அரசியல் செய்தி

தமிழ்நாடு

ஐ.டி., நிறுவனங்களில் ஆட்குறைப்பு கூடாது: முதல்வர்

Updated : நவ 09, 2019 | Added : நவ 07, 2019 | கருத்துகள் (10)
Share
Advertisement
I.T, cm,EPS, பழனிசாமி, ஐ.டி., நிறுவனங்கள், ஆட்குறைப்பு, கூடாது, முதல்வர்

சென்னை: ''தகவல் தொழில்நுட்ப நிறுவனங்கள், ஆட்குறைப்பு நடவடிக்கைகளில் ஈடுபடக்கூடாது,'' என, முதல்வர் பழனிசாமி வேண்டுகோள் விடுத்தார்.

சி.ஐ.ஐ., என்ற, இந்திய தொழில் கூட்டமைப்பும், தமிழக அரசும் இணைந்து நடத்தும், 'கனெக்ட் 2019' என்ற, 18வது தகவல் தொழில்நுட்ப மாநாடு, சென்னை வர்த்தக மையத்தில், நேற்று துவங்கியது.


பல சாதனைகள்


மாநாட்டை, முதல்வர் இ.பி.எஸ்., துவக்கி வைத்து பேசியதாவது:தகவல் மற்றும் தகவல் தொடர்பு தொழில்நுட்பங்களை, அதிகளவில் பயன்படுத்துவதிலும், நுகர்வதிலும், தமிழகம் முன்னிலையில் உள்ளது. மத்திய, 'நிடி ஆயோக்' வெளியிட்ட அறிக்கையின் படி, இந்தியாவில் அதிக புதுமைகளை படைக்கும் மாநிலங்களின் பட்டியலில், தமிழகம், இரண்டாவது இடத்தை பெற்றுள்ளது.

புதிய தொழில்நுட்பங்களை பயன்படுத்தி, மேலும் பல சாதனைகள் படைக்க, இந்த மாநாடு, ஒரு நல்ல வழிகாட்டுதலாக இருக்கும். கடந்த ஆண்டு மாநாட்டு நிறைவு விழாவில், தமிழகத்தில், தற்போது உள்ள நிறுவனங்கள், தொடர்ந்து ஆதரவு அளிக்க வேண்டும் என, கேட்டுக் கொண்டேன். அதன்படி, ஓராண்டில், 6,500 கோடி ரூபாய் முதலீடு கிடைத்துள்ளது. இதன் வாயிலாக, 60 ஆயிரத்து, 100 புதிய வேலை வாய்ப்புகளும் கிடைத்து உள்ளன.

தகவல் தொழில்நுட்ப துறையில், 10 சதவீதம் ஏற்றுமதியும், 4 சதவீதம் வேலைவாய்ப்பும், ஓராண்டில் அதிகரித்துள்ளது. இதே ஆதரவை, எதிர்காலத்திலும் தொழில் நிறுவனங்கள் அளிக்க வேண்டும்.'எலக்ட்ரானிக்ஸ் ஹார்டுவேர்' உற்பத்தி கொள்கை, விரைவில் வெளியிடப்பட உள்ளது. இந்த கொள்கை, புதிய தொழில் துவங்குதல், அதிக முதலீடு மற்றும் வேலைவாய்ப்பு கிடைக்க வழி வகை செய்யும். தமிழக அரசு, 500 கோடி ரூபாய் மதிப்பில், 'தமிழ்நெட்' திட்டம் வாயிலாக, தமிழகம் முழுவதிலும் உள்ள அனைத்து நகரப்பகுதிகளுக்கும், அதிவேக இணையதள வசதியை விரிவுபடுத்த உள்ளது.


'யூடியூப் சேனல்'


இந்த திட்டம், 18 மாதங்களில் நிறைவேற்றப்படும். தகவல் தொழில்நுட்ப துறையில், முதலீடுகளை அதிகரிக்கவும், நிதி நிலையை சீராக்கவும், ஆட்குறைப்பு நடவடிக்கையில் ஈடுபடாமல், அதிக அளவில் வேலைவாய்ப்பை உருவாக்குவதற்கான திட்டங்களை செயல்படுத்த முன்வர வேண்டும். இவ்வாறு, அவர் பேசினார்.

