காணாமல் போன பாடகி சுசித்ரா மீட்பு| Dinamalar

சம்பவம் செய்தி

தமிழ்நாடு

காணாமல் போன பாடகி சுசித்ரா மீட்பு

Added : நவ 15, 2019 | கருத்துகள் (4)
காணாமல் போன பாடகி சுசித்ரா மீட்பு

சென்னை: சென்னை, அடையாறில், மாயமானதாக கூறப்பட்ட, பிரபல பாடகி சுசித்ராவை, போலீசார், ஒரு நட்சத்திர ஓட்டலில் இருந்து மீட்டனர். அவர், சேத்துப்பட்டில் உள்ள ஒரு மனநல மருத்துவமனையில் சிகிச்சைக்கு சேர்க்கப்பட்டுள்ளார்.

பிரபல திரைப்பட பாடகி சுசித்ரா. இவர், 'யாரடி நீ மோகினி' படத்தில் நடித்த, கார்த்திக் என்பவரை திருமணம் செய்தார். 'சுச்சி லீக்ஸ்' என்ற பெயரில், திரைப்பட பிரபலங்களின் அந்தரங்க படங்கள் வெளியாகின. இதன் பின்னணியில் சுசித்ரா இருப்பதாகவும், இவருக்கு, மனநிலை சரியில்லை எனவும் கூறப்பட்டது.

இதையடுத்து, சுசித்ராவிடம் இருந்து, கார்த்திக் விவகாரத்து பெற்றார். சென்னை, அடையாறு, காந்தி நகரில் உள்ள ஒரு வீட்டில், சுசித்ரா தனியாக வசித்து வந்தார்.இவரது சகோதரி சுனிதா. திருவான்மியூரில் வசிக்கிறார். இவர், சுசித்ராவை, தி.நகரில் உள்ள, ஒரு மனநல மருத்துவமனைக்கு அழைத்து சென்று சிகிச்சை கொடுத்து வந்துள்ளார். சில மாதம் சிகிச்சை எடுத்துள்ளார்.இந்நிலையில், இரு தினங்களுக்கு முன், சுசித்ரா அவரது தோழியிடம், 'துாக்க மாத்திரை சாப்பிட்டேன்' எனக் கூறி உள்ளார். தோழி கொடுத்த தகவலில், அடையாறு போலீசார், சுசித்ரா வீட்டுக்கு சென்றபோது, வீடு பூட்டி இருந்தது.

இதையடுத்து, 'சுசித்ராவை காணவில்லை' என, சுனிதா, அடையாறு போலீசில் புகார் அளித்தார். போலீசார் விசாரணையில், அடையாறில் உள்ள ஒரு நட்சத்திர ஓட்டலில், அவர் தங்கி இருப்பது தெரியவந்தது.

பெண் போலீசாருடன் சென்று, சுசித்ராவை மீட்டனர். தி.நகர் மருத்துவமனைக்கு அழைத்து செல்ல, சுனிதா முயன்றனர். அங்கு, செல்ல மறுத்ததையடுத்து, பெண் போலீசார் உதவியுடன் சேத்துப்பட்டு பகுதியில் உள்ள ஒரு மனநல மருத்துவமனைக்கு அழைத்து சென்றனர். அங்கு, சுசித்ரா சிகிச்சை பெற்று வருவதாக, சுனிதா, நேற்று போலீசில் கூறி உள்ளார்.

Advertisement


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X