பொது செய்தி

இந்தியா

காலக்கெடு விதித்தார் நிதியமைச்சர் நிலுவை தொகைகளை அக்., 15க்குள் வழங்க உத்தரவு

Updated : செப் 30, 2019 | Added : செப் 28, 2019 | கருத்துகள் (13)
Advertisement
காலக்கெடு, விதித்தார்,நிதியமைச்சர்,நிலுவை,தொகைகளை,அக்., 15க்குள், வழங்க, உத்தரவு

புதுடில்லி:செலவினங்கள் மற்றும் வளர்ச்சியை அதிகரிக்கும் வகையில், விற்பனையாளர்கள், ஒப்பந்தக்காரர்கள் ஆகியோருக்கான நிலுவைத் தொகைகளை, அக்., 15ம் தேதிக்குள் கொடுத்து முடித்துவிட வேண்டும் என, பொதுத் துறை நிறுவனங்களை, மத்திய அரசு கேட்டுக் கொண்டுள்ளது.

கடந்த ஆறு ஆண்டுகளில் இல்லாத வகையில், பொருளாதாரம் சரிந்துள்ள நிலையில், அதை வளர்ச்சிப் பாதைக்கு திருப்ப, பல்வேறு நடவடிக்கைகள் மத்திய அரசால் எடுக்கப்பட்டு வருகின்றன.இதன் தொடர்ச்சியாக, வெள்ளிக்கிழமை அன்று, நிதியமைச்சர், நிர்மலா சீதாராமன், பல்வேறு அமைச்சகங்களைச் சேர்ந்த செயலர்கள் மற்றும் நிதி ஆலோசகர்களை சந்தித்தார்.


முதல் கூட்டம்



இந்த கூட்டத்திற்கு பின், பத்திரிகையாளர்களை சந்தித்தபோது, “குறு, சிறு, நடுத்தர நிறுவனங்கள் மற்றும் பொருட்களை வழங்கியவர்களுக்கு கொடுக்க வேண்டிய நிலுவைத் தொகைகளை உடனே வழங்குமாறு, அரசு துறைகளுக்கு அறிவுறுத்தப்பட்டுள்ளது.

“வழக்குகள் எதுவும் இல்லாத நிலுவைத் தொகை எதையும் நிறுத்தி வைக்காமல், உடனடியாக வழங்குமாறு கூறப்பட்டுள்ளது. அரசின் எந்த செலவினங்களும் இதுவரை நிறுத்தப்படவில்லை. தேவையையும்,நுகர்வையும் அதிகரிக்கும் வகையிலான நிதிகள் உடனே வழங்கப்படும். “மேலும்,அடுத்த நான்கு காலாண்டுகளுக்கான மூலதன முதலீடுகள் குறித்த திட்டங்களை, இன்னும் ஒரு வார காலத்துக்குள் தயார் செய்யுமாறும் கூறியுள்ளேன். அடுத்து, நாளையும், பொதுத் துறையைச் சேர்ந்தவர்களுடன் சந்திப்பு நடைபெறும்,” என, தெரிவித்தார்.
அதன்படி, நேற்று, மத்திய பொதுத் துறை நிறுவனங்களின் தலைவர்களுடன், மூலதன செலவு திட்டங்கள் குறித்த மறு ஆய்வில் ஈடுபட்டார்.பின், பத்திரிகையாளர்களை சந்தித்த நிதியமைச்சர், நிர்மலா சீதாராமன் கூறியதாவது:மத்திய பொதுத் துறை நிறுவனங்கள், நிலுவைத் தொகைகளை, அக்டோபர் 15ம் தேதிக்குள் வழங்கிவிட வேண்டும் என, தெரிவிக்கப்பட்டுள்ளது.


உடனுக்குடன்



மத்திய பொதுத் துறை நிறுவனங்கள் மட்டுமின்றி, மாநில அரசுகளுக்கு சொந்தமான நிறுவனங்களும், அதன் ஒப்பந்ததாரர்கள், விற்பனையாளர்கள், சேவைகளை வழங்குபவர்கள் என அனைவருடைய நிலுவைத் தொகைகளையும், 15ம் தேதிக்குள்ளாக வழங்கிவிட வேண்டும் என கேட்டுக் கொள்ளப்பட்டுள்ளது.இதனால், பணப்புழக்க நெருக்கடியை குறைக்க முடியும் என, கருதுகிறோம்.

