500 நாட்களுக்கு முன்னதாக பிரசாரம் ஆட்சியை பிடிக்க கமல் கட்சி திட்டம் | Dinamalar

அரசியல் செய்தி

தமிழ்நாடு

500 நாட்களுக்கு முன்னதாக பிரசாரம் ஆட்சியை பிடிக்க கமல் கட்சி திட்டம்

Updated : ஆக 23, 2019 | Added : ஆக 23, 2019 | கருத்துகள் (39)
 ஆட்சியை பிடிக்க கமல் வியூகம்


சென்னை:தமிழக சட்டசபை தேர்தலுக்கு, 500 நாட்களுக்கு முன்பாகவே, தேர்தல் பிரசாரத்தை துவக்க, கமல் கட்சியினர் திட்டமிட்டுள்ளனர்.

நடிகர் கமலின், மக்கள் நீதி மையம் கட்சியின் விரிவாக்கம் மற்றும் கட்டமைப்பு விளக்கக் கூட்டம், சென்னையில் நடந்தது. இதில், துணை தலைவர், மகேந்திரன், பொதுச் செயலர்கள் அருணாச்சலம், மவுரியா, பஷீர்அகமது, ரங்கராஜன், கமீலா நாசர் உள்ளிட்ட பலர் பங்கேற்றனர்.
சென்னை, திருவள்ளுர் மாவட்ட கட்சி பொறுப்பாளர்கள், உறுப்பினர்கள், இதில் பங்கேற்றனர்.
அதில், துணை தலைவர், மகேந்திரன் பேசியதாவது:

கட்சியின் கட்டமைப்பை விளக்கவும், புதிய பொறுப்புகளுக்கு விண்ணப்பம் பெறவும், தமிழகத்தின் பல மாவட்டங்களில், கலந்தாலோசனை கூட்டம் நடந்து வருகிறது. எங்கள் கட்சியில், 'ஆப்பரேஷன் -- 500' என்ற திட்டத்தை வைத்திருப்பதாக கூறுகின்றனர்; அப்பெயரை, நாங்கள் வைக்கவில்லை.ஆனாலும், 2021 ஏப்ரல் அல்லது மே மாதம், தமிழக சட்டசபைக்கு, தேர்தல் நடக்கும். அதை திட்டமிட்டே, 500 நாட்களுக்கு முன்பாக, நவம்பர் முதல், தேர்தல் பிரசாரத்தை துவக்க உள்ளோம்.

அதற்காக, கட்சியை தயார்படுத்தவே, புதிய பொறுப்பாளர்கள் நியமிக்கப்பட்டு வருகின்றனர்.
உள்ளாட்சி தேர்தல் மற்றும் இரு சட்டசபை தொகுதி இடைத்தேர்தல் வந்தால் போட்டியிடுவது குறித்து, அப்போது யோசிக்கப்படும். எங்களின் நோக்கம், 2021 சட்டசபை தேர்தல் மட்டுமே. அதற்கு முக்கியத்துவம் கொடுத்து, அனைத்து பணிகளும் செய்யப்பட்டு வருகின்றன.இவ்வாறு, அவர் பேசினார்.

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X