பொது செய்தி

தமிழ்நாடு

உள்ளாட்சி தேர்தலில் காங்., தனித்து போட்டி?

Added : நவ 11, 2019
Advertisement

ஆத்தூர்: உள்ளாட்சி தேர்தலில், ஊராட்சி தலைவர், வார்டு உறுப்பினருக்கு, அதிகளவில் காங்., கட்சியினர் போட்டியிட்டு வெற்றி பெற, நிர்வாகிகளுக்கு உத்தரவிடப்பட்டுள்ளதால், தனித்து போட்டியிடுகிறதா என, கேள்வி எழுந்துள்ளது.
தமிழகத்தில், டிசம்பரில் உள்ளாட்சி தேர்தல் நடத்த, ஏற்பாடு நடக்கிறது. அதில், காங்., கட்சி அதிகளவில், 'சீட்' பெற்று போட்டியிட முடிவு செய்துள்ளது. ஆனால், தி.மு.க., கூட்டணியில், எதிர்பார்த்த அளவு, சீட் கிடைக்குமா என, அக்கட்சிக்கு சந்தேகம் ஏற்பட்டுள்ளது. அதனால், கட்சி சின்னத்தில் போட்டியிடாமல், ஊராட்சி தலைவர், வார்டு உறுப்பினருக்கு, அதிகளவில் கட்சியினரை போட்டியிட வைக்க வேண்டும். அப்படி போட்டியிட்டு வெற்றி பெற்றால்தான், துணைத் தலைவர் பதவி பெறமுடியும். ஊராட்சி அளவில் காங்., கட்சியை பலப்படுத்த, கட்சி சின்னம் இல்லாமல் சுயேச்சையாக போட்டியிடும் பதவிகளிலும், கூடுதல் கவனம் செலுத்த, தமிழக காங்., தலைமை, அக்கட்சி நிர்வாகிகளுக்கு உத்தரவிட்டுள்ளது. இதை உறுதிப்படுத்தும் விதமாக, நேற்று முன்தினம், ஆத்தூரில் நடந்த, சேலம் கிழக்கு மாவட்ட காங்., கூட்டத்தில், மாவட்ட தலைவர் அர்த்தனாரி பேசுகையில், ''ஊராட்சி தலைவர், வார்டு உறுப்பினருக்கு, கட்சியினர் அதிகளவில் போட்டியிட வேண்டும். வட்டார தலைவர்கள், கட்சி சின்னமில்லாத, சுயேச்சையாக ஊராட்சிகளில் போட்டியிடும் கட்சியினர் விபரத்தை தயார்படுத்த வேண்டும்,'' என்றார். இதனால், காங்., கட்சி உள்ளாட்சி தேர்தலில் தனித்து போட்டியிடுகிறதா என, கேள்வி எழுந்துள்ளது.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X