சிறப்பு பகுதிகள்

அக்கம் பக்கம்

திருத்தவே முடியாது!

Added : நவ 26, 2019
Advertisement
 திருத்தவே முடியாது!

'இனி, இவரை நம்பி பலன் இல்லை; வேறு கட்சிகளுக்கு ஓட்டம் பிடிக்க வேண்டியது தான்' என, முன்னாள் பிரதமரும், மதச் சார்பற்ற ஜனதா தள தலைவருமான தேவ கவுடாவை பற்றி, எரிச்சலுடன் கூறுகின்றனர், அவரது கட்சி நிர்வாகிகள்.கடந்த லோக்சபா தேர்தலில், தன் குடும்பத்தினருக்கும், உறவினர்களுக்கும் அதிக அளவில், 'சீட்' கொடுத்ததாக, தேவ கவுடா மீது, கட்சி நிர்வாகிகள் அதிருப்தி அடைந்தனர். ஆனால், அவர் பொருட்படுத்தவில்லை.மகன், பேரன், மருமகள் என, எல்லாருக்கும், 'சீட்'களை வாரி வழங்கினார். அந்த தேர்தலில், மதச் சார்பற்ற ஜனதா தளம், ஒரு தொகுதியில் மட்டும் தான் வெற்றி பெற்றது.'தலைவருக்கு இனி புத்தி வந்து விடும். அடுத்த தேர்தல்களில் குடும்பத்தினரை புறம் தள்ளி விடுவார். நமக்கு தான், முக்கியத்துவம் அளிப்பார்' என, கட்சியினர் கூறி வந்தனர்.இந்த நேரத்தில் தான், கர்நாடகாவில் உள்ளாட்சி தேர்தல் அறிவிப்பு வெளியானது. இதில் பிரசாரம் செய்யும், கட்சிகளின் நட்சத்திர தலைவர்கள் அடங்கிய பட்டியலை வெளியிட்டார், தேவ கவுடா.இதில், பெரும்பாலானோர் தேவ கவுடா குடும்பத்தை சேர்ந்தவர்கள் தான். அவரது மகன்கள் குமாரசாமி, ரேவண்ணா, பேரன்கள், மருமகள்கள் ஆகியோரது பெயர்களளே அதிகம் இருந்தன. இதைப் பார்த்ததும், கட்சி நிர்வாகிகள் வெறுத்துப் போய் விட்டனர்.'ஊகூம்... இவரை திருத்தவே முடியாது. நம்ம பிழைப்பை பார்க்க வேண்டியது தான்' என, முணு முணுக்கின்றனர்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X