பாய்ச்சல்! பாக்., புளுகுமூட்டைகளுக்கு மத்திய அரசு பதிலடி

Updated : செப் 15, 2019 | Added : செப் 13, 2019 | கருத்துகள் (7)
Advertisement
புளுகுமூட்டை, பாய்ச்சல்,பாக்.,குற்றச்சாட்டு, பதிலடி

நியூயார்க்: 'பாகிஸ்தான், பயங்கரவாதத்தின் மையமாக செயல்படுகிறது. காஷ்மீர் விவகாரத்தில், அடிப்படை ஆதாரமற்ற, பொய் தகவல்களை பரப்புவதற்காக. ஐ.நா., அமைப்பை, பாகிஸ்தான், தவறாக பயன்படுத்துகிறது' என, ஐ.நா., பாதுகாப்பு கவுன்சிலில், மத்திய அரசு தரப்பில் தெரிவிக்கப்பட்டுள்ளது.

அமெரிக்காவின் நியூயார்க்கில் நடந்து வரும், ஐ.நா., பாதுகாப்பு கவுன்சில் கூட்டத்தில், அண்டை நாடான, பாகிஸ்தானின் பிரதிநிதி, மலீஹா லோதி பேசுகையில், காஷ்மீர் விவகாரம் தொடர்பாக, இந்தியா மீது, குற்றச்சாட்டுகளை அடுக்கினார். 'ஜம்மு - காஷ்மீருக்கு அளிக்கப்பட்ட சிறப்பு அந்தஸ்தை ரத்து செய்துள்ளதன் மூலம், ஐ.நா., தீர்மானம் மீறப்பட்டுள்ளது. 'காஷ்மீரில் மனித உரிமைகள் மீறப்படுகின்றன; அங்கு, தகவல் தொடர்பு சேவை துண்டிக்கப்பட்டு உள்ளது; ஐ.நா., பாதுகாப்பு கவுன்சில், இந்த விஷயத்தில் தலையிட வேண்டும்' என்றார்.


பொய்த் தகவல்:

இந்நிலையில், பாகிஸ்தானின் குற்றச்சாட்டுக்கு பதிலடி கொடுக்கும் வகையில், இந்தியாவுக்கான, ஐ.நா., பிரதிநிதி, சந்தீப் குமார் பையாபு, நேற்று பேசியதாவது: சர்வதேச அமைப்பான, ஐ.நா.,வை, பாகிஸ்தான், தொடர்ந்து தவறாக பயன்படுத்தி வருகிறது. காஷ்மீர் விவகாரம் குறித்து, ஐ.நா., பாதுகாப்பு கவுன்சிலில், அடிப்படை ஆதாரமற்ற, பொய் தகவல்களை, பாக்., பரப்பி வருகிறது. பாகிஸ்தானின் இதுபோன்ற விஷம பிரசாரங்களுக்கு, கடந்த காலங்களில், எந்த பயனும் கிடைத்ததில்லை.

இப்போதும் கிடைக்கப் போவது இல்லை. பயங்கரவாதத்தின் மையமாக பாகிஸ்தான் செயல்பட்டு வருகிறது. காஷ்மீரின் உண்மை நிலவரம் தெரியாமல், சிலர் செயல்படுகின்றனர். உலகில், அதிக மக்கள் தொகை உடைய நாடான இந்தியாவுக்கு, ஐ.நா., பாதுகாப்பு கவுன்சிலில், இன்னும் நிரந்தர உறுப்பினர் அந்தஸ்து கிடைக்கவில்லை. இந்தியாவுக்கு நிரந்தர உறுப்பினர் அந்தஸ்து கொடுக்காமல், பாதுகாப்பு கவுன்சிலில், பெரும்பான்மை மக்களின் கருத்துக்கள் பிரதிபலிக்காது.


அமைதி நடவடிக்கை:

ஐ.நா., பாதுகாப்பு கவுன்சிலில் சீர்திருத்தம் செய்து, இந்தியாவுக்கு நிரந்தர உறுப்பினர் அந்தஸ்து வழங்க வேண்டும். ஐ.நா., சார்பில் தாக்கல் செய்யப்படும் ஆண்டறிக்கை, ஒரு சடங்காக இருக்கக் கூடாது. சர்வதேச அளவில் மேற்கொள்ளப்பட்ட அமைதி நடவடிக்கைகள், பாதுகாப்பு போன்ற விஷயங்களையும், கருத்தில் கொள்ள வேண்டும். இவ்வாறு, அவர் பேசினார்.


