பொது செய்தி

தமிழ்நாடு

மாநகரில் 600 குப்பை தொட்டிகள் அகற்றம்: மாநகராட்சி கமிஷனர் தகவல்

Added : நவ 11, 2019
Advertisement

ஈரோடு: வீடுகளில் நேரடியாக குப்பை வாங்கும் திட்டம் நடைமுறை படுத்தப்பட்டுள்ள காரணத்தால், மாநகரில் வைக்கப் பட்டிருந்த, 600 குப்பை தொட்டிகள் அகற்றப்பட்டுள்ளன.
இது குறித்து ஈரோடு மாநகராட்சி கமிஷனர் இளங்கோவன் கூறியதாவது: தமிழகத்தில், திருச்சி, வேலூர் ஆகிய இரு மாநகராட்சிகள், குப்பை தொட்டிகள் இல்லாத மாநகராட்சியாக மாற்றப்பட்டுள்ளன. அதே போல ஈரோடு மாநகரையும் மாற்ற வேண்டும் என்ற நோக்கத்தில், குப்பை மேலாண்மை பணியில், வீடு, வீடாக நேரடியாக சென்று குப்பை சேகரிக்கும் திட்டம் கடந்த சில மாதங்களுக்கு முன் துவங்கப்பட்டது. இதற்காக, 90 போட்டரி வாகனங்கள் பயன்படுத்தப்பட்டு வருகின்றன. இத் திட்டத்திற்கு மக்கள் மத்தியில் நல்ல வரவேற்பு உள்ளது. இதன் மூலம் வீதிகளில் குப்பை கொட்டு வோர் எண்ணிக்கை பெருமளவில் குறைந்து விட்டது. வீடு, வீடாக குப்பை சேகரிக்கும் திட்டம் துவங்கும் முன், மாநகரில் மொத்தம், 960 குப்பை தொட்டிகள் வைக்கப் பட்டிருந்தன. தற்போது நேரடியாக குப்பை சேகரிப்பதால் அதில், 600 குப்பை தொட்டிகள் எடுக்கப்பட்டு விட்டன. வரும் டிசம்பர் மாத இறுதிக்குள் அனைத்து குப்பை தொட்டிகளையும் எடுத்து விடலாம் என, முடிவு செய்யப்பட்டுள்ளது. இதற்கு மாநகர மக்களின் முழு ஒத்துழைப்பு தேவை. இவ்வாறு அவர் கூறினார்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X