சென்னை: சம்பள உயர்வு, தகுதிக்கேற்ற சம்பளம், காலிப் பணியிடங்களை நிரப்புதல், பணிப் பாதுகாப்பு உள்ளிட்ட கோரிக்கைகளை வலியுறுத்தி தமிழகத்தின் பல்வேறு இடங்களில் டாக்டர்கள் போராட்டத்தில் ஈடுபட்டு வருகின்றனர். இது குறித்து தி.மு.க. தலைவர் ஸ்டாலின் வெளியிட்ட அறிக்கை: போராட்டத்தில் ஈடுபட்டு வரும் அரசு டாக்டர்களை உடனடியாக அழைத்து பேசி, அவர்களின் கோரிக்கைகளை பரிசீலித்து தமிழக அரசு நிறைவேற்ற வேண்டும். மக்களுக்கு ஆற்ற வேண்டிய பணிகளின் முக்கியத்துவம் கருதி டாக்டர்கள் போராட்டத்தை கைவிடவேண்டும். இவ்வாறு அந்த அறிக்கையில் கூறியுள்ளார்.