மேட்டூர், :சேலம் மாவட்டம் மேட்டூர் அணையின் மொத்த நீர்மட்டம் 120 அடி; கொள்ளளவு 93.47 டி.எம்.சி.காவிரி நீர்பிடிப்பு பகுதியில் மழை தீவிரமடைந்து நீர்வரத்து அதிகரித்ததால் மேட்டூர் அணை செப். 7ல் நடப்பாண்டு முதல்முறையாக நிரம்பியது. இது வரை நான்கு முறை முழுகொள்ளளவை எட்டியது.இதில் செப். 7 முதல் 21 வரை - 25 நாட்கள்; செப். 24 முதல் 29 வரை - ஐந்து நாட்கள்; அக். 23 முதல் நவ. 7 வரை - 16 நாட்கள்; நவ. 11 முதல் நேற்று வரை 17 நாட்கள் என இதுவரை 63 நாள் அணை முழு கொள்ளளவில் நீடித்துள்ளது.நேற்று அணைக்கு வினாடிக்கு 6998 கன அடி நீர் வந்தது. பாசனத்துக்கு 6000 கன அடி நீர்; கால்வாயில் 800 கன அடி நீர் வெளியேற்றப்பட்டது. நீர்மட்டம் 120 அடியாக இருந்தது.அணைக்கு வரும் நீர் முழுமையாக பாசனத்துக்கு திறக்கப்படுவதால் மேலும் சில நாட்களுக்கு அணை முழு கொள்ளளவில் நீடிக்க வாய்ப்புள்ளது.