பொது செய்தி

தமிழ்நாடு

இளையராஜாவை வெளியேற்ற முயற்சி ஸ்டுடியோவை முற்றுகையிட்ட இயக்குனர்கள்

Added : நவ 29, 2019 | கருத்துகள் (7)
Advertisement
 இளையராஜாவை வெளியேற்ற முயற்சி ஸ்டுடியோவை முற்றுகையிட்ட இயக்குனர்கள்

சென்னை: இசையமைப்பாளர் இளையராஜாவை வெளியேற்ற முயற்சி நடப்பதாக கூறி, பிரசாத் ஸ்டுடியோவை, பாரதிராஜா, பாக்கியராஜ் உள்ளிட்ட இயக்குனர்கள் முற்றுகையிட்டதால் பரபரப்பு ஏற்பட்டது.
சென்னை, சாலிகிராமத்தில், பிரசாத் ஸ்டுடியோ உள்ளது. அங்கு, சினிமா படப்பிடிப்பு, 'எடிட்டிங்' உள்ளிட்ட பணிகள் மேற்கொள்ளப்படுகின்றன. ஸ்டுடியோவின் ஒரு பகுதி, நட்பின் அடிப்படையில், இசையமைப்பாளர் இளையராஜாவுக்கு ஒதுக்கப்பட்டு உள்ளது.
அவர் அங்கு, 20 ஆண்டுகளுக்கும் மேலாக, இசைக்கூடம் அமைத்து, ஆயிரத்திற்கும் மேற்பட்ட படங்களுக்கு இசை அமைத்துள்ளார். தற்போது, 'பிரசாத் ஸ்டுடியோ' நிர்வாகம், வேறு ஒருவரிடம் ஒப்படைக்கப்பட்டு இருப்பதாக கூறப்படுகிறது. இதனால், இளையராஜாவை அங்கிருந்து வெளியேற்றும் முயற்சி நடக்கிறது.
'இசைக்கூடத்தை காலி செய்ய அவகாசம் வேண்டும்' என, இளையராஜா தரப்பில் கோரிக்கை விடுக்கப் பட்டுள்ளது. ஆனால், உடனடியாக காலி செய்ய வேண்டும் என, பிரசாத் ஸ்டுடியோ தரப்பில் கூறுவதால், இரு தரப்பினருக்கும் கருத்து வேறுபாடு ஏற்பட்டுள்ளது.
இதுதொடர்பாக பேச்சு நடத்த, பிரசாத் ஸ்டுடியோவுக்கு, நேற்று இயக்குனர்கள பாக்கியராஜ், ஆர்.கே.செல்வமணி, பாரதிராஜா, சீமான் ஆகியோர் சென்றனர். அப்போது, 'சீமான் உள்ளே வர அனுமதிக்க முடியாது' என, பிரசாத் ஸ்டுடியோ நிர்வாகத்தினர் தெரிவித்து விட்டனர்.
இதனால், மற்ற இயக்குனர்கள் மற்றும் அவர்களது ஆதரவாளர்கள், முற்றுகை போராட்டம் நடத்தினர். பின், போலீஸ் பாதுகாப்புடன், பாரதிராஜா, சீமான், பாக்கியராஜ், ஆர்.கே.செல்வமணி உள்ளிட்ட சிலர், ஸ்டுடியோவுக்குள் அனுமதிக்கப் பட்டனர்.
பேச்சு நடத்திய பின், பாரதிராஜா கூறியதாவது:நாங்கள் இருதரப்பினரிடமும் சுமூகமாக பேசி, பிரச்னையை தீர்க்கவே விரும்புகிறோம். இளையராஜாவை வலுக்கட்டாயமாக வெளியேற்ற முயற்சி நடப்பது ஏற்க இயலாது. அவருக்கு அவகாசம் வேண்டும். அதற்குள் நாங்கள் இளையராஜாவுக்கு மற்றொரு இடத்தை ஏற்பாடு செய்வோம். நான்கு நாட்களில் இறுதி முடிவு எடுத்து, பிரசாத் ஸ்டுடியோ நிர்வாகத்திடம் தெரிவிப்போம்.இவ்வாறு, அவர் கூறினார்.

Advertisement


வாசகர் கருத்து (7)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
bal - chennai,இந்தியா
01-டிச-201920:09:27 IST Report Abuse
bal ஓசியில் கொடுத்ததை திரும்பி கேட்டால் இந்த கூத்தாடிகள் சண்டை போடும்...ஞாயத்திற்கே காலம் இல்லை.
Rate this:
Share this comment
Cancel
Ray - Chennai,இந்தியா
30-நவ-201922:51:28 IST Report Abuse
Ray இதற்குப்போய் திரட்டிக் கொண்டு போனதேன் அதிலும் தீவிரவாதிகளின் ஊடுருவல் ஏனாம் அது தேவையா? புகழ் பெற்றவர்களிருவரும் கண்ணியமாக நடந்து கொள்வார்கள் என்றுதான் நடுநிலையாளர்கள் விரும்புவார்கள்
Rate this:
Share this comment
Cancel
Palanisamy Sekar - Jurong-West,சிங்கப்பூர்
30-நவ-201915:21:35 IST Report Abuse
Palanisamy Sekar உரிமையாளருக்கு உள்ள உரிமையை தட்டிப்பறிப்பதோ..அல்லது முற்றுகையிட்டு இடத்தை ஆக்கிரமிப்பதோ தவறு. இதில் ரவுடியை போல சீமானை உள்ளே அனுமதிக்காதது பிரச்சினையை பெரிதாகாமல் போனது. எவ்வளவு வசதிவாய்ப்புகள் ஏற்படுத்தி கொடுத்தாலும் ஏன் இவர்களுக்கு அந்த ஓசிக்குணம் மட்டும் அவர்களை விட்டு விலகுவதில்லை? ஓசி சோறு கூட்டம். வெட்கம். தவறானது இளையராஜாவின் செயல்பாடுகள். வெளியேறுவதுதான் மரியாதைக்குரிய செயல். இவ்ளோ பணம் வந்தும் கூட பாருங்களேன் பேராசையை. என்ன மனிதர்களோ. பிச்சைக்காரனை விட கேவலமானவர்கள்..இதில் அடியாட்களை போல சிலரின் செயல்கள்..மஹா கேவலம்..
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X