மன்மோகன் மட்டுமே நாட்டை காப்பற்றுவார்: சிதம்பரம் | Dinamalar

மன்மோகன் மட்டுமே நாட்டை காப்பற்றுவார்: சிதம்பரம்

Updated : செப் 26, 2019 | Added : செப் 26, 2019 | கருத்துகள் (139)
Share

புதுடில்லி : தற்போதைய பொருளாதார சரிவில் இருந்து மன்மோகன் சிங்கால் மட்டுமே நாட்டை காப்பாற்ற முடியும். மத்திய அரசு மன்மோகனின் யோசனைகளை கேட்க வேண்டும் என முன்னாள் மத்திய அமைச்சர் ப.சிதம்பரம் தெரிவித்துள்ளார்.



latest tamil news


ஐஎன்எக்ஸ் மீடியா வழக்கில் சிபிஐ.,யால் கைது செய்யப்பட்டு, திகார் சிறையில் அடைக்கப்பட்டுள்ளார், ப.சிதம்பரம். இருந்தாலும் இவரது டுவிட்டர் பக்கம் துடிப்புடன் இயங்கி வருகிறது. இவரது சார்பில் இவரின் குடும்பத்தினர்கள் பதிவிடுவதாக கூறி தினம் ஒரு டுவீட் பதிவிடப்பட்டு வருகிறது. அந்த வகையில் முன்னாள் பிரதமர் மன்மோகன் சிங்கின் பிறந்தநாளை முன்னிட்டு, அவருக்கு வாழ்த்து கூறியும், அவரை புகழ்ந்தும் ப.சிதம்பரம் சார்பில் கருத்து பதிவிடப்பட்டுள்ளது.


latest tamil news



சிதம்பரம் தனது டுவீட்டில், மன்மோகன் சிங்கிற்கு பிறந்தநாள் வாழ்த்துக்கள். அவர் 100 ஆண்டுகளுக்கும் வாழ வாழ்த்துகிறேன். மன்மோகன் சிங்கின் யோசனைகளை கேட்க வேண்டும் என அரசை வலியுறுத்துகிறேன். தற்போதைய பொருளாதார சரிவில் இருந்து மீட்கும் சரியான வழியை ஒருவரால் காட்ட முடியும் என்றால், அது மன்மோகன் சிங்கால் மட்டுமே முடியும்.


latest tamil news



பொருளாதார சரிவிற்கான முக்கியமான காரண காரணி என்ன என்பதை புரிந்து கொள்ளாமல் இருப்பது தான் அரசு செயல்பாடுகளில் இருக்கும் அடிப்படை தவறு. தேவையில் உள்ள குறைபாடு, வேலைவாய்ப்பு, சம்பளம், வாய்ப்புக்கள் ஆகியவற்றின் வளர்ச்சி மீதான அவநம்பிக்கை ஆகியன பெரிய பிரச்னையாக உள்ளது. இவ்வாறு சிதம்பரம் குறிப்பிட்டுள்ளார்.

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X