குறைகூறுவதே ஸ்டாலினின் வழக்கம்| Dinamalar

அரசியல் செய்தி

தமிழ்நாடு

குறைகூறுவதே ஸ்டாலினின் வழக்கம்

Added : செப் 11, 2019 | கருத்துகள் (4)
பழனிசாமி, கோவை, விமானநிலையம், பேட்டி, வெளிநாட்டு பயணம், ஸ்டாலின், குறை

கோவை : வெளிநாட்டு பயணம் முடிந்து தமிழகம் திரும்பியபோது தனக்கு வரவேற்பு அளித்த அனைவருக்கும் நன்றி தெரிவித்து கோவையில் முதல்வர் பழனிசாமி பேசினார்.

கோவை விமானநிலையத்தில் செய்தியாளர்களை சந்தித்து முதல்வர் பழனிசாமி கூறியதாவது : வெளிநாட்டு சுற்றுபயணம் முடித்து தமிழகம் வந்தபோது சென்னை மற்றும் கோவையில் எனக்கு மிகுந்த வரவேற்பு அளிக்கப்பட்டது. அனைத்து உள்ளங்களுக்கு எனது நன்றி. மேலும் நான் வெளிநாடு சென்றிருந்தபோது எதிர்க்கட்சி தலைவரான ஸ்டாலின் வழக்கம்போல் குற்ற்ச்சாட்டுகளை கூறிக்கொண்டிருந்தார். குறைகூறுவதே ஸ்டாலினின் வழக்கம். அரசு எப்படி செயல்படுகிறது என்பது ஸ்டாலினுக்கு தெரியாது. நாட்டை பற்றி கவலைப்படாத கட்சி அது திமுகதான். உலக நாடுகளுக்கு சென்று பார்வையிட்டால் தான் தமிழகத்தில் வளர்ச்சியை மேம்படுத்த முடியும்.

மற்ற மாநில முதல்வர்களும் வெளிநாடு சென்று முதலீடுகளை பெற்று வருகிறார்கள். தொழில் முதலீட்டை ஈர்க்க கட்நத 40 ஆண்டுகளும் எந்த முதல்வர்களும் வெளிநாடு செல்லவில்லை. என்னுடைய வெளிநாட்டு பயணம் பயனுள்ளதாக அமைந்தது. என்னுடைய வருகையை வெளிநாட்டு முதலீட்டாளர்கள் மகிழ்ச்சி அடைந்து பாராட்டுகின்றனர்.

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X