'குடி'மகன்கள் தொல்லை; நகராட்சி மருத்துவமனைக்கு வரத்தயங்கும் நோயாளிகள்

Added : நவ 11, 2019
Advertisement

அருப்புக்கோட்டை:அருப்புக்கோட்டையில் உள்ள நகராட்சி மருத்துவமனையில் 'குடிமகன்கள்' தொல்லையால் நோயாளிகள் வரத் தயங்குகின்றனர். அங்கு வேலை பார்க்கும் நர்ஸ்களும்
அச்சத்தில்உள்ளனர்.

அருப்புக்கோட்டை திருச்சுழி ரோடு டி.ஆர்.வி., நகரில்கடந்த 2 மாத காலமாக நகர்புற ஆரம்ப சுகாதார நிலையம் இயங்கி வருகிறது. இங்கு, பிரசவ வார்டு, பெட் வசதிகள், ஸ்கேன்,
மருந்தகம், பொது வார்டு, லேப் வசதிஉட்பட வசதிகள் செய்யப்பட்டுள்ளன.தினமும், 200க்கும் மேற்பட்டவர்கள் வந்து சிகிச்சை பெற்று செல்கின்றனர். பெண்கள் அதிகம் வந்து செல்லும் இந்த மருத்துவமனைக்கு சுற்று சுவர் இல்லை.

இதனால், இரவு நேரங்களில், அருகில் உள்ள 'டாஸ்மாக்' கடையில் சரக்குகளை வாங்கி வந்து, மருத்துவமனையின் முன் மற்றும் பின்புறம் அமர்ந்து குடிக்கும் 'பார்' ஆக குடிமகன்கள்
பயன்படுத்துகின்றனர். போதையில் அங்கேயே படுத்து விடுகின்றனர்.இதனால், மருத்துவனையில் தங்கியுள்ள கர்ப்பிணி பெண்கள், இரவு நேர பணியில் இருக்கும் நர்ஸ்கள் பயப்படுகின்றனர்.

மேலும், ஜெனரேட்டர் வசதி இல்லாததால், மின் தடை ஏற்பட்டால் இரவு நேரத்தில் சிரமப்பட வேண்டியுள்ளது. 24 மணி நேரமும் மருத்துவமனை இயங்குவதால், அதற்கு தேவையான
அடிப்படை வசதிகளான தடையில்லா மின்சாரம், ஜெனரேட்டர் வசதி செய்யப்பட வேண்டும்.
பாதுகாப்பு வசதிகள் செய்யப்பட வேண்டும். மருத்துவமனை அருகில் உள்ள 'டாஸ்மாக்' கடை இருப்பதால் 'குடி'மகன்கள் எந்த நேரமும் குடித்து விட்டு மருத்துமனை வராண்டாவில் விழுந்து கிடக்கின்றனர்.

டாஸ்மாக் கடை அருகிலேயே கோயில், மருத்துவமனை மற்றும் கல்லுாரி உள்ளன. இந்த இடத்தில் டாஸ்மாக் கடை நடத்த அனுமதி எவ்வாறு கொடுத்தனர் என சமூக ஆர்வலர்கள் கேள்வி எழுப்புகின்றனர்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X