இதே நாளில் அன்று | Dinamalar

பொது செய்தி

தமிழ்நாடு

இதே நாளில் அன்று

Added : அக் 13, 2019 | கருத்துகள் (2)
 இதே நாளில் அன்று

அக்டோபர் 14, 1643
முதலாம் பகதுார் ஷா: மத்திய பிரதேச மாநிலம், புர்கான்பூரில், முகலாய பேரரசர் அவுரங்கசீப் - - நவாப் பாய் பேகம் சகேபா தம்பதிக்கு மகனாக, 1643 அக்., 14ல் பிறந்தார். இவரது இயற்பெயர் குதுப் உத்-தீன் முகம்மத் முவாசம். தந்தை காலத்தில், வடமேற்கு ஆட்சி பகுதிக்கு, கவர்னராக பகதுார் ஷா நியமிக்கப்பட்டார். தந்தையின் கடுமையான ஆணைகளை, தன் பகுதியில் பகதுார் ஷா தளர்த்தி இருந்தார்.

அவுரங்கசீப் இறப்பிற்கு பின், 1707 முதல், 1712 வரை, இந்தியாவை ஆட்சி செய்தார். பகதுார் ஷா ஆட்சி பொறுப்பேற்ற போது, பேரரசு உறுதியற்ற நிலையில் இருந்தது. தந்தையுடன் ஒப்பிடும்போது, இவர் மிதவாதியாக இருந்தார். இவரது ஆட்சிக் காலத்தில், இசைக்கு மீண்டும் ஆதரவு அளிக்கப்பட்டது. கோவில்கள் எதுவும் அழிக்கப்படவில்லை. இவரது ஐந்தாண்டு ஆட்சியில் பேரரசு ஒன்றாக இருந்தாலும், உட்பூசல்கள் உயர்நிலையில் இருந்தன. இவரது தந்தையால் ஏற்படுத்தப்பட்ட, இந்த பாதிப்புகளை சீர்படுத்த முடியவில்லை. பகதுார் ஷா, 1712 பிப்., 27ல் காலமானார். அவர் பிறந்த தினம் இன்று.

Advertisement


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X