பொது செய்தி

இந்தியா

இந்திய பொருளாதாரம் கவலைக்கிடமாக உள்ளது; மன்மோகன் சிங் வேதனை

Updated : செப் 03, 2019 | Added : செப் 01, 2019 | கருத்துகள் (54)
Advertisement
பொருளாதாரம்,கவலைக்கிடம்,மன்மோகன் சிங், வேதனை

புதுடில்லி: ''இந்திய பொருளாதாரம், மிகவும் கவலைக்கிடமான நிலையில் உள்ளது. மத்திய ஆட்சியாளர்கள், இனியாவது, பழிவாங்கும் அரசியலை கைவிட்டு, பொருளாதார வளர்ச்சியில் கவனம் செலுத்த வேண்டும்,'' என, முன்னாள் பிரதமர், மன்மோகன் சிங் தெரிவித்துள்ளார்.

இந்திய பொருளாதாரத்தில் திடீர் தேக்க நிலை ஏற்பட்டுள்ளதாக குற்றச்சாட்டு எழுந்துள்ளது. இது குறித்து பொருளாதார நிபுணர்கள் பலரும், தங்கள் கருத்துகளை பகிர்ந்து வருகின்றனர். இந்நிலையில், முன்னாள் பிரதமரும், காங்., மூத்த தலைவரும், பொருளாதார நிபுணருமான, மன்மோகன் சிங், 'வீடியோ' பதிவு ஒன்றை வெளியிட்டுள்ளார்.

அதில் அவர் கூறியுள்ளதாவது: பிரதமர் மோடி தலைமையிலான மத்திய அரசு, அனைத்து துறைகளிலும் தவறான நிர்வாகத்தை பின்பற்றியதன் விளைவாக, இந்திய பொருளாதாரத்தில் தேக்க நிலை ஏற்பட்டுள்ளது.


பாதிப்பு:

நடப்பு நிதியாண்டின், முதல் காலாண்டில், ஜி.டி.பி., எனப்படும், நாட்டின் மொத்த உள்நாட்டு உற்பத்தி, 5 சதவீதமாக குறைந்து விட்டது. இதன்மூலம், நம் பொருளாதாரம், மிகவும் கவலைக்கிடமான நிலையில் உள்ளது என்பது தெளிவாக தெரிகிறது. தற்போது நிலவும் சூழ்நிலையில், நம் பொருளாதாரம் மிகவும் வளர்ச்சி அடைந்திருக்க வேண்டும். ஆனால், மத்திய அரசின் தவறான நிர்வாக திறனால், தேக்க நிலையில் நாடு இருக்கிறது.

விவசாயிகள், இளைஞர்கள், தொழில் முனைவோர் உள்ளிட்ட அனைத்து தரப்பினரும் கடுமையாக பாதிக்கப்பட்டு உள்ளனர். நாட்டின் பொருளாதாரம், இதே நிலையில் நீடிப்பது நல்லதல்ல. மத்திய அரசு, பழிவாங்கும் அரசியலை கைவிட்டு, பொருளாதார வளர்ச்சியை ஏற்படுத்துவதற்கான ஆக்கப்பூர்வமான நடவடிக்கைகளை மேற்கொள்ள வேண்டும். உற்பத்தி துறையின் வளர்ச்சி விகிதமும், 0.6 சதவீதமாக இருப்பது, கவலை அளிக்கிறது.


வீழ்ச்சி:

பணமதிப்பிழப்பு நடவடிக்கை, ஜி.எஸ்.டி., வரி அமல் போன்றவற்றின் பாதிப்பிலிருந்து, நாட்டின் பொருளாதாரம், இன்னும் மீளவில்லை என்பது, தெளிவாக தெரிகிறது. ரிசர்வ் வங்கியிலிருந்து, அரசு, 1.76 லட்சம் கோடி ரூபாயை எடுத்துள்ளதும், தேக்க நிலைக்கான முக்கிய காரணமாக உள்ளது. உள்நாட்டு தேவை கடுமையாக குறைந்துள்ளது.

நுகர்வு தேவையும், கடந்த, 18 மாதங்களில் இல்லாத வீழ்ச்சியை சந்தித்துள்ளது. மொத்த உள்நாட்டு உற்பத்தி, 15 ஆண்டுகளில் இல்லாத வீழ்ச்சியை சந்தித்துள்ளது. மத்திய அரசின் தவறான நடவடிக்கையால், வேலை இல்லாதோரின் எண்ணிக்கை அதிகரித்துள்ளது. ஆட்டோமொபைல் துறையில் மட்டும், 3.5 லட்சம் பேர் வேலை இழந்துள்ளனர். இவ்வாறு, அவர் கூறியுள்ளார்.