மேலும், ஒப்பந்தக்காரர்களுடன் ஏற்படும் பிரச்னைகளை மத்தியஸ்தம் பண்ணுவதற்கு ஆகும் காலம் எவ்வளவு என்பதையும், ஒப்பந்தக்காரர்களின் பணம் எவ்வளவு காலம் நிறுத்தி வைக்கப்படுகிறது என்பதையும் விளக்கும்படி கேட்டுக் கொள்ளப்பட்டுள்ளது. மேலும், நிலுவைத் தொகை வழங்குவதை உடனுக்குடன் அறிந்து கொள்ளும் வகையில், அக்டோபர் 15ம் தேதிக்குள், தனி இணையதள வசதியை ஏற்படுத்தும்படி, பெரிய பொதுத் துறை நிறுவனங்களிடம் கூறப்பட்டுள்ளது.

இவை மட்டுமின்றி, அடுத்த நான்கு காலாண்டுகளுக்கான செலவு திட்டங்களை சமர்ப்பிக்கவும், அரசுக்கு சொந்தமான நிறுவனங்களிடம் கேட்டுக் கொள்ளப்பட்டுள்ளது.இவ்வாறு நிதியமைச்சர் கூறினார்.ஆகஸ்ட் மாதம் வரை, 34 பொதுத் துறை நிறுவனங்கள் ஏற்கனவே, 48 ஆயிரத்து, 77 கோடி ரூபாயை செலவழித்துள்ளன.மேலும், டிசம்பர் வரையிலான காலகட்டத்தில், 50 ஆயிரத்து, 159 கோடி ரூபாய் செலவுக்கான விரிவான திட்டங்களையும் வைத்துள்ளன.

ராஜீவ் குமார், நிதித் துறை செயலர்

Advertisement




வாசகர் கருத்து (13)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
RM -  ( Posted via: Dinamalar Android App )
29-செப்-201921:15:09 IST Report Abuse
RM மதியில்லா நிதிமந்திரி.இவரது இயலாமையால் இருண்டபாரதம்!அகண்ட குழியின் வாயிலில்,பொருளாதார சரிவில்பாரதம்!
Rate this:
Share this comment
Cancel
Pugazh V - Coimbatore / Cochin,இந்தியா
29-செப்-201916:32:09 IST Report Abuse
Pugazh V அந்த ஜிஎஸ்டி இன்புட் ரீஃபண்ட் கள் மட்டுமே உடனே ரிலீஸ் பண்ணித் தந்தால் கூட போதும். தொழிலாளர்களுக்கு முதலில் சம்பள பாக்கிகளைக் கொடுத்து விடலாம்.
Rate this:
Share this comment
Cancel
Pugazh V - Coimbatore / Cochin,இந்தியா
29-செப்-201916:30:24 IST Report Abuse
Pugazh V இங்கே பதிவாகியிருக்கும் பல கருத்துக்கள், தினமலர் வாசகர்களிடத்தில் மட்டுமே காணப்படும் விந்தை. 1. அதிகார வர்க்கம் அழுகல்/ 2. கடந்த 70 ஆண்டு களாக வேலையே செய்யாமல் இருக்கிறார்கள்.3. இட ஒதுக்கீடு அதிகாரிகள். இதுமாதிரி வேறெந்த மாநில மக்களும் பேசியோ எழுதியோ பார்த்ததே இல்லை. கடந்த 60 ஆண்டுகளில் தான், Taxation Laws மொத்தமும் எழுதப்பட்டது. மட்டுமல்ல. கடந்த 60 ஆண்டுகளில் தான், 12 IIT, 10 IIM, 9 REC, போன்ற உயர்தரமான கல்வி நிறுவனங்கள் உருவாக்கப்பட்டன. அனைத்து அமைச்சகங்களும் உருவாக்கப்பட்டதும் 1950 களில் தான். இருண்ட தேசமாக இருந்த இந்தியா இந்த அளவுக்கு வளர்ந்து, முன்னேறி, உயர்ந்து நிற்பதும் கடந்த60 ஆண்டு காங்கிரஸ் ஆட்சியாளர்களால் தான். இது மறுக்க முடியாத நிஜம். வரலாறு. உதாரணமாக, 1950 ஆம் ஆண்டில்,, எத்தனை அணைகள் மற்றும் எத்தனை மின் உற்பத்தி நிலையங்கள் இருந்தன? 1999 ஆம் ஆண்டில் எத்தனை அணைகள் மற்றும் மின் உற்பத்தி நிலையங்கள் இருக்கின்றன? என்று ஒப்பிட்டு பார்த்தால், இந்தியா வின் வளர்ச்சி மற்றும் முன்னேற்றங்களில், காங்கிரஸ் அரசுகளின் பங்களிப்பு எத்தனை என்று தெரிந்து கொள்ளலாம். சும்மா சும்மா தமிழ் நாட்டில் மட்டும் தான் இட.ஒதுக்கீடு என்று கத்தி கொண்டே இருக்கிறோம்
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X