சம்பவம் செய்தி

தமிழ்நாடு

சும்மா சுட்டேன், செத்துவிட்டான்: முகேசை கொன்ற விஜய் வாக்குமூலம்

Updated : நவ 06, 2019 | Added : நவ 06, 2019 | கருத்துகள் (71)
Share
Advertisement
துப்பாக்கிச்சூடு, சென்னை, பாலிடெக்னிக், மாணவர், முகேஷ், விஜய், சரண், வாக்குமூலம்

இந்த செய்தியை கேட்க

காஞ்சிபுரம்: சென்னை அருகே நண்பரின் வீட்டிற்கு சென்ற பாலிடெக்னிக் மாணவரை, துப்பாக்கியால் சுட்டுக்கொன்று தப்பிய விஜய் என்பவர் செங்கல்பட்டு கோர்ட்டில் சரண் அடைந்துள்ளார். விளையாட்டாக சுட்டதாக வாக்குமூலம் அளித்த விஜய்க்கு 15 நாள் நீதிமன்ற காவலில் சிறையில் அடைக்க உத்தரவிடப்பட்டுள்ளது.

சென்னை அருகே பாலிடெக்னிக் கல்லூரி மாணவர் முகேஷ், தாம்பரம் அடுத்த வேடமங்கலத்தில் தனது நண்பர் விஜய் வீட்டிற்கு சென்றுள்ளார். இருவரும் ஒரு அறையில் பேசிக் கொண்டிருக்க, விஜயின் தம்பி உதயா மற்றும் அண்ணி ஆகியோர் வேறு அறையில் இருந்துள்ளனர். திடீரென துப்பாக்கி வெடி சத்தம் கேட்டதால் இருவரும் ஓடிச்சென்று பார்த்தபோது, முகேஷ் நெற்றியில் குண்டு பாய்ந்து ரத்த வெள்ளத்தில் கிடந்துள்ளார். அதற்குள் துப்பாக்கியுடன் விஜய் தப்பியோடினார்.


latest tamil news


முகேைஷ மீட்டு, குரோம்பேட்டை பார்வதி மருத்துவமனைக்கு கொண்டு சென்றனர். அங்கிருந்து மேல் சிகிச்சைக்காக, சென்னை ராஜிவ்காந்தி அரசு மருத்துவமனைக்கு கொண்டு செல்லும் வழியில், முகேஷ் இறந்தார்.
இது குறித்து தாழம்பூர் போலீசார், தம்பி உதயாவை பிடித்து விசாரித்தனர். விஜயின் பெற்றோர், அண்ணன் ஆகியோரும் தலைமறைவாகினர். உணவு டெலிவரி செய்யும் வேலையில் இருக்கும் விஜய்க்கு துப்பாக்கி எப்படி கிடைத்தது என்பது தெரியாமல் போலீசார் குழம்பி போயிருந்தனர்.இந்நிலையில், தேடப்பட்டு வந்த விஜய், செங்கல்பட்டு கோர்ட்டில் சரணடைந்தார்.


latest tamil news



விஜய் வாக்குமூலம்



விஜய் மீது ஏற்கனவே 2 வழிப்பறி வழக்குகள் இருப்பதாக கூறப்பட்ட நிலையில், கொலை குறித்து வாக்குமூலம் தெரிவித்துள்ளார். 2 ஆண்டுகளுக்கு முன்பாக குப்பைத்தொட்டியில் இருந்து துப்பாக்கியை எடுத்தேன். மண்ணுக்குள் புதைத்து வைத்திருந்த துப்பாக்கியை தீபாவளி பண்டிகையின் போது வெளியே எடுத்தேன். முகேஷ் நெற்றியில் விளையாட்டாக வைத்து அழுத்தியபோது வெடித்தது, என விஜய் வாக்குமூலம் அளித்தார்.
இதனை விசாரித்த நீதிபதிகள், 15 நாள் நீதிமன்ற காவலில் புழல் சிறையிலடைக்க உத்தரவிட்டார்.

Advertisement




வாசகர் கருத்து (71)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Malick Raja - jeddah,சவுதி அரேபியா
10-நவ-201917:16:40 IST Report Abuse
Malick Raja காவல்துறை காவலில் சென்றால் ஒரு மணிநேரத்திற்குள் உண்மை தாக்காகவே வெளிவரும் .. தமிழக காவல்துறையின் கைங்கரியம் அப்படி .. பார்ப்போம் உண்மையையே ..
Rate this:
Cancel
oce - kadappa,இந்தியா
09-நவ-201913:39:58 IST Report Abuse
oce தவத்தளவே ஆகுமாம் தான் பெற்ற செல்வம் குலத்தளவே ஆகும் குணம்- இது பெரியோர் மூதுரை.
Rate this:
Cancel
skv srinivasankrishnaveni - Bangalore,இந்தியா
08-நவ-201917:22:50 IST Report Abuse
skv srinivasankrishnaveni இந்த பையனுக்கு எங்கேருந்து எப்படீங்க துப்பாக்கி கிடைச்சுது ப்ளீஸ் கண்டுபிடிக்கவும் ஆனாலும் வாழவேண்டிய ஒரு பையன் செத்துட்டானே பரிதாபமாயிருக்கே
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X