா
23-ஆக-201915:35:26 IST Report Abuse
த.இராஜகுமார் கருத்துக்களை பெரிது படுத்தவேண்டாம்...
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X