விஞ்ஞான வளர்ச்சியால் மொபைல் போன், 'லேப்டாப்' உள்ளிட்ட எலக்ட்ரானிக் பொருட்களின் பயன்பாடு அதிகரித்து வரும் வேளையில், அவற்றை உபயோகப்படுத்தி கழிக்கப்படும் 'இ-வேஸ்ட்' நம் நாட்டில் நாசம் விளைவிக்கும் நச்சாக மாறி வருகிறது.புவி வெப்பமயமாதல் காரணமாக இந்தியா, சீனா, ஜப்பான் உள்ளிட்ட நாடுகளில் கடல் நீர்மட்டம் உயர்ந்து பாதிப்பு ஏற்படும் அபாயம் உள்ளதாக, சமீபத்தில் ஐ.நா., சபை கவலை தெரிவித்தது. காடு அழிப்பு, நிலம், நீர், காற்று மாசுபாடு ஆகியன, புவி வெப்பமயமாதலுக்கு முக்கிய காரணமாகின்றன.அதனால், சுற்றுச்சூழலை பாதிக்கும், ஒரு முறை பயன்படுத்தும் பிளாஸ்டிக் பொருட்களுக்கு தமிழகத்தில் தடை விதிக்கப்பட்டது. மறுபுறம் குவிந்து வரும் எலக்ட்ரானிக் கழிவுகளால் (இ-வேஸ்ட்) ஏற்பட்டு வரும் பாதிப்பு குறித்து, மக்கள் இன்னும் அறியாமல் இருக்கின்றனர்.மொபைல் போன், 'லேப்டாப்', ரெப்ரிஜிரேட்டர், 'டிவி' உள்ளிட்ட எலக்ட்ரானிக் பொருட்கள், பிளாஸ்டிக் தயாரிப்பு போல், நச்சுத்தன்மை உள்ள பொருட்கள் ஏராளமாக தயாரிக்கப்படுவதாக, 'இ-வேஸ்ட்' மறுசுழற்சியாளர்கள் தெரிவிக்கின்றனர்.உலகில் இ-வேஸ்ட் அதிகமுள்ள நாடுகளில், ஐந்தாம் இடத்தில் நம் நாடு உள்ளது. அதில், மகாராஷ்டிராவை அடுத்து இ-வேஸ்டில், தமிழகம் இரண்டாமிடத்தில் இருப்பது, அபாயத்தின் எதிரொலி.இதுகுறித்து, சுற்றுச்சூழல் பொறியியல் படிப்பு முடித்தவரும், 'இ-வேஸ்ட்' மறுசுழற்சியாளருமான பிரசாந்த் ஓமனகுட்டன் கூறியதாவது:எலக்ட்ரானிக் கழிவில், அமெரிக்கா, சீனா நாடுகளை தொடர்ந்து, நம் நாடு ஐந்தாம் இடத்தில் உள்ளது. உலகில் ஆண்டுதோறும், 5 கோடியே, 50 லட்சம் டன், 'இ-வேஸ்ட்' வெளியேற்றப்படும் நிலையில், 25 லட்சம் டன் இந்தியாவில் இருந்து உருவாவதாக ஆய்வில் தெரியவந்துள்ளது.தமிழகத்தில் மட்டும் ஆண்டுதோறும், 3 லட்சம் டன் வெளியேறுகின்றன. எங்களை போன்ற நிறுவனங்களால், 30 ஆயிரம் டன்களே மறுசுழற்சி செய்யப்படுகின்றன. சென்னையை அடுத்து கோவை, திருச்சி, மதுரை நகரங்களில், 'இ-வேஸ்ட்' அதிகம். கோவையில், 3,000-4,000 டன் உருவாகிறது. அதில், 50-100 டன் மட்டுமே மறுசுழற்சிக்கு உட்படுகிறது. நச்சுத்தன்மை உள்ளவற்றை கும்மிடிப்பூண்டியில் உள்ள கழிவு மேலாண்மை நிறுவனத்துக்கு அனுப்புகிறோம். மீதமுள்ளவை ஆங்காங்கே கொட்டப்படுகிறது.'