சிதம்பரத்தை காவலில் விசாரிக்க அமலாக்கத் துறைக்கு அனுமதி| Dinamalar

சிதம்பரத்தை காவலில் விசாரிக்க அமலாக்கத் துறைக்கு அனுமதி

Updated : அக் 18, 2019 | Added : அக் 18, 2019 | கருத்துகள் (7)
சிதம்பரம், காவல்,விசாரணை, அமலாக்கத்துறை, அனுமதி

புதுடில்லி,: 'ஐ.என்.எக்ஸ். மீடியா' ஊழல் வழக்கில் காங்.கைச் சேர்ந்த முன்னாள் மத்திய அமைச்சர் சிதம்பரத்தை அக்., 24 வரை காவலில் எடுத்து விசாரிக்க அமலாக்கத் துறைக்கு டில்லி நீதிமன்றம் அனுமதி வழங்கியுள்ளது.

மும்பையைச் சேர்ந்த ஐ.என்.எக்ஸ். மீடியா நிறுவனம் அன்னிய முதலீடு செய்வதற்கு 2007ல் அனுமதி வழங்கியதில் ஊழல் நடந்துள்ளதாக சி.பி.ஐ. மற்றும் அமலாக்கத் துறை வழக்கு பதிவு செய்துள்ளன.இந்த வழக்கில் ஆக. 21ல் சிதம்பரத்தை சி.பி.ஐ. கைது செய்தது. கடந்த செப். 5ல் இருந்து டில்லியில் உள்ள திகார் சிறையில் அவர் அடைக்கப்பட்டிருந்தார்.

இந்த ஊழலில் நடந்துள்ள பண மோசடி தொடர்பாக விசாரிக்கும் அமலாக்கத் துறை சிதம்பரத்தை நேற்று முன் தினம் கைது செய்தது. டில்லியில் உள்ள சிறப்பு நீதிமன்றம் பிறப்பித்த 'வாரன்ட்' அடிப்படையில் சிதம்பரம் நேற்று நீதிமன்றத்தில் ஆஜர்படுத்தப்பட்டார்.அவரை 14 நாள்கள் காவலில் எடுத்து விசாரிக்க அமலாக்கத் துறை அனுமதி கேட்டது.

அக்., 24ம் தேதி வரை விசாரிக்க நீதிமன்றம் அனுமதி அளித்தது. அமலாக்கத் துறையின் விசாரணையின்போது வீட்டு உணவு மருந்துகள் மேற்கத்திய பாணி கழிப்பறை வசதி அளிக்க நீதிமன்றம் அனுமதி அளித்துள்ளது.சி.பி.ஐ. தொடர்ந்த வழக்கிலும் சிதம்பரத்தின் காவல் 24ம் தேதி வரை நீட்டிக்கப்பட்டுள்ளது.

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X