புதுடில்லி: இந்த ஆண்டில் செப்., மாதத்தில் தொழில்துறை உற்பத்தி 4.3 சதவீதம் குறைந்துள்ளதால் பொருளாதாரம் மந்தநிலையை அடைந்துள்ளது.

தொழில்துறை உற்பத்தி கடந்த ஆக., மாதத்தில் 1.1 சதவீதம் சரிவை சந்தித்தது. செப்டம்பரில் உற்பத்தி சரிவு 4.3 சதவீதமாக அதிகரித்தது. சென்ற வருடத்தை ஒப்பிட்டு பார்க்கும் போது நாட்டிலுள்ள 23 தொழில் பிரிவுகளில் 17 பிரிவுகள் பின்னடைவை சந்தித்துள்ளது.
அதன்படி,
வாகன உற்பத்தி : 24.8 சதவீதம் சரிவு
பர்னிச்சர் உற்பத்தி : 23.6 சதவீதம் சரிவு
இயந்திர பாகங்கள் உற்பத்தி : 22 சதவீதம் சரிவு
உற்பத்தி துறையில் சென்ற வருடம் 4.8 சதவீதம் வளர்ச்சி இருந்தது.

எரிசக்தி உற்பத்தித் துறையில்: -
கடந்த செப்டம்பரில் : 8.2 சதவீதம் வளர்ச்சி
இந்தாண்டு செப்டம்பரில் : 2.6 சதவீதம் சரிவை சந்தித்துள்ளது.
சுரங்கத் தொழிலும் 8.5 சதவீதம் சரிவை சந்தித்துள்ளதாக மத்திய புள்ளியல் துறை விளக்கம் அளித்துள்ளது.