இ-வேஸ்ட்'களில் இருக்கும் காப்பர், அலுமினியம் உள்ளிட்ட உலோகங்கள் எரிக்கப்படும்போது, கண்ணுக்கு தெரியாத நச்சுக்களாக மாறி, காற்றில் கலந்து விடும். சுற்றுச்சூழல் பாதிப்புடன், மனிதர்களின் வாழ்நாளும் குறைகிறது. மாநிலம் முழுவதும் குறைந்த மறுசுழற்சியாளர்களே உள்ளதால், இவ்விஷயத்தில் தேவையான முன்னெச்சரிக்கை நடவடிக்கையை அரசு எடுக்க வேண்டும். குப்பைக்கு அபராதம் விதிப்பதுபோல், 'இ-வேஸ்ட்' விஷயத்திலும் சட்டங்களை அரசு கடுமையாக்க வேண்டும்.இவ்வாறு, அவர் கூறினார். தொழில்நுட்பம் தேவைஎலக்ட்ரானிக் பொருட்களில் இருக்கும் மாங்கனீசு, துத்தநாகம் எரிக்கப்பட்டால், நச்சுப்பொருட்களாக காற்றில் கலப்பதுடன், அதன் சாம்பல் மழைநீரில் கலந்து நிலத்தடி நீரை பாதிக்கும். ஒரு டியூப் லைட்டில் இருக்கும் 'மெர்குரி', 20 ஆயிரம் லிட்டர் தண்ணீரை மாசுபடுத்தும் தன்மை உள்ளது. வெளிநாடுகளில் இவற்றை பிரித்தெடுத்து விவசாயம் உள்ளிட்ட தேவைகளுக்கு பயன்படுத்துவதுபோல், இங்கும் அத்தொழில்நுட்பத்தை பயன்படுத்தினால், பாதிப்புகளை கட்டுப்படுத்த முடியும்.
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும்.
4. வாசகர்கள் தெரிவிக்கும் கருத்துக்களை, அவர்கள் நடையிலேயே எவ்வித அடித்தல், திருத்தல் இன்றி வெளியிட வேண்டும் என்றே நாங்கள் விரும்புகிறோம். அதற்கேற்ப உங்கள் கருத்துக்களை, விமர்சனங்களை நாகரிகமாக பதிவு செய்யுமாறு வேண்டுகிறோம்.
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியிடப்படுகின்றன. இருப்பினும் இந்த பகுதியில் வெளியாகும் வாசகர்கள் கருத்துக்கள் எவருடைய மனதையாவது புண்படுத்துவதாக கருதினால், அவர்கள் தங்கள் கருத்தாக அதைப் பதிவு செய்தால், அதைப் பரிசீலித்து, அந்த குறிப்பிட்ட கருத்தை தேவைப்பட்டால் திருத்தி வெளியிட உரிய முயற்சி மேற்கொள்ளப்படும். எனினும் இந்த பகுதியில் வெளியாகும் வாசகர்கள் கருத்துக்கள், அவர்களுடைய கருத்துக்களே; அதற்கு தினமலர் நிறுவனம் எந்த வகையிலும் பொறுப்பேற்க இயலாது.
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.
80
செத்தானுங்க? தகவல்தொழில்நுட்பம் என்றும்அட்வான்ஸ் டெக்னாலஜி என்றும்இங்கே கூவும் மேதாவிகளோட வாரிசுகளும், சந்ததிகளும் செத்தானுங்க? (எங்க வாரிசும் சேர்த்துதான்)? நல்ல நீரையும், சுகாதாரமான காற்றையும், சத்தான உணவையும் எங்களுக்கு விட்டுக் கொடுத்துவிட்டு போனமைக்காக நாங்களெல்லாம் எங்க அப்பன் ஆத்தா, தாத்தா, பாட்டிய சாமியா கும்முடுறோம்... இயற்கையையும், இறைவனையும் மதிக்காமல் “தானெனும் அகந்தையில் அலையும்... படித்த மேதாவி”களின் வாரிசுகள்... அவர்களை சாபமிடுவார்கள்...
எங்கே செல்லும் இந்த பாதை...... யாரோ யாரோ அறிவார்.
