பொது செய்தி

தமிழ்நாடு

தமிழக கோவிலில் திருடு போன 2 சிலைகள் ஆஸி.,யில் மீட்பு

Updated : நவ 28, 2019 | Added : நவ 28, 2019 | கருத்துகள் (7)
Advertisement

சென்னை: தமிழகத்தில் இருந்து 24 ஆண்டுகளுக்கு முன் திருடப்பட்டு ஆஸ்திரேலியாவுக்கு கடத்தப்பட்ட 4.98 கோடி ரூபாய் மதிப்புள்ள துவார பாலகர்கள் கற்சிலைகளை போலீசார் மீட்டுள்ளனர். இந்த சிலைகளை ஆஸ்திரேலிய அரசு பிரதமர் மோடியிடம் ஒப்படைக்க உள்ளது.






திருநெல்வேலி மாவட்டம் அத்தாளநல்லுாரில் மூன்றீஸ்வரமுடையார் கோவில் உள்ளது. இக்கோவிலில் இருந்து மர்ம நபர்கள் 1995ல் பல கோடி ரூபாய் மதிப்புள்ள ஏழு சிலைகளை திருடினர். இச்சிலைகள் திருடு போனது பற்றி அம்மாவட்ட போலீசார் வழக்குப் பதிவு செய்யாமல்இருந்துள்ளனர்.

சிலை கடத்தல் தடுப்பு பிரிவு சிறப்பு அதிகாரி பொன் மாணிக்கவேல் தலைமையிலான போலீசார் சிலை கடத்தல் வழக்கில் கைதாகி புழல் சிறையில் அடைக்கப்பட்டுள்ள சுபாஷ் சந்திர கபூர் 70 என்பவரிடம் விசாரித்துள்ளனர். அப்போது அவர் ஒன்பது பேருடன் சேர்ந்து அத்தாளநல்லுாரில் ஏழு சிலைகளை திருடி ஆஸ்திரேலியாவுக்கு கடத்தி கேன்பரா நகரில் உள்ள அருங்காட்சியகத்திற்கு விற்றதாக தெரிவித்துள்ளார்.

இதையடுத்து திருடு போனவற்றில் 4.98 கோடி ரூபாய் மதிப்புள்ள இரண்டு துவார பாலகர்கள் கற்சிலைகளை போலீசார் மீட்டுள்ளனர். இந்த சிலைகளை ஜனவரியில் ஆஸ்திரேலிய பிரதமர் நம் நாட்டு பிரதமர் மோடியிடம் ஒப்படைக்க உள்ளார்.





இது குறித்து பொன் மாணிக்கவேல் கூறியதாவது: மீட்கப்பட்டுள்ள இரு சிலைகளும் அத்தாளநல்லாரில் உள்ள கோவிலில் இருந்து தான் திருடப்பட்டது என்பதை கண்டறிவது மிகவும் சிரமாக இருந்தது. சிலைகள் திருட்டு பற்றி திருநெல்வேலி மாவட்ட போலீசார் வழக்குப் பதிந்து இருந்தால் எளிதாக அடையாளம் கண்டு சிலைகளை முன்பே மீட்டு இருக்கலாம். இந்த சிலை மீட்பு முயற்சியில் என்னுடன் கூடுதல் எஸ்.பி. மலைச்சாமி மிகவும் உறுதுணையாக இருந்தார். மீதமுள்ள சிலைகளையும் விரைவில் மீட்போம். இவ்வாறு அவர் கூறினார்.

Advertisement




வாசகர் கருத்து (7)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Thamilanban - Shivamogga,இந்தியா
28-நவ-201910:15:24 IST Report Abuse
Thamilanban வாழ்த்துக்கள் ஐயா...
Rate this:
Share this comment
Cancel
28-நவ-201908:02:57 IST Report Abuse
ருத்ரா கொள்ளை அடித்தவன் கொண்டு விற்றவன் கூட்டத்தில் யார் விரைவில் செல்லுங்கள். நன்றி ஐயா
Rate this:
Share this comment
Cancel
தமிழ் மைந்தன் - coiambatore,இந்தியா
28-நவ-201907:18:53 IST Report Abuse
தமிழ் மைந்தன் இந்த திருடுபவர்களை ஆதரிக்க மட்டுமே ஆரம்பிக்கபட்ட திருடர்கள் முன்னேற்ற கழகம் இது பற்றி என்ன சொல்கிறது..............வழக்கம்போல பதவி விலக வேண்டும் என்றா
Rate this:
Share this comment
Srinivas - Chennai,இந்தியா
28-நவ-201910:59:13 IST Report Abuse
Srinivasசெய்தியில் உள்ளபடி இந்த சிலைகள் திருடு போனது 95 இல். அப்போது ஆட்சியில் இருந்தது அம்மாஜி. காவல்துறை வழக்கு பதியாமல் இருந்தது ஏன்? இன்றும் அடிமை அரசு பொன் மாணிக்கவேல் அவர்கள் விசாரணை செய்யக்கூடாது என்று உச்சநீதிமன்றம் வரை சென்று வழக்கு தொடர்ந்து முடியாமல் தோற்றுபோனவர்கள். அரசு நேர்மையானது என்றால் ஏன் அவர் விசாரணை செய்யக்கூடாது என்று வழக்கு தொடரனும்? நீதிமன்றம் தலையிட்டு அவரை விசாரணை செய்ய அனுமதித்ததால் பல வழக்குகளில் சிலைகள் மீட்கப்படுகின்றன. அனைத்தையும் மக்கள் பார்த்துக்கொண்டுள்ளனர்....
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X