Advertisement




வாசகர் கருத்து (54)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
spr - chennai,இந்தியா
02-செப்-201918:39:36 IST Report Abuse
spr காஷ்மீர் மாநிலத்திலேயே அத்தியாவசிய பொருட்கள் தட்டுப்பாடின்றி கிடைக்கிறதாம் ஆனால் நாட்டின் பொருளாதாரம் வீழ்சசி அடைந்து விட்டதாக இந்த புள்ளிக்கணக்குப் புலிகள் சொல்கின்றன பண மதிப்பிழப்பு நடவடிக்கைகள் வரிகள் வசூலிப்பதில் கெடுபிடிகள் (நிரூபிக்கப்படாவிடிலும்) மாறி மாறி நடத்தப்படும் ரெய்டுகள் இவற்றால் கறுப்புப் பண நடமாட்டம் அதிகார பூர்வமாக முதலீடுகளாக மாறவில்லை வேலையில்லாத திண்டாட்டம் தொடர்வதற்கு இவை மற்றும் காரணமில்லை பல தொழிற்சாலைகள் மூடப்பட்டும் அது குறித்து எவரும் போராடவில்லையே ஆனால் கறுப்புப் பணம் இன்னமும் "மால்கள்" நிலம் தங்கம் பங்குச்சந்தை என்று பரிமாற்றம் காண்கிறது கைபேசிக்கு என அன்றாடம் ஐம்பது நூறு செலவழிப்பது அதிகரித்ததுள்ளது ஆயிரம் ஐநூறு என்று திரைப்பட டிக்கெட்டுகள் விற்பனையாகிறது தேர்தல் களத்தில் கொடிகள் பறக்குமளவிற்கு கோடிகளும் புழல்கிறது அப்புறம் எங்கே பொருளாதாரத் சரிவு?
Rate this:
Share this comment
ashak - jubail,சவுதி அரேபியா
02-செப்-201920:31:10 IST Report Abuse
ashakகாஷ்மீர் குஜராத்தை விட ஏற்கனவே வளர்ந்த மாநிலம்...
Rate this:
Share this comment
Anandan - chennai,இந்தியா
02-செப்-201921:40:11 IST Report Abuse
Anandanபொருளாதார வீழ்ச்சியில் பொருட்கள் கிடைக்கும் ஆனால் மக்களால் வாங்கும் சக்தி குறைந்திருக்கும்....
Rate this:
Share this comment
ashak - jubail,சவுதி அரேபியா
02-செப்-201922:44:56 IST Report Abuse
ashakAnandan - Chennai,இந்தியா - நீங்க என்ன சொன்னாலும் பக்தால்களுக்கு புரியாது, மாட்டு மூளை...
Rate this:
Share this comment
Anandan - chennai,இந்தியா
04-செப்-201909:14:53 IST Report Abuse
Anandan//Anandan - Chennai,இந்தியா - நீங்க என்ன சொன்னாலும் புரியாது,...// உண்மைதான்....
Rate this:
Share this comment
Cancel
சமத்துவம் - Chennai,இந்தியா
02-செப்-201918:27:04 IST Report Abuse
சமத்துவம் இருக்கலாம் இரண்டு தடவைகள் மக்கள் இவரை பிரதமராக்கி அழகு பார்த்தார்கள். ஆனால் அவர்களுக்கு கைமாறாக என்ன செய்தீர்கள்? நீங்கள் சொல்வது போல பொருளாதாரம் சீரழிந்துவருகிறது என்றால் கட்சி பாகுபாடு இன்றி நாட்டுபற்றுடன், கற்ற கல்விக்கு விசுவாசமாக, மக்கள்நலனுடன் ஆலோசனைகளை கொடுத்திருந்தால் பாரட்டியிருக்கலாம்.
Rate this:
Share this comment
Anandan - chennai,இந்தியா
02-செப்-201921:41:54 IST Report Abuse
Anandanநாங்கள் யார் பேச்சையும் கேட்க மாட்டோம். நாங்கள் நினைப்படையே செய்வோம் என்று ஆட்சியாளர்கள் இருப்பதால் இவர் போன்ற ஆட்கள் சொல்வது அவர்கள் காதில் விழவே விழாது. அதையும் உங்களை போன்ற ஆட்களும் கண்டும் காணாதது போல் மன்மோகன் சிங் போன்ற ஆட்களை திட்டுவதே வழக்கம்....
Rate this:
Share this comment
சமத்துவம் - Chennai,இந்தியா
04-செப்-201904:07:17 IST Report Abuse
சமத்துவம்நோக்கம் புனிதமானால் இதை கொஞ்சம் அரசியல் கடந்து எண்ணவேண்டும். உங்கள் எண்ணம் எப்படியிருக்கிறது என்றால், என் எதிரி அடிபட்டு தெருவில் கிடந்தால் கூட அவனை குறை சொல்லி கடந்துசெல்வேன் என்று கூறுவது போல உள்ளது. ஊடகத்தை இதுபோன்ற காரணங்களுக்கு ஏன் காங்கிரஸ் பயன்படுத்துவது இல்லை? வெறும் பிரிவினை வாதம், பேச மட்டும் தான் ஊடகமா?...
Rate this:
Share this comment
Tamilan - Doha,கத்தார்
08-செப்-201913:23:26 IST Report Abuse
Tamilanபொருளாதாரம் 5%, க்கு தானே சரிந்து உள்ளது, அப்படின்னா 95% , உயர்ந்து தானே இருக்கிறது: பக்தாள்ஸ்...
Rate this:
Share this comment
Cancel
sankar - new jersy,யூ.எஸ்.ஏ
02-செப்-201917:49:35 IST Report Abuse
sankar சோனியா கருத்தா ???
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X