பொது செய்தி

தமிழ்நாடு

ஆன்-லைனில் வரலையே கட்டட வரைபட அனுமதி: 'மக்கர்' பண்ணுகிறது மாநகராட்சி

Added : நவ 11, 2019
Advertisement

கோவை:கட்டட அனுமதி பெற தமிழகத்தின் பிற மாநகராட்சிகளில், இ-டி.சி.ஆர்.,நடைமுறை பின்பற்றப்படும் நிலையில், கோவை மாநகராட்சியில் மட்டும் இந்நடைமுறை இன்னும் அமலுக்கு வரவில்லை.7,000 சதுரடி வரையிலான குடியிருப்புக்கு வரைபட அனுமதி வழங்கும் அதிகாரத்தை, உள்ளாட்சி அமைப்புகளுக்கு, நகர ஊரமைப்பு துறை பகிர்ந்தளித்துள்ளது.
இதன்படி, 7,000 சதுரடி தரை பரப்பு வரை, 8 குடியிருப்புகள் வரை கொண்ட, 12 மீட்டர் உயரத்துக்கு மிகாத தரை தளம் மற்றும் இரண்டு தளங்கள், வாகன நிறுத்துமிடம் மற்றும் மூன்று தளங்கள் கட்டுவதற்கு, மாநகராட்சியில் விண்ணப்பித்து, அனுமதி பெறலாம்.இது மக்களுக்கு பயனுள்ளது என்ற போதிலும், கோவை மாநகராட்சியில், விண்ணப்பதாரரின் ஆவணங்கள் பரிசீலிப்பது வரை மட்டும், ஆன்-லைன் நடைமுறை பின்பற்றப்படுகிறது.பின், அனைத்து ஆவணங்களும் கோப்பு வடிவில் தயாரித்து, நகரமைப்பு அலுவலர், துணை கமிஷனர், கமிஷனர் ஆகியோரது கையெழுத்துக்கு பரிந்துரைக்கப்படுகிறது.ஒவ்வொரு அதிகாரியும் கையெழுத்திட்ட பிறகு, மீண்டும் ஆன்-லைன் முறையில், உத்தரவு வழங்கப்படுகிறது.இது, தேவையற்ற கால தாமதத்தையும், லஞ்ச பரிமாற்றங்களையும் அதிகரிக்கிறது. தமிழக அரசு உத்தரவுப்படி, அங்கீகரிக்கப்பட்ட மனை பிரிவுகளில், 2,500 சதுரடிக்கு மிகாத நிலத்தில், 1,200 சதுரடிக்குள் குடியிருப்பு கட்டுவதற்கு, ஆவணங்கள் அடிப்படையில், ஆன்-லைன் முறையில் அனுமதி வழங்க வேண்டும் என்கிற எதிர்பார்ப்பு எழுந்துள்ளது.தமிழகத்தின் மற்ற மாநகராட்சிகளில், இ-டி.சி.ஆர்., (electronic-development control regulation) நடைமுறை பின்பற்றப்படுகிறது.கோவையில் மட்டும், ஆட்டோ டி.சி.ஆர்., (auto-development control regulation) முறை பின்பற்றப்படுகிறது.மற்ற மாநகராட்சிகளை போல், இ-டி.சி.ஆர்., முறையை பின்பற்ற வேண்டுமென்ற கோரிக்கையும், பதிவு பெற்ற பொறியாளர்கள் மத்தியில் எழுந்துள்ளது.மாநகராட்சி அதிகாரிகளிடம் கேட்ட போது, 'நகர ஊரமைப்புத்துறை இணையதளத்துக்குள் சென்று பதிவிடும் போது, சீராய்வு செய்யப்பட்ட சொத்து வரி நிர்ணயிக்க வேண்டிய கட்டாயம் இருந்தது. 'கோவையில் சொத்து வரி சீராய்வு செய்யாமல் இருந்ததால், ஆட்டோ டி.சி.ஆர்., முறையை பயன்படுத்தினோம். தற்போது வரி சீராய்வு செய்து விட்டோம்; அதனால், இ-டி.சி.ஆர்., முறைக்கு மாறுவதற்கு எந்த தயக்கமும் இல்லை
.'நிர்வாக காரணங்களால், பழைய முறை தொடர்கிறது' என்றனர்.வரைபட அனுமதி பெற அலைச்சல் ஏற்படுவதால், உள்ளூர் திட்ட குழுமத்துக்கு செல்ல மக்கள் விரும்புவதில்லை. அதனால், விதிமீறல் கட்டடங்கள் அதிகரிக்கின்றன. உள்ளாட்சி அமைப்புகளிலும், உள்ளூர் திட்ட குழுமத்திலும் மென்பொருள் பயன்படுத்துவதால், ஒற்றை சாளர முறையில் ஒரே இடத்தில் அனுமதி வழங்கலாம்.
-கனகசுந்தரம் தலைவர், கோவை பதிவு பெற்ற பொறியாளர்கள் சங்கம்தமிழகத்தின் மற்ற மாநகராட்சிகளில், இ-டி.சி.ஆர்., (electronic-development control regulation) நடைமுறை பின்பற்றப்படுகிறது. கோவையில் மட்டும், ஆட்டோ டி.சி.ஆர்., (auto-development control regulation) முறை பின்பற்றப்படுகிறது. இது தேவையற்ற தாமதத்தை ஏற்படுத்துகிறது.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X