'இந்தியாவுக்கு எதிராக போராட காஷ்மீரிகளுக்கு பயிற்சி அளித்தோம்'

Updated : நவ 16, 2019 | Added : நவ 15, 2019 | கருத்துகள் (18)
Advertisement
India, Pakistan, Musharraf, இந்தியா, ஜிகாத், எதிராக, போராட, காஷ்மீரி, பயிற்சி, Pervez Musharraf

இஸ்லாமாபாத்: 'இந்தியாவுக்கு எதிராகப் போராட காஷ்மீரிகளுக்கு, 'ஜிகாத்' பயிற்சி அளித்தோம். அவர்களை நாங்கள், 'ஹீரோ'வாக பார்த்தோம்' என, பாக்., முன்னாள் அதிபர் முஷாரப் கூறியுள்ளார்.

பாக்., முன்னாள் அதிபரான, முஷாரப் அளித்த தேதி குறிப்பிடாத ஒரு பேட்டி அடங்கிய, 'வீடியோ'வை, பாக்., அரசியல் தலைவர் பர்கதுல்லா பாபர், சமூக வலைதளத்தில் வெளியிட்டுள்ளார். அதில், முஷாரப் கூறியுள்ளதாவது: கடந்த, 1979ல், ஆப்கானிஸ்தானில் மத தீவிரவாதத்தை நாங்கள் அறிமுகம் செய்தோம். அங்கிருந்து சோவியத் ரஷ்யாவை வெளியேற்றுவதற்காகவும், பாக்.,குக்கு உதவுவதற்காகவும் இந்த நடவடிக்கை எடுக்கப்பட்டது. அதன்பிறகு, உலகெங்கும் உள்ள முஜாகிதீன்களை வரவழைத்து, பாக்.,கில் பயிற்சி அளித்தோம். அவர்களுக்கு ஆயுதங்களை அளித்தோம். அவர்கள் எங்களுடைய ஹீரோக்கள். ஹக்கானி எங்களுடைய ஹீரோ; ஓசாமா பின் லேடன் எங்களுடைய ஹீரோ.

ஆனால், அதன்பிறகு உலக சூழ்நிலை மாறியது. இவர்களை வில்லன்களாக பார்க்கத் துவங்கினர். அதேபோல், காஷ்மீரில் இருந்து வந்தவர்களை, ஹீரோக்கள் போல் வரவேற்றோம். அவர்களுக்கு பயிற்சி அளித்து ஆதரவும் அளித்தோம். அவர்களை முஜாகிதீன்களாக பார்த்தோம். இந்திய ராணுவத்துக்கு எதிராக போராடுவதற்காக அவர்களுக்கு பயிற்சி அளித்தோம். அதன் பிறகே, லஷ்கர் - இ - தொய்பா போன்ற பயங்கரவாத அமைப்புகள் உருவாகின. இவ்வாறு, அவர் கூறியுள்ளார்.

'ஜம்மு - காஷ்மீரில் வன்முறையைத் தூண்ட, பயங்கரவாதிகளுக்கு பாக்., உதவி வருகிறது' என, இந்தியா தொடர்ந்து கூறி வருகிறது. ஆனால், அதை பாக்., மறுத்து வருகிறது. இந்நிலையில், பயங்கரவாதிகளுக்கு உதவியதாக, அந்நாட்டின் முன்னாள் அதிபர் முஷாரப் கூறியுள்ளார்.

Advertisement




வாசகர் கருத்து (18)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
ganapati sb - coimbatore,இந்தியா
18-நவ-201911:38:17 IST Report Abuse
ganapati sb pakisthan payirchi alithu anupun desa virothigalai kooda kandupidithu enkavuntar seythu vidalaam aanal ingirunthe desadrogigalaga seyalpadubavargalai kalai yedukka vendiyathu miga avasiyam
Rate this:
Share this comment
Cancel
Sanny - sydney,ஆஸ்திரேலியா
16-நவ-201915:32:51 IST Report Abuse
Sanny இதை இவர் பாக், இலிருந்து சொல்லியிருந்தால் இவரே உண்மையான ஹீரோ.
Rate this:
Share this comment
Cancel
nicolethomson - சிக்கநாயக்கனஹள்ளி ,துமகூரு,இந்தியா
15-நவ-201921:13:16 IST Report Abuse
 nicolethomson எல்லாத்தையும் இலவசமாக வாங்கி கொண்டு வாழ்ந்து கொண்டிருப்பவர்களால் இப்படித்தான் உலகத்தை அழிக்கப்போகிறார்கள் என்பதனை உணர்த்தும் நாடு பாகிஸ்தான் , சோவியத் ரஷியாவை அழிக்க அன்று பாக்குக்கு தூக்கி கொடுத்தது அமெரிக்க , இப்போது சீனாவை அழிக்க ஏவி விட்டிருக்கிறது , பாப்போம் அழிய போவது பாகிஸ்தானா இல்லை சீனாவா என்று ? நடுவில் இளிச்சவாய இந்தியாவை முதுகில் குத்த நம்மூரில் சிலர் உதவி வருவது தான் வேதனை
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X