பிரதமரின் நடவடிக்கைகளை அரசியலாக்க கூடாது: குஷ்பு| Dinamalar

அரசியல் செய்தி

தமிழ்நாடு

பிரதமரின் நடவடிக்கைகளை அரசியலாக்க கூடாது: குஷ்பு

Added : அக் 14, 2019 | கருத்துகள் (20)
 பிரதமரின் நடவடிக்கைகளை அரசியலாக்க கூடாது: குஷ்பு

துாத்துக்குடி :
''பிரதமர் மோடியின் எல்லா செயல்களையும் அரசியலாக்கி, விமர்சிக்க தேவையில்லை,'' என, மகிளா காங்கிரஸ் தேசிய செயலர், குஷ்பு தெரிவித்தார்.

துாத்துக்குடி விமான நிலையத்தில், நேற்று அவர் அளித்த பேட்டி:நாங்குநேரி தொகுதி, காங்கிரசின் கோட்டை. இந்த இடைத்தேர்தலில், காங்கிரஸ் வேட்பாளர் ரூபி மனோகரன் நிச்சயம் வெற்றி பெறுவார்.பிரதமர் மோடியின் எல்லா செயல்பாடுகளையும், நாம் அரசியலாக்கி விமர்சிக்கக் கூடாது. தமிழனின் பெருமையை, கலாசாரத்தை பிரதமர் மதித்து, வேட்டி அணியும்போது, அது சர்வதேச அளவுக்கு எடுத்துச் செல்லப்படுகிறது.

ஆனாலும், அவர் தங்கியிருந்த நட்சத்திர விடுதி கடற்கரையில் குப்பை அள்ளியது, விளம்பரத்திற்காக தான் என தோன்றுகிறது. துாய்மை இந்தியா திட்டத்தை கொண்டு வந்தது, வரவேற்கத்தக்கது. அதற்காக, போட்டோ எடுத்து, தன்னை பிரபலப்படுத்தும் நோக்கத்தோடு, துாய்மை பணியில் பிரதமர் ஈடுபடுவது, நன்றாக இருக்காது.இவ்வாறு, அவர் கூறினார்.

Advertisement


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X