சம்பவம் செய்தி

தமிழ்நாடு

கலங்கலில் உருவாகிறது அடர்வனம்: 4,000 மரக்கன்று நட மக்கள் ஆர்வம்

Added : நவ 11, 2019
Advertisement
 கலங்கலில் உருவாகிறது அடர்வனம்: 4,000 மரக்கன்று நட மக்கள் ஆர்வம்

சூலுார்:கலங்கல் கிராமத்தில், 4,000 மரக்கன்றுகள் நடும் திருவிழாவில், ஏராளமானோர் ஆர்வத்துடன் பங்கேற்றனர்.கலங்கல் வனம் அமைப்பு மற்றும் வனம் இந்தியா பவுண்டேஷன் சார்பில், மரக்கன்றுகள் நடும் விழா, கலங்கல் ஸ்ரீநாகதேவன், குரும்பிச்சியம்மன் கோவில் வளாகத்தில் நடந்தது. ஆல், அரசு, அத்தி, வேம்பு உள்ளிட்ட, 4,000 மரக்கன்றுகளை மாவட்ட கலெக்டர் ராஜாமணி, எம்.பி. நடராஜன், எம்.எல்.ஏ., கந்தசாமி, வெள்ளலுார் 105 ஆர்.எ.எப்., கமாண்டன்ட் ஜெயகிருஷ்ணன், நடிகர் சிவக்குமார் மற்றும் வனம் பவுண்டேஷன் நிர்வாகிகள், தன்னார்வலர்கள் நடவு செய்தனர்.துவக்க விழாவில், கொடிசியா தலைவர் வரதராஜன் வரவேற்றார். ஓய்வு பெற்ற வருமான வரித்துறை ஆணையர் ராமலிங்கம் முன்னிலை வகித்தார். அமைப்பின் நிர்வாகி சுந்தர்ராஜன், மரங்கள் வளர்ப்பதன் அவசியம் குறித்து விளக்கினார்.கலெக்டர் தலைமை வகித்து பேசுகையில், ''மரங்கள் இல்லாமல் மழை பெய்யாது. மரங்கள் வளர்ப்பது ஒவ்வொருவரின் கடமை. மரம் வளர்க்கும் பணியில், வனம் பவுண்டேஷனின் செயல்பாடுகள் பாராட்டத்தக்கவை. மாவட்ட நிர்வாகம் சார்பில், மரக்கன்றுகள் நடவு செய்துள்ள இடத்தில் ஆள்துளை கிணறு அமைக்க நடவடிக்கை எடுக்கப்படும்,'' என்றார்.கும்மியாட்டம், பரத நாட்டியம், குழு நடனம் உள்ளிட்ட கலை நிகழ்ச்சிகள் மூலம் மரங்கள் வளர்ப்பதன் அவசியம் குறித்து விழிப்புணர்வு ஏற்படுத்தப்பட்டது. விழாவில், ஆயிரக்கணக்கானோர் பங்கேற்றனர்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X