நிகழ்ச்சியில், தமிழக மின் ஆளுமை இயக்ககம் உருவாக்கிய, செயற்கை நுண்ணறிவு முக அடையாள வருகைப் பதிவு, பயிர்களின் பூச்சி பாதிப்புகளை கண்டறிந்து, தீர்வு பெறும் வசதி, அரசு சேவைகளை பெறுவதற்கான வழிமுறைகளை அறிந்து கொள்ளும், 'யூடியூப் சேனல்' ஆகிய திட்டங்களையும், முதல்வர் துவக்கி வைத்தார்.

மேலும், அண்ணா பல்கலை மற்றும் உயர் தொழில்நுட்ப கல்வி நிறுவனமான, ஐ.ஐ.டி., சென்னை உடன், இரண்டு புரிந்துணர்வு ஒப்பந்தங்கள் மேற்கொள்ளப்பட்டன.நிகழ்ச்சியில், தகவல் தொழில்நுட்ப துறை அமைச்சர் ஆர்.பி.உதயகுமார், செயலர் சந்தோஷ்பாபு பங்கேற்றனர்.

Advertisement




வாசகர் கருத்து (10)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
08-நவ-201923:09:01 IST Report Abuse
ஆப்பு ஐயா காமெடி பண்றாரு. அமெரிக்காவுல நம்ம ஆளுங்களுக்குத் தேவை இல்லேன்னா இங்கே அவிங்களை ஒக்காத்தி வெச்சு சம்பளம் குடுக்க முடியுமா? பேசாம வேலைநீக்ஜம் செய்யப்படுகிற ஆளுங்களை அப்பிடியே அரசு உத்யோகம் குடுத்துருங்க. நல்ல திறமை இருக்கு அவிங்களுக்கு.
Rate this:
Cancel
sathishkumar - chennai,இந்தியா
08-நவ-201916:52:44 IST Report Abuse
sathishkumar என்ன வளர்ச்சியோ போங்க ...ரோட்ல பாத்தா இன்னும் பிச்சைக்காரர்கள் இருக்கத்தானே செய்யுறாங்க..இதுல எங்க வளர்ச்சி இருக்கு..சோத்துக்கே வழி இல்லாதவங்களும் இருகாங்க BMW கார் ல போறவங்களும் இருகாங்க. மனுஷனா பொறந்தா ஹுமானிட்டி இருக்கனும்...மனிதநேயம் இருக்குறவங்களைத்தான் மனிதனு சொல்லணும். பிச்சக்கரங்களே இல்லாத நிலைமை எப்போ வருதோ அப்போதான் நல்ல வளர்ச்சினு சொல்லணும். ஐடி ல வேல பாத வீக் எண்டு செலவு பண்ணனுமா என்ன ..அந்த வேஸ்ட் ஆஹ் போகுற காசுல நாலு பேர்க்கு சாப்பாடு வாங்கி தரலாமே. ஐடி வேலைனு ஓவர் ஆஹ் ஆடுனா இப்படித்தான் ஆகும்.
Rate this:
Cancel
08-நவ-201914:48:27 IST Report Abuse
நக்கல் IT துறை இப்படித்தான் வேலை செய்யும்... டெக்னாலஜி என்பது மாறிக்கொண்டிருக்கிற ஒன்று... எல்லோரும் புது விஷயங்களை கற்றுக்கொண்டு வேலை செய்யும் கம்பெனிகளுக்கு லாபம் ஈட்ட உதவ வேண்டும்... இல்லாதவர்கள் வெளியே தள்ளப்படுவார்கள்... உலகம் முழுக்க இந்த கம்பெனிகள் இப்படித்தான் இயங்குகின்றன... வேலையில் இருக்கும்போது அதிக பணம் பார்ப்பார்கள், வேலை தெரியவில்லை என்றால் வெளியேற்றம்தான்... இதுக்கு யூனியன் எல்லாம் எடுபடாது.... இந்த துறை பற்றி தெரிந்து கொண்டு இதை படிப்பதில் ஆர்வம் காட்டுவது நல்லது...
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X