பாக்., அமைச்சர் புலம்பல்:

காஷ்மீர் விவகாரம் தொடர்பாக, பாக்., உள்துறை அமைச்சர், இஜாஸ் அகமது ஷா, அந்த நாட்டு, 'டிவி' சேனலுக்கு அளித்த பேட்டியில் கூறியதாவது: காஷ்மீரில் தடை உத்தரவு பிறப்பிக்கப்பட்டுள்ளது என்றும், அங்கு, மக்களுக்கு மருந்து கூட கிடைக்கவில்லை என்றும், நாங்கள் பல முறை வலியுறுத்தி வருகிறோம். நாங்கள் கூறுவதை, யாருமே நம்ப மறுக்கின்றனர். ஆனால், இந்திய அதிகாரிகள் கூறுவதைத் தான், நம்புகின்றனர். ஜமாத் உத் தவா போன்ற அமைப்புகளுக்கு, பல லட்சம் ரூபாய், அரசு சார்பில் செலவிடப்பட்டுள்ளது. இவ்வாறு, அவர் பேசியுள்ளார்.

இதற்கிடையே, ஐ.நா., பொதுச்சபை கூட்டத்தில் பங்கேற்பதற்காக, பாக்., பிரதமர் இம்ரான் கான், விரைவில் அமெரிக்கா செல்லவுள்ளார். அப்போது, அமெரிக்க அதிபர் டிரம்பை, இரண்டு முறை அவர் சந்திக்கவுள்ளதாகவும், காஷ்மீர் பிரச்னையை அவர் எழுப்புவார் என்றும், பாக்., அரசு வட்டாரங்கள் தெரிவித்தன.

''காஷ்மீர் விவகாரம் தொடர்பாக, இந்தியாவுக்கும், பாகிஸ்தானுக்கும் இடையே, தற்காலிகமாக ஒரு போர் நடக்க வாய்ப்புள்ளது என்பதை மறுக்க முடியாது. அதற்கான சூழ்நிலை ஏற்பட்டால், எதுவும் நடக்கலாம்''
- ஷா முகமது குரேஷி, பாக்., வெளியுறவு அமைச்சர்

Advertisement




வாசகர் கருத்து (7)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
spr - chennai,இந்தியா
14-செப்-201919:24:25 IST Report Abuse
spr "ஐ.நா. பாதுகாப்பு கவுன்சிலில் 15 நாடுகள் உறுப்பினர்களாக உள்ளனர். அவற்றில் அமெரிக்கா, ரஷ்யா,சீனா, பிரான்ஸ், ஐக்கிய ராஜ்ஜியம் ஆகியவை நிரந்தர உறுப்பினர்கள் ஆவர். மீதமுள்ள 10 நாடுகளும் தற்காலிக உறுப்பினர்களாவர். இவர் பிராந்திய அடிப்படையில் ஒதுக்கீடு செய்யப்படுகின்றன. ஒவ்வொரு ஆண்டும் 5 தற்காலிக உறுப்பு நாடுகள், ஐ.நா. பொதுச் சபையால் தேர்ந்தெடுக்கப்படுகின்றன. இது இரண்டு ஆண்டுகளுக்கான பதவியாகும்." ஆனால் உலகின் மிகச் சிறிய அதிகம் முன்னேறாத நாடுகள் கூட உறுப்பினராக இருக்க, இந்த தாற்காலிக உறுப்பினர் பதவி கூட இதுவரை இந்தியாவுக்குத் தரப்படவில்லையோ அது குறித்து இதுவரை நாட்டை ஆண்ட காங்கிரஸ் கொஞ்சம் கூட கவலைப்படவில்லை உறுப்பினராக முயற்சி செய்யவில்லை இதனால் நமக்கு பெரிய ஆதாயமில்லையென்றாலும், இப்பொழுது நமக்கு ஒரு நல்ல பெயர் உருவாகிற வேலையிலாவது அந்த உறுப்பினர் பதவி பெற முயற்சிக்க வேண்டும்
Rate this:
Share this comment
Cancel
RajanRajan - kerala,இந்தியா
14-செப்-201908:55:29 IST Report Abuse
RajanRajan கடந்த கால ஆட்சியாளர்களின் காஸ்மீர் சார்ந்த சிறப்பு அந்தஸ்து வரலாற்று பிழை பிஜேபி ஆட்சியில் இப்போது திருத்த பட்டது. அடுத்து ஐ நா சபையின் நிரந்தர உறுப்பினர் பதவி கிட்டிய போது அதை உதாசீன படுத்தி சீனாவுக்கு அந்தஸ்தை வழித்திருப்பின நேருவின் இந்த வரலாற்று பிழை பிஜேபி அரசால் திருத்தி அமைக்க வாழ்த்துவோமாக.
Rate this:
Share this comment
Cancel
blocked user - blocked,மயோட்
14-செப்-201908:22:34 IST Report Abuse
blocked user போர் என்று வந்தால் முதல் வேலையாக அணுவாயுதங்களை கைப்பற்றி அழித்து விட்டு அதைப்பின்னர் பாகிஸ்தானை நான்கு பகுதிகளாக பிரித்து விடுவதே இந்தியாவுக்கு சிறந்த பாதுகாப்பு.
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X